নতুন দিল্লী
বিশ্বৰ বজাৰত আদৰ বাঢ়িছে কফিৰ। ভাৰতৰ কফি ৰপ্তানি বিগত চাৰি বছৰত প্ৰায় দুগুণ বৃদ্ধি পাই ২০২০-২১ বিত্তীয় বৰ্ষত ৭১৯.৪২ মিলিয়ন ডলাৰৰ পৰা ২০২৩-২৪ বিত্তীয় বৰ্ষত ১.২৯ বিলিয়ন ডলাৰ স্পৰ্শ কৰিছে। বিশ্বব্যাপী সপ্তম স্থানত কফি উৎপাদনকাৰী দেশ হিচাপে পৰিগণিত হৈছে ভাৰত। বাণিজ্য আৰু উদ্যোগ মন্ত্ৰালয়ে প্ৰকাশ কৰা এক বিবৃতিত প্ৰকাশ পাইছে এই তথ্য।
২০২৫ চনৰ জানুৱাৰী মাহৰ প্ৰথমাৰ্ধত ভাৰতে ইটালী, বেলজিয়াম, ৰাছিয়াকে ধৰি শীৰ্ষ ক্ৰেতাৰ সৈতে ৯,৩০০ টনতকৈ অধিক কফি ৰপ্তানি কৰিছে। অনন্য সোৱাদৰ বাবে সমগ্ৰ বিশ্বতে চাহিদা বৃদ্ধি পোৱাত দেশৰ কফিৰ ৰপ্তানি যথেষ্ট বৃদ্ধি পাইছে।
ভাৰতত উৎপাদিত কফিৰ প্ৰায় তিনি চতুৰ্থাংশ আৰবিকা আৰু ৰবুষ্টা বীনেৰে তৈয়াৰী। এইবোৰ মূলতঃ অৰোষ্টেড বীন হিচাপে ৰপ্তানি কৰা হয়। কেফে সংস্কৃতিৰ উত্থান, অধিক ব্যৱহাৰযোগ্য আয় আৰু চাহতকৈ কফিৰ প্ৰতি ক্ৰমাৎ পছন্দ বৃদ্ধি পোৱাৰ বাবে ভাৰতত কফিৰ ব্যৱহাৰো ক্ৰমাগতভাৱে বৃদ্ধি পাইছে।
উল্লেখ কৰা প্ৰয়োজন যে, কেৱল চহৰতেই নহয় গ্ৰাম্যাঞ্চলতো কফিৰ প্ৰতি আগ্ৰহী হৈছে ৰাইজ। এই উত্থানৰ ফলত মদ্যপানৰ ব্যৱসায়ত এক ডাঙৰ পৰিৱৰ্তন প্ৰতিফলিত হৈছে, কিয়নো কফি দৈনন্দিন জীৱনৰ মূল খাদ্য হৈ পৰিছে।
