গুৱাহাটী
কাজিৰঙা ৰাষ্ট্ৰীয় উদ্যানৰ পূব পৰিসৰৰ ওচৰৰ গোলাঘাট বন বিভাগৰ অন্তৰ্গত অঞ্চলসমূহত মানুহ-বন্যপ্ৰাণীৰ সহাবস্থানৰ উদ্দেশ্যৰে অঞ্চলটোৰ ফ্ৰণ্টলাইন জৈৱ বৈচিত্ৰ্য সংৰক্ষণ সংস্থা আৰণ্যকে (www.aaranyak.org) অসমৰ গোলাঘাট জিলাৰ বনকুৱাল অঞ্চলত ছয়টা সৌৰ শক্তি চালিত ষ্ট্ৰীট লাইট স্থাপন কৰিছে।
এই অঞ্চলত মানুহে প্ৰায়ে কাজিৰঙাৰ পৰা বন্যজন্তু বিচৰণ কৰা দেখা পায়। এই সৌৰ লাইট স্থাপনে নিশাৰ সময়ত গাওঁবাসীৰ সুৰক্ষিত চলাচলত সহায় কৰিব বুলি আশা কৰা হৈছে কিয়নো এই লাইটবোৰে নিশা দূৰৰ পৰা বন্যবন্যপ্ৰাণীৰ চলাচল চিনাক্ত কৰাত সহায় কৰে।
আৰণ্যকৰ বিষয়া আৰিফ হুছেইন আৰু সদস্য-আকাশ মোৰাং, বাবুকান্ত দাও, ইভান লয়িং,স্থানীয় পৰিৱেশ কৰ্মীসকল এই সৌৰ শক্তিচালিত ষ্ট্ৰীট লাইট স্থাপনৰ সময়ত উপস্থিত আছিল। এই সৌৰ লাইটবোৰ ব্যক্তিগত মালিকানাধীন কোম্পানী INFRA-ৰ সমৰ্থনত ক্ৰয় কৰা হৈছিল। INFRA হৈছে শাপুৰজী পালনজী আৰু কোম্পানীৰ এক উদ্যোগ।
সমগ্ৰ ৰাজ্যজুৰি চলি থকা মানুহ-বন্যপ্ৰাণীৰ সংঘাত হ্ৰাস কৰাৰ নিৰন্তৰ প্ৰচেষ্টাৰ অংশ হিচাপে, আৰণ্যকে ৰাজ্যৰ বহুতো অঞ্চলত সৌৰ লাইট স্থাপন আৰু সম্প্ৰদায়সমূহক হস্তান্তৰ কৰিছে। এই সৌৰ লাইটবোৰ সমগ্ৰ ৰাজ্যজুৰি মানুহ-বন্যপ্ৰাণীৰ সংঘৰ্ষ হ্ৰাস কৰাৰ ক্ষেত্ৰত অতি প্ৰভাৱশালী হৈ পৰিছে।
