গুৱাহাটী
ভাৰত চৰকাৰৰ স্বাস্থ্য আৰু পৰিয়াল মন্ত্ৰালয তথা ৰাষ্ট্ৰীয় চিকিৎসা আয়োগে (NMC) USTM আৰু মেঘালয় চৰকাৰৰ যৌথ উদ্যোগ পিএ চাংমা আন্তঃৰাষ্ট্ৰীয় চিকিৎসা মহাবিদ্যালয় (PIMC) লৈ অনুমোদন জনাইছে।
এই প্ৰেক্ষাপটত আজি ইয়াত এখন সংবাদমেল সম্বোধন কৰে ইউ এছ টি এমৰ আচাৰ্য শ্ৰী মহবুবুল হক, উপাচাৰ্য অধ্যাপক জি ডি শৰ্মা, প্ৰ’ ভিচি পদ্মশ্ৰী ডাঃ সৰ্বেশ্বৰ চহৰীয়া, পিআইএমচিৰ অধ্যক্ষ অধ্যাপক ড০ বিৰাজ কুমাৰ দাস আৰু পিআইএমচিৰ চিকিৎসা অধীক্ষক ডাঃ ৰশ্না দাস হাজৰিকা।
সংবাদমেল সম্বোধন কৰি মহবুবুল হকে কয়, ‘ইউ এছ টি এমৰ বাবে এয়া এক ঐতিহাসিক কৃতিত্ব আৰু অঞ্চলটোৰ আৰু দেশৰ স্বাস্থ্যসেৱা খণ্ডলৈ অৰ্থপূৰ্ণভাৱে অৰিহণা যোগোৱাৰ আমাৰ যাত্ৰাৰ এক গুৰুত্বপূৰ্ণ পদক্ষেপ। এতিয়াৰ পৰা ৰোগী আৰু ছাত্ৰ-ছাত্ৰীসকলে স্বাস্থ্যসেৱাৰ বাবে অঞ্চলটোৰ বাহিৰলৈ যোৱাৰ প্ৰয়োজন নাই।”
সংবাদমেলৰ দৃশ্য
সংবাদ মাধ্যমৰ সৈতে হোৱা কথা-বতৰাত পদ্মশ্ৰী ডাঃ সৰ্বেশ্বৰ চহৰীয়াই কয়, ‘পি এ চাংমা ইণ্টাৰনেশ্যনেল মেডিকেল কলেজ এণ্ড হস্পিতালে ইউ এছ টি এমৰ চৌহদত এখন ছুপাৰ স্পেচিয়েলিটি হাস্পতালৰ পৰিকল্পনা কৰিছে। এইখন হ’ব ১০০০ বিচনাযুক্ত চিকিৎসালয় যিয়ে সমগ্ৰ উত্তৰ-পূৰ্বাঞ্চলৰ লগতে দেশৰ অন্যান্য প্ৰান্তৰ পৰা অহা ৰোগীসকলৰ প্ৰয়োজনীয়তা পূৰণ কৰিব যিসকলক কাৰ্ডিঅ’লজি, কাৰ্ডিয়াক চাৰ্জাৰী, নিউৰ’লজী, নিউৰ’চাৰ্জাৰী, নেফ্ৰ’লজী, ইউৰ’লজী, জয়েন্ট ৰিপ্লেচমেণ্ট আৰু কেন্সাৰৰ দৰে ছুপাৰ স্পেচিয়েলিটি কেয়াৰৰ প্ৰয়োজন। আমি বিভিন্ন দেশৰ ছুপাৰ স্পেচিয়েলিষ্ট চিকিৎসকক আমন্ত্ৰণ কৰি আমাৰ সৈতে সহযোগিতা কৰি পিআইএমচিক বিশ্বমানৰ সুবিধালৈ উন্নীত কৰাৰ পৰিকল্পনা কৰিছো”। অধ্যাপক জি ডি শৰ্মাই কয়,
“চিকিৎসা মহাবিদ্যালয়খনক ইয়াৰ উদ্বোধনী এম বি বি এছ কাৰ্যসূচীৰ বাবে ১৫০ জন ছাত্ৰ-ছাত্ৰীক গ্ৰহণৰ অনুমতি দিয়ে, যিয়ে চিকিৎসা বিজ্ঞানৰ ক্ষেত্ৰত শীৰ্ষ পৰ্যায়ৰ শিক্ষা প্ৰদানৰ বাবে ইউ এছ টি এমৰ প্ৰতিশ্ৰুতিৰ এক নতুন অধ্যায় চিহ্নিত কৰে”।
অধ্যাপক ড০ বিৰাজ কুমাৰ দাসে কয় যে পিআইএমচিয়ে তিনিটা উলম্ব দিশত মাইলৰ খুঁটি স্থাপন কৰিছে: গুণগত চিকিৎসা শিক্ষা, অসাধাৰণ স্বাস্থ্যসেৱাৰ সুবিধা, আৰু অত্যাধুনিক গৱেষণাৰ সুবিধা। উৎকৃষ্টতা লাভ কৰিবলৈ দেশৰ বিভিন্ন প্ৰান্তৰ পৰা দক্ষ স্বাস্থ্যসেৱা পেছাদাৰীসকলক নিয়োজিত কৰা হৈছে।
ড০ ৰশ্না দাস হাজৰিকাই কয় যে ২০২৪ চনৰ অক্টোবৰৰ শেষ সপ্তাহৰ পৰা দেশৰ বিভিন্ন প্ৰান্তৰ পৰা অহা উচ্চাকাংক্ষী চিকিৎসকৰ পৰা আৱেদন আমন্ত্ৰণ কৰি শৈক্ষিক অধিবেশন আৰম্ভ হ’ব। পিআইএমচিয়ে এমবিবিএছৰ ছাত্ৰ-ছাত্ৰীসকলৰ বাবে বিভিন্ন আকৰ্ষণীয় সুবিধা প্ৰদান কৰিব বুলিও তেওঁ লগতে কয়।
দূৰদৰ্শী নেতা তথা লোকসভাৰ প্ৰাক্তন অধ্যক্ষ প্ৰয়াত পি এ চাংমাৰ সন্মানত নামাকৰণ কৰা পি আই এম চি উত্তৰ-পূব ভাৰতৰ চিকিৎসা শিক্ষাৰ এক প্ৰধান প্ৰতিষ্ঠান হিচাপে পৰিগণিত হ’বলৈ সাজু হৈছে।
মহাবিদ্যালয়খনে সমাজৰ স্বাস্থ্যসেৱাৰ প্ৰয়োজনীয়তা পূৰণ কৰিবলৈ সজ্জিত চিকিৎসা পেছাদাৰীসকলৰ বিকাশৰ বাবে ডিজাইন কৰা দক্ষতাভিত্তিক পাঠ্যক্ৰম আগবঢ়াব। ৰাজ্য চৰকাৰৰ আসন হিচাপে ৪০ খন আসন আবণ্টন দিয়া হৈছে ইয়াৰে ২৫ খন আসন চৰকাৰী মাচুলৰ গাঁথনি অনুসৰি আৰু ১৫ খন আসন বিশ্ববিদ্যালয়ৰ মাচুলৰ গাঁথনিৰ আধা অংশত থাকিব। স্বাস্থ্যসেৱাৰ সুবিধাৰ ক্ষেত্ৰত মেঘালয়ৰ পৰা অহা ৰোগীসকলক বিনামূলীয়া সাধাৰণ চিকিৎসাৰ সুবিধাৰে ছুপাৰ স্পেচিয়েলিটিৰ বাবে ৫০% ৰেহাইৰ সুবিধা প্ৰদান কৰা হ’ব।
অত্যাধুনিক চিকিৎসা মহাবিদ্যালয়খনৰ লক্ষ্য দেশৰ বিভিন্ন প্ৰান্তৰ লগতে ইয়াৰ বাহিৰৰ প্ৰতিভাৱান ছাত্ৰ-ছাত্ৰীক আকৰ্ষণ কৰা।
