বিশ্বৰ বিভিন্ন প্ৰন্তত কেনেদৰে উদযাপন কৰা হয় ঈদ-উজ-জোহা

ইস্তানবুলঃ চহকী ঐতিহাসিক আৰু সাংস্কৃতিক ঐতিহ্যৰ বাবে ঈদ-উজ-জোহা উদযাপনৰ বাবে এক উত্তম স্থান। তুৰ্কী পৰম্পৰা আৰু ইছলামিক ৰীতি-নীতিৰে দুখীয়ালোকৰ মাজত মাংস বিতৰন কৰা হয়। বছৰৰ এই সময়ছোৱাত চহৰখনৰ চৌদিশে এক আধ্যাত্মিক পৰিৱেশে বিৰাজ কৰে।

মালয়েছিয়াৰ কুৱালালামপুৰঃ ঈদ-উজ-জোহাৰ সময়ত মালয়েছিয়াত এক অবিস্মৰণীয় অভিজ্ঞতা উপভোগ কৰিব পাৰি। মুছলমান সম্প্ৰদায়ৰ সংহতিৰ মনোভাৱ অনুভৱ কৰিবলৈ ৰাষ্ট্ৰীয় মছজিদত জামাতৰ নামাজত যোগদান কৰে। ঈদৰ সময়ত পেটালিং ষ্ট্ৰীটৰ বজাৰসমূহ ৰঙীন হৈ পৰে।

মৰক্কোৰ মাৰাকেচঃ ইছলামিক, বাৰ্বাৰ আৰু আৰব পৰম্পৰাৰ মনোমোহা মিশ্ৰণেৰে ঈদ-উজ-জোহা উদযাপনৰ বাবে এক বিশেষ পৰিৱেশৰ দেখিবলৈ পোৱা যায়। ঈদৰ সময়ত সকলোৱে বিখ্যাত কৌটৌবিয়া মছজিদত প্ৰাৰ্থনা আৰু আত্মনিৰীক্ষণৰ বাবে একত্ৰিত হয়। সেই সময়ছোৱাত বজাৰসমূহত স্থানীয় সুস্বাদু খাদ্য আৰু পৰম্পৰাগত হস্তশিল্পৰে উভৈনদী হৈ পৰে।

ডুবাইঃ ডুবাই নিজৰ সমৃদ্ধি আৰু ভৱিষ্যৎৰ বাবে পৰিচিত। ঈদৰ দিনা সকলোৱে চহৰখনৰ আকৰ্ষণীয় স্থাপত্য পাম জুমেইৰা মছজিদত সমূহীয়া নামাজত অংশগ্ৰহণ কৰে আৰু পিছত দান বৰঙণি আগবঢ়াই।

ডাকাৰ চেনেগালঃ শক্তিশালী ইছলামিক পৰম্পৰাৰ দেশ চেনেগালে ঈদ-উজ-জোহাৰ সময়ত গভীৰ আধ্যাত্মিক আৰু আন্তৰিক অভিজ্ঞতা আগবঢ়ায়। ৰাজধানী ডাকাৰত ৰঙীন উৎসৱ, সমূহীয়া নামাজ আৰু প্ৰথাগত অনুষ্ঠানেৰে সজীৱ হৈ উঠে দেশখন। পৰম্পৰাগত প্ৰথা কোৰবাণীৰ পিছত মিছকিন সকলৰ মাজত মাংসৰ বিতৰণ কৰা হয়।

মক্কা চৌদি আৰৱঃ হজৰ সময়ত লাখ লাখ মুছলমানলোকে ইছলামৰ পবিত্ৰতম চহৰখনলৈ যাত্ৰা কৰে। প্ৰতি বছৰে বিশ্বৰ বিভিন্ন প্ৰান্তৰ পৰা তীৰ্থযাত্ৰীসকলে মক্কাত সমবেত হৈ হজ পালন কৰে, যাৰ ফলত চহৰখনক তীব্ৰ আধ্যাত্মিক কাৰ্যকলাপৰ কেন্দ্ৰলৈ ৰূপান্তৰিত হয়। ঈদ-উজ-জোহা উদযাপনৰ লগে লগে হজযাত্ৰাৰ অন্ত পৰে। ঈদ-উজ-জোহাই এক বৃহৎ ধৰ্মীয় তাৎপৰ্য বহন কৰে।

জেৰুজালেম, ইজৰাইলঃ ইছলামৰ অন্যতম পবিত্ৰ স্থান হৈছে জেৰুজালেম। ঈদ-উজ-জোহাৰ সময়ত আল-আকছা মছজিদ মুছলমান লোকসকলৰ বাবে জনপ্ৰিয় গন্তব্যস্থানত পৰিণত হয়। বিশ্বাসীসকলৰ এটা মণ্ডলীয়ে অনন্য প্ৰাৰ্থনা আৰু অনুষ্ঠানত অংশগ্ৰহণ কৰিবলৈ চহৰখনত ভিৰ কৰে। পৰিয়ালসমূহে আনন্দ কৰিবলৈ, কোৰবাণী কৰিবলৈ আৰু আনন্দৰে আহাৰ গ্ৰহণ কৰিবলৈ একত্ৰিত হয়।