নতুন দিল্লী
ৱালমার্ট মালিকানাধীন ফোনপে'য়ে যোৱা আগষ্টত ১০.৩৩ লাখ কোটি টকাৰ ৭.২৩ বিলিয়ন ইউ পি আই লেনদেন কৰে। ইয়াৰ জৰিয়তে লেনদেনৰ সংখ্যাৰ ক্ষেত্ৰত ৪৮.৪% আৰু মূল্যৰ ক্ষেত্রত ৫০.১% বজাৰ অংশীদাৰিত্ব দখলেৰে শীর্ষস্থান অধিকাৰ কৰিছে ফোনপেয়ে।
এই তথ্য প্রকাশ কৰিছে নেচনেল পেমেন্টছ কৰ্প'ৰেচন অব্ ইণ্ডিয়াই। দুয়োটা দিশতে ক্রমে ৩৭.৩% আৰু ৩৬% বজাৰ অংশীদাৰিত্বৰে দ্বিতীয় স্থানত আছে গুগল পে'।
ইপিনে তালিকাৰ তৃতীয় স্থানত থাকিলেও জুলাইৰ ৭.৮ শতাংশৰ পৰা আগষ্টত লেনদেনৰ সংখ্যাৰ ক্ষেত্ৰত পে টি এমৰ বজাৰ অংশীদাৰিত্ব ৭.২% আৰু লেনদেনৰ মূল্যৰ ক্ষেত্ৰত অংশীদাৰিত্ব ৫.৯ শতাংশৰ পৰা ৫.৫ শতাংশলৈ হ্রাস পায়।
