নতুন দিল্লী
দেওবাৰে গুজৰাটৰ পোৰবন্দৰ বিমানবন্দৰত ক’ষ্ট গাৰ্ডৰ এখন হেলিকপ্টাৰ দুৰ্ঘটনাগ্ৰস্ত হৈ দুজন পাইলটসহ তিনিজন ক্ৰু মেম্বাৰৰ মৃত্যু হয়। পোৰবন্দৰৰ আৰক্ষী অধীক্ষক ভগীৰথসিংহ জাডেজাই জানিবলৈ দিয়া মতে, দেওবাৰে দুপৰীয়া ১২.১০ বজাত এই ঘটনা সংঘটিত হয়।
আৰক্ষীয়ে জনোৱা মতে, দেওবাৰে দুপৰীয়া ১২.১০ বজাত পোৰবন্দৰ বিমানবন্দৰত অৱতৰণৰ সময়ত এখন ক’ষ্ট গাৰ্ড এডভান্সড লাইট হেলিকপ্টাৰ (এ এল এইচ) দুৰ্ঘটনাগ্ৰস্ত হয়। নিয়মীয়া প্ৰশিক্ষণৰ উৰণৰ সময়ত সংঘটিত হয় এই দুৰ্ঘটনা।
তিনিজন ক্ৰু মেম্বাৰ কঢ়িয়াই অনা হেলিকপ্টাৰখন পোৰবন্দৰ বিমানবন্দৰত নামিছিল। তিনিওজন ক্ৰু মেম্বাৰকে ধ্বংসাৱশেষৰ পৰা উদ্ধাৰ কৰি পোৰবাণ্ডাৰৰ এখন চিকিৎসালয়লৈ প্ৰেৰণ কৰা হয় বুলি বিষয়াসকলে জনায়।
চিকিৎসাৰ প্ৰচেষ্টা চলোৱাৰ পিছতো আঘাতপ্ৰাপ্ত তিনিওজন ক্ৰু সদস্যই চিকিৎসালয়ত মৃত্যুক সাৱটি লয় বুলি কমলা বাউগ থানাৰ পৰিদৰ্শক ৰাজেশ কানমিয়াই নিশ্চিত কৰিছে।
ভাৰতীয় উপকূলৰক্ষী বাহিনীৰ বিষয়াসকলে এই মৃত্যুৰ কথা নিশ্চিত কৰি কয় যে, দুৰ্ঘটনাটোৰ কাৰণৰ বাবে তদন্ত অব্যাহত আছে। ক’ষ্ট গাৰ্ডৰ আন এখন হেলিকপ্টাৰ সাগৰত নামি দুৰ্ঘটনাগ্ৰস্ত হোৱাৰ দুমাহৰ পাছতে এই দুৰ্ঘটনা সংঘটিত হৈছে।
