নতুন দিল্লী
প্ৰধানমন্ত্ৰী নৰেন্দ্ৰ মোদীয়ে বৰ্তমান 'পৰীক্ষ পে চাৰ্চ' (পিপিচি ২০২৫)ৰ অষ্টম সংস্কৰণত ছাত্ৰ-ছাত্ৰী, শিক্ষক, অভিভাৱকৰ সৈতে মত-বিনিময় কৰি আছে। এই অনুষ্ঠানত আধ্যাত্মিক গুৰু সাধগুৰু, অভিনেত্ৰী দীপিকা পাডুকন আৰু অভিনেতা বিক্ৰান্ত মেছি, অলিম্পিক চেম্পিয়ন মেৰী কম, পেৰালিম্পিক স্বৰ্ণ পদক বিজয়ী অৱনী লেখাৰা আদিকে ধৰি উল্লেখযোগ্য ব্যক্তিসকলে নিজৰ নিজৰ অন্তৰ্দৃষ্টি আৰু অভিজ্ঞতা প্ৰকাশ কৰিব।
এই বছৰ 'পৰীক্ষ পে চাৰ্চা'ই অতিশয় সঁহাৰি লাভ কৰিছে। ৩.৩০ কোটিৰো অধিক ছাত্ৰ-ছাত্ৰী, ২০.৭১ লাখ শিক্ষক আৰু ৫.৫১ লাখ অভিভাৱকে এই মত-বিনিময় অনুষ্ঠানতৰ বাবে পঞ্জীয়ন কৰিছে।
প্ৰধানমন্ত্ৰী নৰেন্দ্ৰ মোদীৰ 'পৰীক্ষ পে চাৰ্চা'ৰ মত-বিনিময় অনুষ্ঠানৰ মূল বৈশিষ্টসমূহ
১) ফলপ্ৰসূ সময় ব্যৱস্থাপনাঃ প্ৰধানমন্ত্ৰী মোদীয়ে কৌশলগত সময় ব্যৱহাৰৰ গুৰুত্বৰ ওপৰত গুৰুত্ব আৰোপ কৰিছে। তেওঁ ছাত্ৰ-ছাত্ৰীসকলক নিজৰ দিনটোৰ পৰিকল্পনা আগতীয়াকৈ কৰিবলৈ পৰামৰ্শ দিয়ে, যাতে তেওঁলোকে কেৱল ভাল পোৱা বিষয়সমূহৰ ওপৰত গুৰুত্ব নিদি প্ৰত্যাহ্বানমূলক বিষয়সমূহৰ বাবেও অধিক সময় দিব পাৰে।
২) শিক্ষকসকললৈ পৰামৰ্শঃ প্ৰধানমন্ত্ৰী মোদীয়ে শিক্ষাবিদসকলক কেৱল পৰামৰ্শ নিদি পৰামৰ্শৰ উপৰিও ছাত্ৰ-ছাত্ৰীৰ অনন্য শক্তিক সক্ৰিয়ভাৱে স্বীকৃতি দিবলৈ আহ্বান জনায়। তেওঁ এনে এক পৰিৱেশ গঢ়ি তোলাৰ গুৰুত্বৰ ওপৰত আলোকপাত কৰিছে, য’ত ছাত্ৰ-ছাত্ৰীসকলে নিজকে মূল্যৱান আৰু নিজকে বুজিবলৈ অনুভৱ কৰে।
৩) পৰীক্ষা বনাম জ্ঞানঃ পৰীক্ষাৰ তাৎপৰ্য স্বীকাৰ কৰাৰ সমান্তৰালকৈ প্ৰধানমন্ত্ৰী মোদীয়ে শৈক্ষিক পৰীক্ষাক প্ৰকৃত শিক্ষণ বুলি ভুল কৰা উচিত নহয় বুলি জোৰ দিয়ে। তেওঁ ছাত্ৰ-ছাত্ৰীসকলক কেৱল পৰীক্ষাৰ বাবে প্ৰস্তুতি চলোৱাতকৈ জ্ঞান আহৰণৰ ওপৰত গুৰুত্ব দিবলৈ উৎসাহিত কৰিছে।
৪/ চখ আৰু পাঠ্যক্ৰমৰ বাহিৰৰ কাম-কাজঃ অভিভাৱকসকলক সম্বোধন কৰি প্ৰধানমন্ত্ৰী মোদীয়ে শিশুসকলক তেওঁলোকৰ আগ্ৰহসমূহ অন্বেষণ কৰাৰ স্বাধীনতা দিয়াৰ প্ৰয়োজনীয়তাৰ ওপৰত আলোকপাত কৰিছে। তেওঁ জোৰ দি কয় যে, ছাত্ৰ-ছাত্ৰীসকলে কেৱল কিতাপৰ মাজতে আবদ্ধ হৈ নাথাকি নিজৰ চখৰ বাবেও সময় উলিয়াব লাগে, কিয়নো ইয়াৰ ফলত তেওঁলোকৰ সামগ্ৰিক বিকাশ বৃদ্ধি হয়।
৫) চাপ নিয়ন্ত্ৰণঃ ক্ৰিকেটৰ পৰা প্ৰেৰণা লাভ কৰি প্ৰধানমন্ত্ৰী মোদীয়ে ছাত্ৰ-ছাত্ৰীসকলক বাহ্যিক মানসিক চাপৰ পৰিৱৰ্তে পঢ়া-শুনাত মনোনিৱেশ কৰিবলৈ পৰামৰ্শ দিয়ে। যেনেকৈ এজন বেটছমেনে ভিৰৰ কোলাহলৰ মাজতো বলটোৰ ওপৰত গুৰুত্ব দিয়ে, ছাত্ৰ-ছাত্ৰীসকলেও চাপৰ চিন্তাৰ পৰিৱৰ্তে শিক্ষণৰ প্ৰতি মনোযোগ দিয়া উচিত।
৬/ স্বাস্থ্য, টোপনি আৰু খাদ্যাভাসঃ প্ৰধানমন্ত্ৰীয়ে সুস্বাস্থ্য ৰক্ষা কৰি চলাৰ গুৰুত্বৰ ওপৰতো আলোকপাত কৰিছে। তেওঁ ছাত্ৰ-ছাত্ৰীসকলক সোঁৱৰাই দিয়ে যে, কেৱল অসুস্থতাৰ পৰা আঁতৰি থকাটোৱেই সুস্থ হোৱাৰ সমান নহয় — সামগ্ৰিক মংগলৰ বাবে সঠিক টোপনি আৰু সুষম খাদ্যাভ্যাস অতি গুৰুত্বপূৰ্ণ।
'পৰীক্ষ পে চৰ্চা' ২০২৫ৰ জৰিয়তে প্ৰধানমন্ত্ৰী মোদীয়ে ছাত্ৰ-ছাত্ৰীসকলক অনুপ্ৰাণিত কৰা আৰু পথ প্ৰদৰ্শনৰ পদক্ষেপ হিচাপে অব্যাহত ৰাখিছে, তেওঁলোকক আত্মবিশ্বাস আৰু ইতিবাচক মানসিকতাৰে পৰীক্ষাৰ বতৰত সঠিক দিশত আগবাঢ়ি যোৱাত সহায় কৰিছে।
