ইয়াৰ বাবে ছুফিয়াই ২০১৭ চনত চাকৰি ত্যাগ কৰিছিল। "বিমান বন্দৰত কাম কৰি মই আমনি পাইছিলো। চাকৰিটোৰ বাবে মই ক'তো যাব পৰা নাছিলো। মই মোৰ মতে জীৱনটো উদযাপন কৰিবলৈ কিবা এটা বেলেগ কৰিব বিচাৰিছিলো," তেওঁ কয়। জীৱনটোক এক নতুন গতি দিবলৈ তেওঁ দৌৰিবলৈ আৰম্ভ কৰিলে। প্ৰথমে চুবুৰীৰ পাৰ্কত তেওঁ দৌৰৰ অভ্যাস আৰম্ভ কৰে। “মই দেখিলোঁ যে দৌৰে মোৰ শৰীৰ আৰু মনক এটা অদ্ভূত শক্তি দিছিল। লাহে লাহে মই জীৱনৰ প্ৰেমত পৰিছিলো।’ তেওঁ হাঁহি হাঁহি কয়।

এই অনুসৰি, ২০২০ চনত দিল্লী, মুম্বাই, কলকাতা আৰু চেন্নাইক সামৰি ১১০ দিনত ৬০০০ কিলোমিটাৰৰ ওপৰত দৌৰিছিল। তেওঁ ৮৭ দিনত কাশ্মীৰৰ পৰা কন্যাকুমাৰী, ৬ দিনত মানালীৰ পৰা লেহলৈকে দৌৰ সম্পূৰ্ণ কৰিবলৈ সক্ষম হৈছিল। এই সকলোবোৰ দৌৰে তেওঁক গিনিজ বুক অৱ ৰেকৰ্ডছত স্থান দিছিল।

উল্লেখ্য যে, কাটাৰক গন্তব্যস্থান হিচাপে বাচনি কৰিছিল তেওঁৰ সংগী বিকাশে, যি নিজেই এগৰাকী ৰাষ্ট্ৰীয় পৰ্যায়ৰ চাইকেল আৰোহী। ‘মানালিৰ পৰা লেহলৈ সম্পূৰ্ণ কৰাৰ পিছত নতুন প্ৰত্যাহ্বান বিচাৰিছিলো। তেতিয়া কাটাৰক উপযুক্ত পছন্দ যেন লাগিছিল।’- তেওঁ কয়। ইউ এ ইৰ সাতটা আমীৰাটত দৌৰাৰ প্ৰত্যাহ্বান গ্ৰহণ কৰাৰ পূৰ্বে আৰব ৰাষ্ট্ৰখন তেওঁৰ বাবে পৰীক্ষাৰ ক্ষেত্ৰ হ’ব।