নতুন দিল্লী
কেন্দ্ৰীয় মন্ত্ৰী নীতিন গাডকাৰীয়ে ঘোষণা কৰিছে যে, ভাৰত চৰকাৰে মাৰ্চ মাহৰ ভিতৰত পথ দুৰ্ঘটনাত পতিত হোৱা লোকক নগদবিহীন চিকিৎসা প্ৰদানৰ এক দেশজোৰা আঁচনি আৰম্ভ কৰিব।
এই পদক্ষেপৰ অধীনত দুৰ্ঘটনা সংঘটিত হোৱাৰ সাত দিনলৈ ভুক্তভোগীয়ে ১.৫ লাখ টকা পৰ্যন্ত চিকিৎসাৰ যোগ্যতা অৰ্জন কৰিব। এই আঁচনিৰ অধীনত সকলো ধৰণৰ পথত মটৰ গাড়ীৰ ফলত হোৱা দুৰ্ঘটনা সামৰি লোৱা হ’ব।
ৰাষ্ট্ৰীয় স্বাস্থ্য কৰ্তৃপক্ষই (এন এইচ এ) আৰক্ষী, চিকিৎসালয় আৰু ৰাজ্যিক স্বাস্থ্য সংস্থাসমূহৰ সৈতে এই কাৰ্যসূচী ৰূপায়ণৰ তদাৰক কৰিব। ই এক আই টি প্লেটফৰ্মৰ জৰিয়তে কাম কৰিব, যিয়ে পথ পৰিবহণ আৰু ঘাইপথ মন্ত্ৰালয়ৰ ই-বিশদ দুৰ্ঘটনা প্ৰতিবেদন (eDAR) এপ্লিকেচনক এন এইচ এৰ লেনদেন ব্যৱস্থাপনা ব্যৱস্থাৰ সৈতে একত্ৰিত হব।
এই পদক্ষেপ ২০২৪ চনৰ ১৪ মাৰ্চৰ পৰা চণ্ডীগড়ত পাইলট প্ৰজেক্ট হিচাপে আৰম্ভ হৈছিল আৰু পিছলৈ ইয়াক আন ৬খন ৰাজ্যলৈ সম্প্ৰসাৰিত কৰা হৈছিল। ইয়াৰ লক্ষ্য হৈছে দুৰ্ঘটনাৰ পিছত হোৱা জটিল সময়ত সময়মতে চিকিৎসা সেৱা প্ৰদান কৰাটো নিশ্চিত কৰা।
সংবাদ মাধ্যমৰ আগত প্ৰদান কৰা ভাষণত গাডকাৰীয়ে পথ সুৰক্ষাৰ প্ৰত্যাহ্বানসমূহৰ সৈতে মোকাবিলা কৰাৰ বাবে চলি থকা প্ৰচেষ্টাসমূহৰ ওপৰত আলোকপাত কৰিছে, য’ত চালকৰ বাবে নিয়মৰ সৈতে মিল থকা বাণিজ্যিক চালকৰ কৰ্মৰ সময় নিয়ন্ত্ৰণৰ নীতি প্ৰস্তুত কৰাকে ধৰি চালকৰ ক্লান্তিৰ বিৰুদ্ধে যুঁজ দিয়াটোও অন্তৰ্ভুক্ত কৰা, যি হৈছে পথত সংঘটিত হোৱা ভয়ংকৰ দুৰ্ঘটনাৰ উল্লেখযোগ্য কাৰণ।
২০২৫ চনৰ ৬–৭ জানুৱাৰীত অনুষ্ঠিত দুদিনীয়া কৰ্মশালাৰ সময়ত পথ পৰিবহণ আৰু ঘাইপথ মন্ত্ৰালয়ে পথ পৰিবহণ উন্নত কৰাৰ বাবে মূল ব্যৱস্থাসমূহৰ বিষয়ে আলোচনা কৰা হৈছে। বিষয়সমূহৰ ভিতৰত আছিল বাহন বাতিল নীতি ক্ষিপ্ৰ কৰা, পিইউচিচি ২.০ দেশজুৰি ৰূপায়ণ, বিএছ-ভিআইৰ নীতিৰ বাবে সময়সীমা আৰু প্ৰদূষণ হ্ৰাস কৰা ইত্যাদি।
গডকাৰীয়ে সমগ্ৰ ভাৰততে চালক প্ৰশিক্ষণ প্ৰতিষ্ঠান (ডিটিআই) স্থাপনৰ পৰিকল্পনাও ঘোষণা কৰিছে, য’ত এই কেন্দ্ৰসমূহ স্থাপনৰ বাবে সংহত আন্তঃগাঁথনিৰ বাবে অতিৰিক্ত সুবিধা প্ৰদান কৰা হয়। তেওঁ নতুন নিয়মৰ জৰিয়তে ই-ৰিক্সাৰ সুৰক্ষা উন্নত কৰাৰ গুৰুত্বৰ ওপৰত গুৰুত্ব আৰোপ কৰিছে।
কৰ্মশালাৰ সময়ত আলোচনা কৰা আন ব্যৱস্থাসমূহৰ ভিতৰত আছিল ট্ৰাকৰ বাবে উন্নত চালক সহায়ক ব্যৱস্থা (ADAS) প্ৰৱৰ্তন, বাহনত ৰেট্ৰ’-ৰিফ্লেক্টিভ টেপ কঠোৰভাৱে বলৱৎ কৰা আৰু মহিলা আৰু শিশুৰ সুৰক্ষাৰ বাবে বাহনৰ স্থান অনুসৰণ ডিভাইচ (VLTD) ৰূপায়ণ কৰা। ২০২৫ চনৰ মাৰ্চ মাহৰ ভিতৰত দেশজুৰি এই সকলো সেৱা সম্পূৰ্ণৰূপে একত্ৰিত হোৱাৰ সম্ভাৱনা আছে।
