নতুন দিল্লী
৫ ফেব্ৰুৱাৰীত (বুধবাৰে) একক পৰ্যায়ত নিৰ্বাচন অনুষ্ঠিত হ’ব দিল্লীত। আনহাতে অহা ৮ ফেব্ৰুৱাৰীত (শনিবাৰে) ফলাফল ঘোষণা কৰা হ’ব। আজি এক সংবাদমেল অনুষ্ঠিত কৰি এই কথা ঘোষণা কৰিছে নিৰ্বাচন আয়োগে। নিৰ্বাচনত অৱতীৰ্ণ হ’ব আপ, বিজেপি আৰু কংগ্ৰেছ।
নিৰ্বাচন আয়োগে নিৰ্বাচনৰ সময়সূচী ঘোষণা কৰাৰ লগে লগে বলৱৎ হৈছে আদৰ্শ আচৰণ বিধি। দুৰ্নীতিৰ অভিযোগৰ সৈতে মোকাবিলা কৰি থকা শাসকীয় আপে তৃতীয়বাৰৰ(হেট্ৰিক) শাসন লাভ কৰাৰ আশা কৰিব। অৰবিন্দ কেজৰিৱাল নেতৃত্বাধীন দলটোৱে ২০১৫ আৰু ২০২০ৰ নিৰ্বাচনত ক্ৰমে ৬৭ আৰু ৬২খন আসনেৰে জয়লাভ কৰিছিল।
বিগত দুটা নিৰ্বাচনত মাত্ৰ একক সংখ্যালৈ হ্ৰাস পোৱা বিজেপিয়ে ২৬ বছৰৰ বিৰতিৰ অন্তত ৰাজধানী দিল্লীত পুনৰ নেতৃত্বলৈ অহাৰ আশা কৰিব। এসময়ত দিল্লীত ১৫ বছৰ শাসন কৰা কংগ্ৰেছে ২০২৪ চনৰ লোকসভা নিৰ্বাচনৰ বাবে আপৰ সৈতে মিত্ৰতা চিলাই অকলেই নিৰ্বাচনত প্ৰতিদ্বন্দ্বিতা কৰিব।
২০২৫ চনৰ প্ৰথমটো নিৰ্বাচনক তিনিওটা দলৰ প্ৰতিপত্তিৰ যুঁজ হিচাপে দেখা গৈছে। যোৱা বছৰ কেজৰিৱালে সুৰা নীতিৰ গোচৰত জামিন লাভ কৰাৰ পিছত মুখ্যমন্ত্ৰী পদৰ পৰা পদত্যাগ কৰিছিল। দিল্লীৰ জনসাধাৰণে তেওঁৰ ওপৰত আস্থা ৰাখিলে তেওঁ নেতৃত্বত ঘূৰি আহিব বুলি দৃঢ়তাৰে কয়।
এইবাৰ দলটোৱে মহিলা আৰু বৃদ্ধসকলক লক্ষ্য কৰি কেইবাখনো কল্যাণমূলক আঁচনিৰ ওপৰত কাম কৰি বিৰোধী ক্ষমতা আৰু ইয়াৰ প্ৰতিদ্বন্দ্বীসকলক পৰাস্ত কৰিছে।
