নতুন দিল্লী
মঙলবাৰে কংগ্ৰেছ দলে নিৰ্বাচনৰ নিয়মৰ শেহতীয়া পৰিৱৰ্তনৰ বিৰুদ্ধে উচ্চতম ন্যায়ালয়ত আবেদন দাখিল কৰি দাবী কৰে যে এই পৰিৱৰ্তনে নিৰ্বাচনী প্ৰক্ৰিয়াৰ স্বচ্ছতাক ক্ষতিগ্ৰস্ত কৰিছে।
অপব্যৱহাৰৰ পৰা হাত সাৰিবলৈ কিছুমান বৈদ্যুতিক নথি-পত্ৰ, যেনে- চিচিটিভি ফুটেজ আৰু প্ৰাৰ্থীৰ ভিডিঅ’ ৰেকৰ্ডিং আদি পৰিদৰ্শন কৰিব নোৱাৰাৰ বাবে চৰকাৰে নিৰ্বাচনী নিয়মৰ পৰিৱৰ্তন কৰিছে।
কংগ্ৰেছ নেতা জয়ৰাম ৰমেশে যুক্তি আগবঢ়ায় যে মুক্ত আৰু নিকা নিৰ্বাচন নিশ্চিত কৰাৰ দায়িত্বত থকা নিৰ্বাচন আয়োগক ৰাজহুৱা মতামত অবিহনে ইমান গুৰুত্বপূৰ্ণ আইন সলনি কৰিবলৈ দিয়া উচিত নহয়। তেওঁ জোৰ দি কয় যে এই সংশোধনীৰ ফলত নিৰ্বাচনত স্বচ্ছতা আৰু জবাবদিহিতা হ্ৰাস পায়, যিয়ে প্ৰক্ৰিয়াটোৰ অখণ্ডতাৰ বাবে ক্ষতিকাৰক।
নিৰ্বাচন আয়োগৰ পৰামৰ্শ আৰু কেন্দ্ৰীয় আইন মন্ত্ৰালয়ে ২০ ডিচেম্বৰত কৰা এই সংশোধনীত ৰাজহুৱা পৰিদৰ্শনৰ বাবে উপলব্ধ নথি-পত্ৰৰ প্ৰকাৰৰ ওপৰত বাধা আৰোপ কৰা হৈছে।
নিৰ্বাচনী বিষয়াসকলে উদ্বেগ প্ৰকাশ কৰে যে ভোটগ্ৰহণ কেন্দ্ৰত চিচিটিভিৰ ফুটেজ জনসাধাৰণক প্ৰৱেশৰ অনুমতি দিলে অপব্যৱহাৰৰ সৃষ্টি হ’ব পাৰে আৰু ভোটাৰৰ গোপনীয়তাত আঘাত হানিব পাৰে। কিন্তু তেওঁলোকে আশ্বস্ত কৰে যে প্ৰাৰ্থীসকলে এতিয়াও ভিডিঅ'সমূহৰ সুবিধা লাভ কৰিব, আৰু আনসকলে আদালতৰ জৰিয়তে এই তথ্য সমূহ বিচাৰিব পাৰিব।
কংগ্ৰেছে এই পদক্ষেপক তীব্ৰ সমালোচনা কৰে। লগতে নিৰ্বাচন আয়োগে কিয় স্বচ্ছতাৰ বিৰোধিতা কৰিছিল বুলিও প্ৰশ্ন উত্থাপন কৰে।
