হাতী-মানুহৰ সংঘাত প্ৰসমনৰ সজাগতা সৃষ্টিৰ বাবে ‘ভিলেজ চেম্পিয়নছ’ক প্ৰশিক্ষণ আৰান্যকৰ
গুৱাহাটী
প্ৰতি বছৰে হাতী-মানুহৰ সংঘাতৰ পৰিঘটনা অধিক বিবেচনাপূৰ্ণ হৈ পৰাৰ লগে লগে এই সংঘৰ্ষৰ সৈতে মোকাবিলা কৰাৰ ফলপ্ৰসূ উপায়ৰ ওপৰত সমাজৰ মাজত সজাগতাৰ স্তৰ বৃদ্ধিৰ প্ৰয়োজন।
এই উদ্দেশ্যে গৱেষণা ভিত্তিক জৈৱ বৈচিত্ৰ্য সংৰক্ষণৰ প্ৰধান সংস্থা আৰান্যকে পাঁচখন জিলা যোৰহাট, মাজুলী, শিৱসাগৰ, ডিব্ৰুগড় আৰু তিনিচুকীয়াৰ ১৬খন হাতী আক্ৰান্ত গাঁৱত ‘ভিলেজ চেম্পিয়ন’ক সাজু কৰিছে। ভিলেজ চেম্পিয়নসকলক হাতী-মানুহৰ সংঘাতৰ ফলপ্ৰসূ প্ৰশমন ব্যৱস্থাৰ ওপৰত গাঁওবাসীৰ মাজত সজাগতা কাৰ্যসূচী অনুষ্ঠিত কৰাৰ দায়িত্ব দিয়া হয়। ইয়াৰ ফলত অৱশেষত প্ৰশমন ব্যৱস্থাৰ জৰিয়তে সংঘাতৰ সৈতে মোকাবিলা কৰিবলৈ সামৰ্থ্য গঢ়ি উঠিব।
ভিলেজ চেম্পিয়ন হ’ল মানুহ আৰু হাতীৰ সহাৱস্থানৰ সুবিধাৰ বাবে কাম কৰি থকা গাঁৱৰ পৰা নিৰ্বাচিত স্থানীয় যুৱক-যুৱতী। তেওঁলোকে হাতী, হাতী-মানুহৰ সংঘাত, আৰু সংৰক্ষণৰ বিষয়ে সজাগতা সৃষ্টিৰ বাবে আউটৰিচ কাৰ্যসূচী প্ৰদান কৰাত সহায় কৰিব।
আমি এই চেম্পিয়নসকলক হাতী-মানুহৰ সংঘাতৰ সজাগতা প্ৰদানৰ বাবে প্ৰশিক্ষণ দিম যিয়ে আমাক পূব অসম আৰু মেঘালয়ৰ পশ্চিম গাৰো পাহাৰৰ ২০ খন গাঁৱৰ কমেও ৭০% পৰিয়াল (n=১,৮০০)ৰ ওচৰলৈ যোৱাত সহায় কৰিব। উল্লেখযোগ্য যে গাঁৱৰ লোকসকলক হাতী, আৰু গাঁৱৰ চেম্পিয়নৰ জৰিয়তে সংঘাতৰ বিষয়ে জ্ঞান দিয়াটো ব্ৰিটিছ এছিয়ান ট্ৰাষ্ট (BAT)ৰ সৈতে অংশীদাৰিত্বৰে আৰু ডাৰউইন ইনিচিয়েটিভৰ দ্বাৰা সমৰ্থিত, মানুহ-হাতী সহাৱস্থানক প্ৰসাৰিত কৰাৰ আমাৰ লক্ষ্যৰ এটা অংশ।
ডিব্ৰুগড়ৰ কছাৰীবাৰীৰ সদৌ অসম সোণোৱাল কছাৰী ছাত্ৰ সন্থাৰ চৌহদত জ্যেষ্ঠ সংৰক্ষণ বিজ্ঞানী ড০ বিভুতি প্ৰসাদ লহকৰৰ নেতৃত্বত আৰাণ্যকৰ এটা সমল দলে নিৰ্বাচিত গাঁও চেম্পিয়নসকলৰ বাবে এক অভিমুখী কৰ্মশালা অনুষ্ঠিত কৰে।
অনুষ্ঠানটোৰ এক মুহুৰ্ত
ড০ লহকৰে কৰ্মশালাত এই সংঘাত আৰু একেখিনি লাঘৱ কৰাত গাঁৱৰ চেম্পিয়নসকলৰ ভূমিকা সম্পৰ্কে বিশদ উপস্থাপন কৰে। তেওঁ ভিলেজ চেম্পিয়নসকলৰ জ্ঞান বৃদ্ধিৰ বাবে সমগ্ৰ অঞ্চলসমূহত এই সংঘাতৰ প্ৰশমন ব্যৱস্থাৰ সৈতে মোকাবিলা কৰাৰ ক্ষেত্ৰত আৰণ্যকৰ এতিয়ালৈকে অভিজ্ঞতাসমূহ শ্বেয়াৰ কৰে।
আৰাণ্যকৰ বিষয়া জাকিৰ ইছলাম বৰাই আয়োজিত এই পৰিচয় সভাত অভিমুখী কাৰ্যসূচীৰ উদ্দেশ্য আৰু সমাজৰ মাজৰ সংঘাতত ক্ষতিগ্ৰস্ত গাঁওসমূহত গাঁও চেম্পিয়নসকলে কি মূল ভূমিকা গ্ৰহণ কৰিব, সেই বিষয়ে ব্যাখ্যা কৰে।
গাঁৱৰ চেম্পিয়নসকলৰ মাজত জাকিৰ ইছলাম বৰা, ড° বিভুতি প্ৰসাদ লহকৰ, নিৰঞ্জন ভূঞাৰ সমন্বয়ত আৰাণ্যকৰ জ্যেষ্ঠ বিষয়া জয়ন্ত কুমাৰ পাঠকে পৰিবেশ আৰু বন্যপ্ৰাণীৰ ওপৰত তেওঁলোকৰ মতামতৰ ওপৰত এক ইন্টাৰেক্টিভ অধিবেশন পৰিচালনা কৰে।
বিভিন্ন পটভূমিৰ গাঁৱৰ চেম্পিয়নসকলে তেওঁলোকৰ অভিজ্ঞতা, ধাৰণা আৰু সংশ্লিষ্ট বিষয়সমূহ আলোচনা কৰে।
তেওঁলোকে সংঘাতৰ সময়ত সহযোগিতা আৰু সংযোগৰ ধাৰণা দিছে আৰু লগতে মানৱ-প্ৰাণীৰ সংঘাত প্ৰশমনৰ কিছুমান পৰম্পৰাগত পদ্ধতিও অৱগত কৰিছে। তেওঁলোকৰ অধিকাংশই বন্যপ্ৰাণীৰ প্ৰতি আগ্ৰহী আৰু অধিক কাম কৰিব বিচাৰে আৰু এই সুযোগৰ প্ৰতি আগ্ৰহ আৰু কৃতজ্ঞতা প্ৰকাশ কৰে। মানৱ প্ৰাণীৰ সহাৱস্থানৰ সফলতাত জনসাধাৰণৰ দৃষ্টিভংগী আৰু জড়িততা বুজিবলৈ এই অভিমুখী কাৰ্যসূচী ফলপ্ৰসূ হ’ব।
কৰ্মশালাখনৰ আয়োজনত আৰাণ্যকৰ সম্প্ৰদায় সমন্বয়ক দীপিকা চিৰিং ফুকন, প্ৰকল্প বিষয়া ৰিম্পী মৰাণ আৰু আফ্ৰিড ৰহমানে সক্ৰিয় ভূমিকা পালন কৰে।
