প্ৰেম খান/ ফৰিদাবাদ
আজি পোহৰৰ উৎসৱ দিপাৱলী। দিপাৱলীৰ দিনা দেৱী লক্ষ্মীক সন্তুষ্ট কৰিবলৈ ঘৰে ঘৰে মাটিৰ চাকি প্ৰজ্জ্বলন কৰা হয়। দিপাৱলীৰ আগমুহূৰ্তত মৃৎশিল্পীৰসকলৰ সীমাহীন ব্যস্ততাই দেখা দিয়ে। দিপাৱলীৰ সময়ত মৃৎশিল্পীসকলে ভাল উপাৰ্জন কৰিবলৈ সক্ষম হয়। পুৰণি ফৰিদাবাদৰ তালাব ৰোডত বাস কৰা আছলাম হুছেইন আৰু তেওঁৰ পৰিয়ালে বহু দশক ধৰি মাটিৰ চাকি নিৰ্মাণ কৰি আহিছে। এই পৰিয়ালটোৱে মাটিৰ চাকি প্ৰস্তুত কৰি কেৱল জীৱন নিৰ্বাহ কৰাই নহয়, বৰঞ্চ দেশৰ আন্ত:ধৰ্মীয় সম্প্ৰীতি আৰু ভাতৃত্ববোধৰ পৰিচয়ো দাঙি ধৰিছে।
আছলাম হুছেইনে আৱাজ-দ্য ভইচক জনাই যে তেওঁৰ পূৰ্বপুৰুষেও এই কামেই কৰিছিল। আজিও তেওঁৰ পৰিয়ালৰ সদস্যসকলে এই কামটো অতি নিষ্ঠা আৰু কঠোৰ পৰিশ্ৰমেৰে কৰি আছে। আছলামে কয়, "এই উৎসৱ কোনো এটা নিৰ্দিষ্ট ধৰ্মৰ নহয়, ই সমগ্ৰ সমাজৰ সুখৰ এক অংশ। আমি গৌৰৱান্বিত যে আমি হিন্দু ভাইসকলৰ বাবে দিপাৱলীৰ সৌন্দৰ্য্য বৃদ্ধিৰ ক্ষেত্ৰত সৰু ভূমিকা পালন কৰি আছোঁ।"
কাম কৰি থকা মুহূৰ্তত আছলাম হুছেইন
আছলাম আৰু তেওঁৰ পৰিয়ালে বহু ধৰণৰ চাকি তৈয়াৰ কৰে, বজাৰত ইয়াৰ দাম ২ টকাৰ পৰা ৫০ টকালৈকে। আছলামে কয় যে এই চাকিসমূহ নিৰ্মাণৰ প্ৰস্তুতি দুমাহৰ আগতেই আৰম্ভ হয়। অৱশ্যে আগৰ আৰু আজিৰ সময়ৰ মাজত যথেষ্ট পাৰ্থক্য দেখা গৈছে। নতুন সঁজুলিৰ আবিৰ্ভাৱৰ লগে লগে কামত কম সময় লাগে। আগতে ঠেলা গাড়ীৰ চকা ঘূৰাই নিৰ্মাণ কৰা হৈছিল যদিও এতিয়া মটৰচালিত ঠেলাগাড়ীয়ে কামটো সহজ কৰি তুলিছে। আছলামে আৰু কয় যে ইয়াৰ পূৰ্বে চকা চলোৱাৰ বাবে শাৰীৰিক পৰিশ্ৰমৰ প্ৰয়োজন হৈছিল যিটো স্বাস্থ্যৰ বাবে অতি উপকাৰী। কিন্তু এতিয়া মটৰচালিত চকাত কামবোৰ বিদ্যুতৰ গতিৰে কৰা হয়।
চৰকাৰৰ দৃষ্টিগোচৰৰ অভাৱত এই শিল্প ক্ৰমান্বয়ে নোহোৱা হৈ গৈ আছে বুলি আছলামে কয়। ইয়াৰ এটা কাৰণ হ’ল এই চাকি বা মাটিৰে নিৰ্মিত বস্তুবোৰ যেতিয়া জুইত দিয়া হয়, তেতিয়া ইয়াৰ পৰা ওলোৱা ধোঁৱাই মানুহক অশান্তি দিয়ে।
আছলামে নিৰ্মাণ কৰা চাকিবোৰ স্থানীয় গাওঁ-চহৰত অতি বিখ্যাত। তেওঁলোকৰ হাতেৰে নিৰ্মিত মাটিৰ চাকি কেৱল পৰিৱেশ অনুকূল নহয়, স্থানীয় কাৰুকাৰ্য্যৰ অনন্য ছাপো আছে। চাকিৰ লগতে ৰঙীন সজ্জা সামগ্ৰীও তৈয়াৰ কৰে, যিয়ে দীপাৱলীৰ সময়ত ঘৰৰ সৌন্দৰ্য্য বৃদ্ধি কৰে।
আছলাম হুছেইনৰ পৰিয়ালে প্ৰস্তুত কৰা মাটিৰ চাকি
আছলামৰ এই কাহিনী কেৱল চাকি বনোৱাতে সীমাবদ্ধ নহয়, ইয়াত হিন্দু-মুছলমান ভাতৃত্ববোধ, সম্প্ৰীতি, প্ৰেম আৰু সমাজত একতাৰ এক মহান নিদৰ্শন দাঙি ধৰা হৈছে। তেওঁৰ দৰে বহু মুছলমান পৰিয়ালে দেশৰ বিভিন্ন প্ৰান্তত নিজৰ দক্ষতাৰ জৰিয়তে হিন্দু উৎসৱৰ সৌন্দৰ্য্য বৃদ্ধি কৰিছে।
এই পদক্ষেপ কেৱল কৰ্মসংস্থাপনৰ মাধ্যম নহয় বৰঞ্চ সাংস্কৃতিক সম্প্ৰীতিৰ প্ৰতীক। আজিৰ যি সময়ত বিভাজনমূলক চিন্তাধাৰাই আধিপত্য বিস্তাৰ কৰা যেন লাগে, সেই সময়ত আছলাম আৰু তেওঁৰ পৰিয়ালৰ এই পৰম্পৰাই এটা জনগোষ্ঠী কেনেকৈ আন এটা সম্প্ৰদায়ৰ সুখৰ অংশ হ’ব পাৰে তাৰেই নিদৰ্শন।
কৰ্মত ব্যস্ত আছলাম হুছেইন
মুছলমান শিপিনী সকলে দীপাৱলীৰ চাকি বনোৱাটো সমাজৰ বাবে এক ধনাত্মক বাৰ্তা। এনে প্ৰচেষ্টাই হিন্দু-মুছলমান ঐক্যক প্ৰসাৰিত কৰে আৰু সাংস্কৃতিক সম্প্ৰীতিৰ প্ৰতীক। এইবোৰ কেৱল ব্যৱসায়ৰ মাধ্যমেই নহয়, ইজনে সিজনৰ পৰম্পৰা আৰু উৎসৱক সন্মান জনোৱাৰ এক উপায়। এনে কাৰ্য্যই সমাজত ভাতৃত্ববোধ আৰু সহযোগিতা শক্তিশালী কৰে। এনে উদাহৰণে আমাৰ সমাজখনক একত্ৰিত কৰাত গুৰুত্বপূৰ্ণ ভূমিকা পালন কৰে।
