মাছ ধৰা নাওৰ সৈতে সংঘৰ্ষ ভাৰতীয় নৌসেনাৰ চাবমেৰিনৰ; ২ জন মাছমৰীয়া নিৰুদ্দেশ

Story by atv | Posted by [email protected] • 5 h ago

প্ৰতিনিধিত্বমূলক ফটো

নতুন দিল্লী

গোৱা উপকূলৰ ওচৰত ভাৰতীয় নৌসেনাৰ এখন চাবমেৰিনৰ সৈতে ১৩ জনীয়া ক্ৰুসহ ভাৰতীয় মাছ ধৰা জাহাজ সংঘৰ্ষত লিপ্ত হোৱা বুলি আজি বিষয়াসকলে প্ৰকাশ কৰে। দূৰ্ঘটনাৰ পিছত ভাৰতীয় নৌসেনাই ছখন জাহাজ আৰু বিমান মোতায়েন কৰি এক বৃহৎ অনুসন্ধান আৰু উদ্ধাৰ অভিযান আৰম্ভ কৰিছে। ১১ জন ক্ৰুক উদ্ধাৰ কৰাৰ বিপৰীতে দুজন এতিয়াও সন্ধানহীন হৈ আছে।

প্ৰতিৰক্ষা মন্ত্ৰালয়ে এক আনুষ্ঠানিক বিবৃতিত প্ৰকাশ কৰা অনুসৰি গোৱা উপকূলৰ পৰা প্ৰায় ৭০ নটিকেল মাইল দূৰত মাৰ্থোমা নামৰ জাহাজখনে স্ক’ৰপিন শ্ৰেণীৰ চাবমেৰিনৰ সৈতে সংঘৰ্ষত লিপ্ত হয়। বিবৃতিটোত কোৱা হৈছে, "বাকী দুজন ক্ৰুৰ অনুসন্ধান আৰু উদ্ধাৰৰ প্ৰচেষ্টা চলি আছে আৰু সামুদ্ৰিক উদ্ধাৰ সমন্বয় কেন্দ্ৰ মুম্বাই (এম আৰ চি চি)ৰ সৈতে সমন্বয় কৰা হৈছে। প্ৰচেষ্টা বৃদ্ধিৰ বাবে ক'ষ্ট গাৰ্ডকে ধৰি অতিৰিক্ত সম্পত্তি অঞ্চলটোলৈ ডাইভাৰ্ট কৰা হৈছে।"

#UPDATE on Fishing Vessel collision with Indian Navy’s submarine off Goa coast | Indian Navy is carrying out search operations for the two crew of the fishing vessel. 11 of the 13 fishermen on the boat have already been recovered. The incident happened on the evening of November… pic.twitter.com/VHEMeaTZ5m
— ANI (@ANI) November 22, 2024

ইয়াত লগতে কোৱা হৈছে যে এই কাণ্ডৰ প্ৰকৃত কাৰণ জানিবলৈ তদন্ত চলি আছে। ভাৰত মহাসাগৰত স্কোৰ্পিন শ্ৰেণীৰ চাবমেৰিন ভাৰতৰ নৌসেনাৰ এক মূল অংগ কাৰণ ইয়াৰ দ্বাৰা ভূ-পৃষ্ঠ বিৰোধী যুদ্ধ, চাবমেৰিন বিৰোধী যুদ্ধ, চোৰাংচোৱা সংগ্ৰহ, খনি স্থাপন, আৰু এলেকা চোৱাচিতা আদি বিভিন্ন ধৰণৰ অভিযান হাতত ল’ব পৰা যায়।