লছ এঞ্জেলছ
২০২৫ চনৰ সন্মানীয় অস্কাৰ বঁটাৰ দৌৰত আছে অভিলেখ সাতখনকৈ ভাৰতীয় ছবি। অৱশ্যে অস্কাৰৰ শেষ দৌৰত অতিক্ৰম কৰিবলৈ হ'লে নমিনেচন পর্যায় পাৰ হ'ব লাগিব।
বুধবাৰ অর্থাৎ ৮ জানুৱাৰীৰ পৰা আৰম্ভ হ'ব নমিনেচনৰ ভোটিং। অস্কাৰৰ দহটা শিতানত প্রতিদ্বন্দ্বিতাত নামিছে ভাৰতীয় ছবি কেইখনে।
৯৭ সংখ্যক অস্কাৰৰ দৌৰত শ্বৰ্টলিষ্ট হোৱা ভাৰতীয় ছবিকেইখন হ'ল- কানগুভা (তামিল), আডুজীভিথম (মালয়ালম), সন্তোষ (হিন্দী), স্বতন্ত্রতা বীৰ ছাভাৰকাৰ (হিন্দী), অল উই ইমাজিন এজ লাইট (মালয়ালম-হিন্দী), গার্লছ উইল বি গার্লছ (হিন্দী- ইংৰাজী) আৰু পুতুল (বাঙালী)।
উল্লেখ্য, ২ মাৰ্চত হলিউডৰ ডলবী থিয়েটাৰত অনুষ্ঠিত হব অস্কাৰৰ বঁটা বাছনি-প্রদান অনুষ্ঠান। উল্লেখ্য, কিৰণ ৰাওৰ লাপাতা লেডিজ ছবিখন শ্রেষ্ঠ আন্তর্জাতিক ছবি শিতানত ভাৰতৰ চৰকাৰী মনোনয়ন আছিল যদিও ছবিখন শর্টলিষ্ট নহ'ল।
