''অত্যন্ত দুখ আৰু বেদনাৰে আমি অসমৰ চাৰিখন জিলাক বিলুপ্ত কৰি ইয়াক পুনৰ একত্ৰিত কৰাৰ সিদ্ধান্ত ল'বলগীয়া হৈছে। এই সিদ্ধান্তই নিশ্চয়কৈ অসমৰ বহু ৰাইজক দুখ দিব। আমিও যথেষ্ট দুখ পাইছো। কিন্তু অত্যন্ত এৰাব নোৱাৰা প্ৰশাসনিক কাৰণ আৰু অসম তথা সমাজৰ বৃহত্তৰ স্বাৰ্থৰ প্ৰতি লক্ষ্য ৰাখি এই সিদ্ধান্তসমূহ লোৱা হৈছে। ইয়াৰ বাবে মই বিশ্বনাথ, বজালী, হোজাই, তামুলপুৰ জিলাবাসীৰ ওচৰত ক্ষমা বিচাৰিছো,'' কেবিনেট বৈঠকৰ পিছত এখন সংবাদমেল সম্বোধন কৰি শৰ্মাই কয়। 

সাময়িকভাৱে বিলুপ্তি ঘটোৱা বিশ্বনাথ, বজালী, হোজাই, তামুলপুৰ জিলা যথাসম্ভৱ সোনকালে পুনৰ গঠন কৰা হ'ব বুলিও মুখ্যমন্ত্ৰী শৰ্মাই ৰাজ্যৱাসীক আশ্বাস দিয়ে। মনকৰিবলগীয়া যে, মুখ্যমন্ত্ৰীৰ এই ঘোষণাৰ পিছত অসমৰ মুঠ জিলাৰ সংখ্যা ৩৫খনৰ পৰা ৩১খনলৈ হ্ৰাস পালে।