নলবাৰী
অসমৰ মুখ্যমন্ত্ৰী হিমন্ত বিশ্ব শৰ্মাই মঙলবাৰে নলবাৰীত ₹ ৮.৫ কোটি ব্যয় সাপেক্ষে এটা 3D প্লেনেটেৰিয়াম উদ্বোধন কৰে। এইটো অসমৰ প্ৰথমটো 3D প্লেনেটেৰিয়াম যাৰ আধাৰশিলা ২০১২ চনত স্থাপন কৰা হৈছিল।
টুইটাৰত মুখ্যমন্ত্ৰী শৰ্মাই লিখিছে: “আজি নলবাৰীৰ মিলনপুৰত নলবাৰী বিজ্ঞান কেন্দ্ৰ আৰু প্লেনেটেৰিয়াম উদ্বোধন কৰিলোঁ। ৰাজ্যখনৰ প্ৰথমটো 3D আৰু চতুৰ্থ প্লেনেটেৰিয়াম, ই শেহতীয়া প্ৰযুক্তিৰে সজ্জিত আৰু ই ছাত্ৰ-ছাত্ৰীসকলক বিজ্ঞান আৰু প্ৰযুক্তিক কেৰিয়াৰ বিকল্প হিচাপে গ্ৰহণ কৰিবলৈ প্ৰেৰণা দিব।”
মুখ্যমন্ত্ৰী শৰ্মাই নলবাৰী জিলাত ₹৬৮০ কোটিৰ উদ্যান শস্য গৱেষণা মহাবিদ্যালয়, উপ-আঞ্চলিক বিজ্ঞান কেন্দ্ৰ আৰু প্লেনেটেৰিয়াম উদ্বোধন, উপাযুক্ত কাৰ্যালয় প্ৰকল্পৰ আধাৰশিলা আদি উদ্বোধনকে ধৰি ১২টা প্ৰকল্পৰ আধাৰশিলা স্থাপন কৰে।
