ৰাকেশ চৌৰাছিয়া
ৰঙৰ উৎসৱ ফাকুৱা বা হোলী প্ৰতি বছৰে ফাগুন মাহৰ পূৰ্ণিমাৰ দিনা পালন কৰা হয়। হিন্দু পঞ্জিকা অনুসৰি এইটো এটা গুৰুত্বপূৰ্ণ উৎসৱ। সমগ্ৰ ভাৰতবৰ্ষতে অতি আনন্দ-উল্লাসেৰে ইয়াক উদযাপন কৰা হয়। ২০২৫ চনৰ হোলী উৎসৱ মাৰ্চ মাহত পৰিছে। ২০২৫ চনৰ হোলীৰ প্ৰকৃত দিন, শুভ ক্ষণ আৰু ইয়াৰ সৈতে জড়িত অন্যান্য তথ্যসমূহ জানো আঁহক।
হোলিকা দহনঃ ১৩ মাৰ্চ, ২০২৫ (বৃহস্পতিবাৰ), ৰং ৱালি হোলীঃ ১৪ মাৰ্চ, ২০২৫ (শুকুৰবাৰ)।
হোলিকা দহনৰ শুভ সময়ঃ
এইবাৰ ১৩ মাৰ্চ বৃহস্পতিবাৰে নিশা হোলিকা দহন পৰিবেশন কৰা হ’ব। হোলিকা দহনৰ দিনা আৰম্ভ হ'বলৈ গৈ আছে ভদ্ৰা কাল মানে ভাদ মাহ। ভদ্ৰা কালৰ সময় হৈছে ১৩ মাৰ্চৰ পুৱা ১০.৩৫ বজাৰ পৰা নিশা ১১.২৯ বজালৈ। প্ৰদোষ কালত সূৰ্যাস্তৰ পিছত হোলিকা দহন কৰা হয় যদিও ভদ্ৰাৰ ছাঁৰ বাবে ১৩ মাৰ্চৰ নিশা ১১.৩০ বজাৰ পিছতহে হোলিকা দহন কৰা হ’ব।
ৰং খেলাৰ শুভ সময়ঃ ১৪ মাৰ্চৰ পুৱা ০৯.০০ বজাৰ পৰা দুপৰীয়া ১২.০০ বজালৈ ফাকুৱা খেলাৰ শুভ সময়। একেদৰে, অভিজীত মুহুৰ্ত হৈছে পুৱা ১১.৫৬ বজাৰ পৰা নিশা ১২.৪৫ বজালৈ।
হোলীৰ ধৰ্মীয় আৰু সাংস্কৃতিক তাৎপৰ্যঃ
হোলী উৎসৱক অশুভৰ বিৰুদ্ধে শুভ আৰু ভালৰ জয়ৰ প্ৰতীক হিচাপে গণ্য কৰা হয়। ই কেৱল ৰঙৰ উৎসৱ নহয়, বৰঞ্চ সমাজত প্ৰেম, সম্প্ৰীতি আৰু একতা বৃদ্ধিৰো উৎসৱ। বহুতো পুৰাণ আৰু ধৰ্মীয় গ্ৰন্থত হোলীৰ কথা উল্লেখ আছে।
হোলিকা দহনৰ নিশা (ফাইল ফটো)
হোলীৰ সৈতে জড়িত আটাইতকৈ বিখ্যাত কাহিনীটো হৈছে ভক্ত প্ৰহ্লাদ আৰু হিৰণ্যকশিপুৰ। ভক্ত প্ৰহ্লাদ ভগৱান বিষ্ণুৰ অগাধ ভক্ত আছিল যদিও তেওঁৰ পিতৃ অসুৰ ৰজা হিৰণ্যকশিপুৰ বিষ্ণুৰ কঠোৰ বিৰোধী আছিল। পুত্ৰই বিষ্ণুক পূজা কৰাত বাধা দিবলৈ তেওঁ বহু অত্যাচাৰ কৰিছিল। অৱশেষত তেওঁ ভনীয়েক হোলিকাৰ সহায়ত প্ৰহ্লাদক জ্বলোৱাৰ পৰিকল্পনা ৰচনা কৰিলে, যিগৰাকীয়ে জুইত জ্বলি নোযোৱাৰ বৰ লাভ কৰিছিল।
কিন্তু ভগৱানৰ কৃপাত প্ৰহ্লাদ নিৰাপদে থাকিল আৰু হোলিকা জুইত জ্বলি গ’ল। তেতিয়াৰ পৰাই এই উৎসৱক অশুভৰ বিৰুদ্ধে ভালৰ জয় হিচাপে পালন কৰা হয়।
হোলীৰ পূজা বিধিঃ
আগতে ফাগুন মাহ আৰম্ভ হোৱাৰ লগে লগে হোলী আৰম্ভ হৈছিল আৰু গাঁৱে-ভূঞে ফাগৱা গোৱা হৈছিল। এতিয়া দুদিন ধৰি হোলী উৎসৱ পালন কৰা হয়। গ্ৰামাঞ্চলত আজিও বহু দিন ধৰি পৰম্পৰাগত পদ্ধতিৰে হোলী পালন কৰা হয়। নগৰ অঞ্চলত প্ৰথম দিনা হোলিকা দাহন আৰু দ্বিতীয় দিনা ৰঙৰ উৎসৱ পালন কৰা হয়।
হোলিকা দহনৰ পদ্ধতিঃ
ইয়াৰ বাবে প্ৰয়োজনীয় পূজাৰ সামগ্ৰীসমূহ হৈছে-গৰুৰ গোবৰ, কাঠ, গৰুৰ গোবৰৰ পিঠা, গংগা জল, ৰলি, গোটা চাউল, নাৰিকল, হালধি, গুলাল, ঘেঁহু আৰু ফুলেৰে তৈয়াৰী হোলিকা।
সন্ধিয়াৰ সময়ৰ পূজাঃ শুভ সময়ত কাঠ আৰু গৰুৰ গোবৰৰ পিঠাৰে হোলিকা সজাই লওক।
হোলিকা দহনঃ গংগা পানীৰে শুদ্ধ কৰি হোলিকা জ্বলাই দিব।
পৰিক্ৰমাঃ হোলিকাক সাতবাৰ প্ৰদক্ষিণ কৰি ঘেঁহুৰ দানা আগবঢ়াওক।
প্ৰসাদ বিতৰণঃ পৰিয়াল আৰু বন্ধু-বান্ধৱীৰ মাজত প্ৰসাদ বিতৰণ আৰু শুভেচ্ছা জ্ঞাপন কৰক।
ৰং খেলাৰ পৰম্পৰাঃ ফাগুনৰ শুক্ল প্ৰতিপদৰ দিনটোত মানুহে আবিৰ-গুলাল, জলৰং আৰু ফুলেৰে হোলী খেলে। বিশেষকৈ প্ৰেম আৰু সদিচ্ছা বৃদ্ধিৰ বাবে এই দিনটো উদযাপন কৰা হয়।
২০২৫ চনৰ হোলীৰ বাবে বিশেষ যোগ আৰু প্ৰতিকাৰঃ
ৰাজযোগঃ এইবাৰ হোলীত গ্ৰহৰ শুভ অৱস্থানৰ বাবে এক বিশেষ ৰাজযোগ গঠন কৰা হৈছে, যিটো ব্যৱসায়ী আৰু কৰ্মৰত পেছাদাৰীসকলৰ বাবে উপকাৰী হ’ব।
গজকেছাৰী যোগঃ এই যোগৰ বাবে সামাজিক আৰু অৰ্থনৈতিক অৱস্থা উন্নতিৰ সম্ভাৱনা থাকে।
সৰ্বাৰ্থ সিদ্ধি যোগ: এই যোগ সকলো ধৰণৰ সাফল্যৰ বাবে উত্তম, যিয়ে জীৱনত সুখ আৰু সমৃদ্ধি কঢ়িয়াই আনে।
হোলীৰ আনন্দত মতলীয়া যুৱক-যুৱতী
হোলীত গ্ৰহণ কৰিবলগীয়া বিশেষ ব্যৱস্থাঃ
ধন-সম্পত্তি বৃদ্ধিৰ বাবে: ৫ টা কড়ী (Cowry) হোলিকাৰ অগ্নিকুণ্ডত ৰাখি পিছদিনা নিৰাপদ স্থানত ৰাখিব।
দুষ্ট গ্ৰহৰ পৰা সুৰক্ষাঃ হোলিকা দাহনৰ সময়ত সৰিয়হ তেলৰ চাকি জ্বলালে দুষ্ট গ্ৰহৰ পৰা সুৰক্ষা লাভ কৰিব।
বিবাহিত জীৱনত সুখৰ বাবে স্বামী-স্ত্ৰীয়ে হোলীৰ দিনা একেলগে ৰং খেলি ভগৱানক গুলাল আগবঢ়াব লাগে।
শত্ৰুৰ বাধাৰ পৰা মুক্তিঃ ঘৰলৈ হোলিকাৰ ছাই আনিলে নেতিবাচক শক্তি নাইকিয়া হয়।
হোলীৰ সময়ত সাৱধানতাঃ
ৰাসায়নিক ৰং পৰিহাৰ কৰকঃ প্ৰাকৃতিক ৰং ব্যৱহাৰ কৰক, কিয়নো ৰাসায়নিক পদাৰ্থ থকা ৰঙে ছাল আৰু চকুৰ ক্ষতি কৰিব পাৰে।
নিৰাপদে খেলকঃ ল’ৰা-ছোৱালী আৰু বয়োজ্যেষ্ঠৰ সৈতে সতৰ্কতাৰে হোলী খেলক।
মদ আৰু অন্যান্য মাদক দ্ৰব্য পৰিহাৰ কৰকঃ হোলীৰ দিনা অত্যধিক মদ্যপান কৰিলে দুৰ্ঘটনা বৃদ্ধি পাব পাৰে।
উল্লেখ্য যে, ১৩ আৰু ১৪ মাৰ্চত দেশজুৰি উদযাপিত হ'বলগীয়া হোলী উৎসৱ কেৱল ধৰ্মীয়ভাৱেই নহয়, সামাজিক আৰু সাংস্কৃতিক দিশতো অতি গুৰুত্বপূৰ্ণ। আজিৰ সময়চোৱাত মানুহে নিজৰ পাৰস্পৰিক মতানৈক্য পাহৰি প্ৰেম আৰু সদিচ্ছাৰ বাৰ্তা দিয়ে। হোলী উপভোগ কৰাৰ সময়ত পৰিৱেশ আৰু সুৰক্ষাৰ প্ৰতিও আমি যত্ন লোৱা উচিত। ৰঙৰ এই পবিত্ৰ উৎসৱত সকলোকে শুভেচ্ছা জ্ঞাপন কৰিছো।
