নতুন দিল্লী
১২ ঘণ্টাৰ বিতৰ্কৰ অন্তত অৱশেষত বুধবাৰে মাজনিশা লোকসভাই বিতৰ্কিত ৱাকফ (সংশোধনী) বিধেয়ক, ২০২৫ গৃহীত কৰে। বিতৰ্কত শাসনাধিষ্ঠিত এন ডি এয়ে আইনখন সংখ্যালঘুসকলৰ বাবে অতি লাভজনক বুলি দৃঢ়ভাৱে বিৰোধীৰ বক্তব্যক প্ৰতিৰোধ কৰা দেখা যায়। আনহাতে, বিৰোধীয়ে ইয়াক ‘‘মুছলমান বিৰোধী’’ বুলি বৰ্ণনা কৰে। বিৰোধী সদস্যসকলৰ দ্বাৰা উত্থাপিত সকলো সংশোধনী ধ্বনি ভোটৰ দ্বাৰা নাকচ হোৱাৰ পিছত বিধেয়কখন গৃহীত হয়। ইয়াৰ পিছত বিধেয়কখন গ্ৰহণৰ বাবে হোৱা ভোট গ্ৰহণত বিধেয়কখনৰ সপক্ষে ২৮৮ টা আৰু বিপক্ষে ২৩২ টা ভোট পৰে।
লোকসভাত বুধবাৰে ৱাকফ সংশোধনী বিধেয়ক লৈ সমগ্র দিন ধৰি উত্তপ্ত বিতৰ্কত অংশ লয় কেন্দ্রীয় গৃহ মন্ত্রী অমিত শ্বাহ, সংসদীয় পৰিক্ৰমা মন্ত্রী কিৰেন ৰিজিজু, লোকসভাত কংগ্ৰেছৰ উপ-দলপতি গৌৰৱ গগৈ, কে চি বেণুগোপাল, ৰবিশংকৰ প্ৰসাদকে ধৰি এক ডজনৰো অধিক নেতাই। কংগ্রেছ সাংসদ গৌৰৱ গগৈয়ে সংশোধনী বিধেয়কখনৰ জৰিয়তে সংখ্যালঘু সম্প্ৰদায়ৰ ক্ষতি কৰিব খোজা হৈছে বুলি অভিযোগ কৰাৰ বিপৰীতে কেন্দ্রীয় গৃহ মন্ত্রী অমিত শ্বাহৰ অভিযোগ- কংগ্রেছেই বাকফক ভূমি দখলৰ মেচিনত পৰিণত কৰিছিল।
কেন্দ্ৰীয় গৃহ মন্ত্ৰীগৰাকীৰ ভাষণত স্থান পায় বাকফ আইনৰ জৰিয়তে দীর্ঘদিনে কিদৰে ভূমি-সম্পত্তি দখল কৰি অহা হৈছিল। সংসদত কেন্দ্ৰীয় গৃহ মন্ত্ৰীগৰাকীয়ে দাঙি ধৰে বাকফ আইনযোগে ভূমি-সম্পত্তি দখলৰ দীঘলীয়া তালিকা। বাকফে ৬০২ বর্গ কিলোমিটাৰ ভূমি দখল কৰাৰ চেষ্টাক কিদৰে কর্ণাটক উচ্চ ন্যায়ালয়ৰ হস্তক্ষেপত বাতিল হ'ল তাক উদাহৰণ হিচাপে দাঙি ধৰে শ্বাহে। তেওঁ কয়-লুটিয়েনছ জ'নৰ দিল্লীৰ সম্পত্তি বাকফলৈ গ'ল, তেওঁলোকে চৰকাৰী ভূমি দখল কৰিবলৈ ল'লে। তামিলনাডুব ৪০০ বছৰ পুৰণি মন্দিৰৰ ভূমি রাকফ সম্পত্তি হিচাপে ঘোষণা কৰা হ'ল। পঞ্চতাৰকাযুক্ত প্ৰতিষ্ঠানৰ ভূমি ৱাকফে মাহত ১২ হেজাৰ টকাৰ বাবদ হস্তান্তৰ কৰিলে। প্রয়াগৰাজৰ চন্দ্ৰশেখৰ আজাদ পার্ককে ধৰি অন্য ধৰ্মৰ লোকৰ সম্পত্তি রাকফ সম্পত্তি ঘোষণা কৰা হ'ল।
এই বিধেয়কৰ লক্ষ্য হ'ল ভাৰতীয় পুৰাতাত্ত্বিক জৰীপৰ ভূমি, জনজাতিৰ ভূমি আৰু ব্যক্তিগত সম্পত্তিক ৰক্ষা কৰা। এতিয়াৰে পৰা ৱাকফত ব্যক্তিগত সম্পত্তিহে দান দিব পাৰিব, ৰাজহুৱা ভূমি নহয়। এই বিধেয়কে স্বচ্ছতা আনিব। তেওঁ অভিযোগ কৰে-কংগ্ৰেছেই ৱাকফক ভূমি দখলৰ মেচিনলৈ ৰূপান্তৰ কৰি পেলালে। তাৰ পূৰ্বে ৱাকফ সংশোধনী বিধেয়কলৈ বিতৰ্কৰ সামৰণি মাৰি কেন্দ্ৰীয় গৃহ মন্ত্রী অমিত শ্বাহে অভিযোগ আনে যে তেওঁলোকৰ ভোট বেংকৰ ৰাজনীতিৰ বাবে বিৰোধীয়ে সংখ্যালঘুৰ মাজত ভয় বিয়পাই দিছে।
ৱাকফ ব'ৰ্ডক কংগ্রেছে ভোট বেংকৰ ৰাজনীতিৰ বাবে ব্যৱহাৰ কৰি আহিছে বুলি অভিযোগ কৰি শ্বাহে কয়- ২০১৩ চনত রাকফ আইনখন সংশোধন নকৰা হ'লে আজিৰ সংশোধনীৰ প্রয়োজনেই নাছিল। ২০১৪ চনৰ নিৰ্বাচনৰ পূৰ্বে ২০১৩ চনত ৰাতাৰাতি রাকফ আইনখন তুষ্টিকৰণৰ বাবে ব্যৱহাৰ কৰা হ'ল। কংগ্ৰেছ চৰকাৰে ১২৩টাৰো অধিক দিল্লীব ভি ভি আই পি সম্পত্তি বাকফ ব'ৰ্ডৰ হাতত তুলি দিলে। তেওঁ স্পষ্ট কৰি দি কয় যে বিজেপি আৰু নৰেন্দ্ৰ মোডী নেতৃত্বৰ চৰকাৰৰ নীতি হ'ল ভোট বেংক ৰাজনীতিৰ বাবে কোনো আইন প্রণয়ন নকৰে, আইন প্রণয়ন হয় কেৱল ন্যায়ৰ বাবে।
আজি দুপৰীয়া ১২ বজাত লোকসভাত রাকফ সংশোধনী বিধেয়কৰ বিতৰ্ক সূচনা কৰি সংসদীয় পৰিক্ৰমা তথা সংখ্যালঘু পৰিক্ৰমা দপ্তৰৰ মন্ত্ৰী কিৰেন বিজিজুৱে স্পষ্টীকৰণ দাঙি ধৰি কয়-সংশোধনীৰ জৰিয়তে মুছলমানৰ ভূমি বা মছজিদ কাঢ়ি নিয়াৰ কোনো অভিপ্রায় নাই। আইনখনৰ সংশোধনী এইবাবেই প্রয়োজন হৈ পৰিছে কিয়নো পূৰ্বৰ কংগ্ৰেছ চৰকাৰে আন আইনৰ ওপৰত খৰ্বকাৰী ক্ষমতা প্রদান কৰিছিল বাকফ আইনখনক। তেওঁ লগতে উল্লেখ কৰে যে কংগ্ৰেছ চৰকাৰে ১২৩টা সম্পত্তিৰ অধিকাৰ ৱাকফ ব'ৰ্ডক প্রদান কৰিছিল, আনকি সংসদ ভবন য'ত আমি আজি বহি আছো তাকো বাকফ ব'ৰ্ডক গতাই দিব খুজিছিল কংগ্রেছে।
আমি এই সংশোধনী বিধেয়কখন উত্থাপন নকৰা হ'লে সংসদ ভরনক রাকফ সম্পত্তি হিচাপে দাবী কৰিলেহেঁতেন বাকফ ব'র্ডে। বিধেয়কখনত সন্নিৱিষ্ট দফাসমূহৰ প্ৰসংগ উল্লেখ কৰি মন্ত্ৰীগৰাকীয়ে কয়- রাকফ পৰিষদত দুই মহিলা সদস্যৰে সৰ্বাধিক চাৰিগৰাকী অন্য মুছলমান সদস্য। দৰিদ্রদ্র্য মুছলমান আৰু মহিলাৰ স্বাৰ্থতে বাকফ সংশোধনী বিধেয়কখন উত্থাপন কৰা হৈছে বুলি উল্লেখ কৰি কিৰেন ৰিজিজুৱে কয়- এই বিধেয়কখনৰ লক্ষ্য হ'ল ৱাকফ সম্পত্তিৰ ব্যৱস্থাপনাত স্বচ্ছতা আৰু দায়বদ্ধতা অনা। বহু প্রত্যাশাৰে এই বিধেয়কখন উত্থাপন কৰা হৈছে, তাব্বাবেই বিধেয়কখনৰ নাম 'উমিদ' ৰখা হৈছে বুলি ৰিজিজুৱে কয়। বিধেয়কখনৰ সম্পূর্ণ নাম হ'ল ইউনিফাইড বাকফ মেনেজমেন্ট এম্পাৱাৰমেন্ট, ইফিচিয়েন্সি এণ্ড ডেভেলপমেন্ট (উমিদ)।
কিৰেন ৰিজিজুৰ বক্তব্যৰ পিচতে কংগ্ৰেছ আৰু ইণ্ডিয়া মৰ্চাৰ হৈ লোকসভাত কংগ্ৰেছৰ উপ-দলপতি গৌৰৱ গগৈয়ে অভিযোগ আনে যে বাকফ সংশোধনী বিধেয়ক ব্যৱহাৰ কৰি ভাৰতীয় সমাজক বিভাজিত আৰু সংখ্যালঘুৰ ভোটাধিকাৰ কাঢ়ি নিয়াৰ বাবে ব্যৱহাৰ কৰা হৈছে। ২০১৪ চনৰ সাধাৰণ নিৰ্বাচনৰ পূর্বে দিল্লীৰ ১২৩টা সম্পত্তি বাকফ ব'ৰ্ডক গতাই দিছিল বুলি অনা অভিযোগৰ সত্যতাক প্রমাণ কৰিবলৈ মন্ত্রী বিজিজুক প্রত্যাহ্বান জনায়। বিজিজুৰ অভিযোগ সম্পূর্ণরূপে মিছা বুলি বক্তব্য ৰাখি গৌৰৱ গগৈয়ে তেওঁৰ অভিযোগৰ সত্যতা প্রমাণ কৰিবলৈ প্রত্যাহ্বান জনায়। সংখ্যালঘুৰ প্রতি বিজেপি সংবেদনশীল নহয় বুলি অভিযোগ কৰি গগৈয়ে লোকসভাত শাসকীয় দলটোৰ সংখ্যালঘু সাংসদ কিমান বুলি প্রশ্ন উত্থাপন কৰে।
তেওঁ লগতে অভিযোগ কৰে বিধেয়কখনক লৈ কেন্দ্রীয় সংখ্যালঘু পৰিক্ৰমা মন্ত্র্যালয়ে পাঁচখন বৈঠক অনুষ্ঠিত কৰিছিল, কিন্তু নতুন বাকফ বিধেয়কৰ প্রয়োজনীয়তাক লৈ কেতিয়াও আলোচনা হোৱা নাছিল। বিধেয়কখনত 'ধৰ্মৰ প্ৰমাণপত্ৰ'ৰ প্রয়োজনীয়তাৰ বিষয়ে কৰা উল্লেখৰ প্ৰশ্ন কৰি যোৰহাটৰ সাংসদগৰাকীয়ে কয়- অন্য ধৰ্মৰ লোকৰ পৰা এনে প্রমাণপত্ৰ চৰকাৰে বিচাৰিবনে? এয়া সংবিধানবিৰোধী নহয়নে? কেন্দ্রই উপনিবেশিক যুগৰ কৌশল ব্যৱহাৰ কৰিছে বুলি উল্লেখ কৰি স্বাধীনতা সংগ্রামত মুছলমান সম্প্ৰদায়ৰ বৰঙণিৰ কথা তথ্যসহকাৰে উল্লেখ কৰি বিজেপিক কটাক্ষ কৰি গগৈয়ে কয়-যি সময়ত আপোনালোক ভাবত ত্যাগ আন্দোলনৰ সপক্ষে নাছিল, সেই সময়ত তেওঁলোকে আন্দোলনক সমর্থন দিছিল, যি সময়ত আপোনালোকে ব্রিটিছক কৰণা ভিক্ষা পত্র লিখিছিল তেওঁলোকে তেতিয়া মাল্টা আৰু ইজিপ্তত জীৱন আহুতি দিছিল।
প্রাক্তন মন্ত্রী তথা বিজেপিৰ জ্যেষ্ঠ নেতা ৰবিশংকৰ প্ৰসাদে কয়-রাকফ ধর্মীয় সংস্থা নহয়, ই আইনী প্রতিষ্ঠানহে। শ্বাহ বানু ৰায়ৰ প্ৰসংগ উত্থাপন কৰি কংগ্ৰেছক দুমুখীয়া বুলি দোষাৰোপ কৰে। সমাজবাদী পার্টিৰ প্রধান অখিলেশ সিং যাদবে রাকফ সংশোধনী বিধেয়কৰ বিৰোধিতা কৰি কয়- এই বিধেয়কে ভাৰতৰ ধৰ্মনিৰপেক্ষ ভাবমূর্তি বিনষ্ট কৰিব। রাকফ সংশোধনী বিধেয়কক বিজেপিৰ বিভাজনৰ এজেণ্ডা বুলি অভিহিত কৰি সমাজবাদী পার্টিৰ সাংসদগৰাকীয়ে কয়- এয়া কোটি কোটি লোকৰ ঘৰ আৰু দোকান-পোহাৰ কাঢ়ি নিয়াৰ ষড়যন্ত্র।
