মুম্বাই
আপোন মানুহৰ সৈতে ঘূৰা-ফূৰা আৰু খোৱাৰ আনন্দই সুকীয়া। এই আনন্দৰ মুহূৰ্তসমূহক শব্দ বা ভাষাৰে বৰ্ণনা কৰিব নোৱাৰি। বলীউদৰ ছুপাৰষ্টাৰ শ্বাহৰুখ খান আৰু গৌৰী খানৰ সন্তান চুহানা খান আৰু আৰিয়ান খানে শেহতীয়াকৈ নিজৰ সম্পৰ্কীয় ভাতৃ আৰু ভগ্নী ক্ৰমে অৰ্জুন ছিবা আৰু আলিয়া ছিবাৰ সৈতে নিশাটো পাৰ্টি কৰে।
গৌৰী খানে নিজৰ ইনষ্টাগ্ৰাম পেজত শ্বেয়াৰ কৰিছে ভায়েক আৰু ভনীয়েকহঁতৰ সৈতে চুহানা-আৰিয়ানৰ নাইট আউটৰ সুন্দৰ মুহূৰ্তৰ এখন ফটো। দেখা গৈছে যে এই সপ্তাহৰ আৰম্ভণিতে শ্বাহৰুখ পৰিয়ালৰ নতুন প্ৰজন্মৰ প্ৰতিনিধসকলে আনন্দ আৰু ফূৰ্তিৰে ভৰা এটা পাৰ্টি উপভোগ কৰিছিল।
নাইট আউটৰ বাবে আৰিয়ান আৰু চুহানাই ক’লা টপ আৰু নীলা ডেনিম পিন্ধে। গৌৰীয়ে ৰেড হাৰ্ট ইমোজিৰে সুন্দৰ পাৰিবাৰিক মুহূৰ্তটো অতি আনন্দৰে ছ'চিয়েল মিডিয়াত শ্বেয়াৰ কৰিছে। শালিনী পাছি, সঞ্জয় কাপুৰ, মহীপ কাপুৰ, সাজ-পোছাক ডিজাইনাৰ ফাৰাহ খান আলীৰ দৰে চেলিব্ৰিটিয়ে তেওঁৰ পোষ্টত মন্তব্য দিয়া দেখা গৈছে।
অৰ্জুন চিবাই নাইট পাৰ্টীৰ আৰু অধিক ফটো শ্বেয়াৰ কৰিছে। তেওঁ কেৱল শ্বাহৰুখ খানৰ সন্তান চুহানা খান আৰু আৰিয়ান খানৰে নহয়, পাৰ্টিত অংশগ্ৰহণ কৰা আন বন্ধু কেইজনমানৰ সৈতেও ছবি পোষ্ট কৰে। উল্লেখ্য যে, নেটফ্লিক্সত ২০২৩ত সম্প্ৰচাৰ হোৱা জ’য়া আখতাৰৰ দ্য আৰ্চিজ (The Archies) নামৰ কমেডী ছবিখনৰ জৰিয়তে অভিনয় জগতত আত্মপ্ৰকাশ কৰিছিল চুহানা খানে। এতিয়া তেওঁ পিতৃ শ্বাহৰুখ খানৰ সৈতে ডাঙৰ পৰ্দাত 'কিং' ছবিৰ জৰিয়তে অভিষেক ঘটোৱাৰ বাবে সাজু হৈছে।
সিদ্ধাৰ্থ আনন্দৰ পৰিচালনাৰে নিৰ্মিত ছবিখনত অভিষেক বচ্চন আৰু অভয় ভাৰ্মাক গুৰুত্বপূৰ্ণ চৰিত্ৰত দেখা যাব। আনহাতে, আৰিয়ান খানে বলীউডৰ পৰিচালক হিচাপে নিজৰ প্ৰথমখন ছবি Ba*ds of Bollywood-ৰ শ্বুটিং সমাপ্ত কৰিছে। ছবিখনে ডাঙৰ পৰ্দাত মুক্তিৰ পৰিৱৰ্তে জুন মাহত নেটফ্লিক্সৰ প্ৰিমিয়াৰৰ বাবে সাজু হৈছে বুলি জানিব পৰা গৈছে।
