নতুন দিল্লী
চুবুৰীয়া ৰাষ্ট্ৰ বাংলাদেশত ক্ৰমাৎ বৃদ্ধি পোৱা উত্তেজনাক লৈ তীব্ৰ উদ্বেগ প্ৰকাশ কৰিছে ভাৰতবৰ্ষৰ সৰ্ববৃহৎ মছজিদ ৰেৰূপেৰে পৰিচিত জামিউল ফুটুহে। এক আনুষ্ঠানিক বিবৃতিত মছজিদটোৰ ইমাম আৰু খাতিব ড০ মহম্মদ আব্দুল হাকিম আজহাৰীয়ে ক্ৰমাৎ বৃদ্ধি পোৱা অশান্তিৰ মাজত বাংলাদেশৰ অন্তৱৰ্তীকালীন চৰকাৰে সংখ্যালঘু জনগোষ্ঠীৰ সুৰক্ষা আৰু নিৰাপত্তা নিশ্চিত কৰাৰ জৰুৰী প্ৰয়োজনীয়তাৰ ওপৰত গুৰুত্ব আৰোপ কৰে।
বিবৃতিটোত শেহতীয়াকৈ ২৫ নৱেম্বৰত বৈষ্ণৱ সন্ন্যাসী চিন্ময় কৃষ্ণ দাসক গ্ৰেপ্তাৰ কৰা ঘটনাৰ ওপৰত আলোকপাত কৰা হৈছে, যিটো অনুষ্ঠানে বাংলাদেশৰ সংখ্যালঘু জনগোষ্ঠীৰ মাজত ব্যাপক প্ৰতিবাদৰ সৃষ্টি কৰাৰ লগতে নিৰাপত্তাহীনতা আৰু গভীৰ কৰি তুলিছে। ড০ আজহাৰীয়ে এনে অশান্তিৰ সম্ভাৱ্য আঞ্চলিক শাখা-প্ৰশাখাৰ বিষয়ে সকীয়াই দিয়ে, যিয়ে ভাৰত, পাকিস্তান, আফগানিস্তান, আৰু নেপালক প্ৰভাৱিত কৰিব পাৰে।
বিবৃতিটোত কোৱা হৈছে যে সংখ্যালঘুসকলৰ মাজত ক্ৰমাৎ বৃদ্ধি পোৱা নিৰাপত্তাহীনতাই আঞ্চলিক প্ৰত্যাহ্বানৰ সৃষ্টি কৰিছে। ইয়াত বাংলাদেশী কৰ্তৃপক্ষক শান্তি পুনৰুদ্ধাৰ, সাম্প্ৰদায়িক বিবাদ ৰোধ, আৰু সকলো সম্প্ৰদায়ৰ অধিকাৰ আৰু সুৰক্ষা সুৰক্ষিত কৰাৰ বাবে সক্ৰিয় ব্যৱস্থা গ্ৰহণ কৰিবলৈ আহ্বান জনোৱা হৈছে।
ভাৰতীয় গ্ৰেণ্ড মছজিদে সকলো অংশীদাৰক সংযম আৰু উত্তেজনা আৰু অধিক বৃদ্ধি কৰিব পৰা কাৰ্য্যৰ পৰা আঁতৰি থাকিবলৈও আহ্বান জনায়। আন্তঃৰাষ্ট্ৰীয় সহযোগিতাৰ গুৰুত্বৰ ওপৰত গুৰুত্ব আৰোপ কৰি বিবৃতিটোত ভাৰতকে ধৰি ৰাষ্ট্ৰসমূহক কূটনৈতিক সহায় আগবঢ়াবলৈ আৰু সংকটৰ মোকাবিলা কৰিবলৈ গঠনমূলক আলোচনাক উৎসাহিত কৰিবলৈ আহ্বান জনায়।
উল্লেখযোগ্য যে, দক্ষিণ ভাৰতৰ কেৰালা চহৰত অৱস্থিত ভাৰতৰ সৰ্ববৃহৎ মছজিদ জামিউল ফুটুহ। ভাৰতৰ গ্ৰেণ্ড মুফতি শ্বেইখ আবু বকৰ আহমেদে প্ৰতিষ্ঠা কৰি ২০২৩ চনৰ ছেপ্টেম্বৰ মাহত ইয়াৰ দুৱাৰ মুকলি কৰিছিল। এই আচৰিত মছজিদে ইয়াৰ অনন্য ভাৰত-ছাৰাচেন স্থাপত্য শৈলীৰে ভাৰতৰ চহকী সংস্কৃতি আৰু ঐতিহ্যক প্ৰতিফলিত কৰিছে। এই মছজিদ মুছলমানসকলৰ ইবাদতৰ স্থান, য’ত মুছলমানসকলে নামাজৰ বাবে গোট খায়, ঐক্য আৰু ভক্তিক প্ৰসাৰিত কৰে। ইয়াৰ উপৰিও জামিউল ফুটুহ হৈছে এক শৈক্ষিক কেন্দ্ৰ, ইয়াত শিশু আৰু প্ৰাপ্তবয়স্কসকলৰ বাবে ইছলামৰ বিষয়ে তেওঁলোকৰ বুজাশক্তি গভীৰ কৰিবলৈ বিভিন্ন ইছলামিক পাঠ্যক্ৰম আৰু শ্ৰেণী প্ৰদান কৰা হয়।
.webp "প্ৰতিনিধিত্বমূলক ছবি")
