নতুন দিল্লী
জামিয়া মিলিয়া ইছলামিয়াৰ মনোবিজ্ঞান বিভাগৰ গৱেষক পণ্ডিত শ্ৰুতি শৰ্মাক ২০২৪ চনৰ আন্তঃৰাষ্ট্ৰীয় মনোবিজ্ঞান কংগ্ৰেছ (আই চি পি)ৰ সন্মানীয় ইমাৰ্জিং চাইক’লজিষ্ট বঁটাৰে সন্মানিত কৰা হয়।
বিশ্বজুৰি ৪০ জন উদীয়মান মনোবিজ্ঞানীৰ মাজৰ পৰা নিৰ্বাচিত হোৱা শ্ৰুতি শৰ্মাক আইচিপি ২০২৪ ৰ দ্বাৰা আয়োজিত সন্মানীয় উদীয়মান মনোবিজ্ঞানী কাৰ্যসূচী (ইপিপি)ত যোগদান কৰিবলৈও আমন্ত্ৰণ জনোৱা হৈছিল, যি অনুষ্ঠান ২০২৪ চনৰ ১৭-২১ জুলাইৰ পৰা চেক গণৰাজ্যৰ প্ৰেগত অনুষ্ঠিত হৈছিল।
এই ১০ মাহৰ আন্তঃৰাষ্ট্ৰীয় পদক্ষেপটো ৪০ জন প্ৰাৰম্ভিক কেৰিয়াৰ গৱেষকৰ মাজত যোগাযোগ আৰু সহযোগিতাক লাভান্বিত কৰাৰ বাবে প্ৰস্তুত কৰা হৈছিল।
অংশগ্ৰহণকাৰী হিচাপে শৰ্মাই ২০,০০০ তকৈ অধিক চিজেডকে (চেক ক্রাউন) ৰেহাই আৰু সন্মিলন আৰু অন্যান্য সুবিধাৰ বাবে সমৰ্থন লাভ কৰিছিল। এই কাৰ্যসূচীৰ শিখৰত উপনীত হয় প্ৰেগত মুখামুখি অনুশীলন অধিবেশনৰ জৰিয়তে। য’ত শ্ৰুতিয়ে বিশ্বৰ মঞ্চত ভাৰতক প্ৰতিনিধিত্ব কৰিছিল।
চলিত বৰ্ষৰ ২১ জুলাই-২৬ জুলাইলৈ চেক গণৰাজ্যৰ প্ৰেগত অনুষ্ঠিত ৩৩ সংখ্যক আন্তঃৰাষ্ট্ৰীয় মনোবিজ্ঞান কংগ্ৰেছ (আইচিপি), ২০২৪ত শ্ৰুতিয়ে তেওঁৰ গৱেষণা উপস্থাপন কৰিছিল। অধ্যাপক মহম্মদ গাজী শ্বাহনৱাজৰ নিৰ্দেশনাত শ্ৰুতিয়ে পি এইচ ডি কৰি আছে।
