নতুন দিল্লী
ৰাষ্ট্ৰীয় ৰাজধানী দিল্লীৰ কমলা মাৰ্কেট থানাত ধাৰা ভাৰতীয় ন্যায় সংহিতা, ২০২৩ ৰ অধীনত প্ৰথমটো এফআইআৰ ৰুজু হয়। আজিৰ পৰা কাৰ্যকৰী হ’ল তিনিখন নতুন অপৰাধমূলক আইন।
নতুন দিল্লী ৰে’লৱে ষ্টেচনৰ ফুট অভাৰব্ৰিজত বাধা দি বিক্ৰী কৰাৰ অভিযোগত ভাৰতীয় ন্যায় সংহিতাৰ ২৮৫ নং ধাৰাত ক্ষুদ্ৰ ব্যৱসায়ীৰ বিৰুদ্ধে গোচৰ ৰুজু কৰা হৈছে। এফআইআৰৰ মতে, অভিযুক্ত পংকজ কুমাৰ, বিহাৰৰ বৰহৰ বাসিন্দা।
এফ আই আৰত আৰক্ষীয়ে উল্লেখ কৰিছে যে অভিযুক্তই মূল পথৰ সমীপত এখন গাড়ীত ধঁপাত আৰু পানী বিক্ৰী কৰি যাতায়ত কৰা লোকসকলক বাধা আৰু অশান্তিৰ সৃষ্টি কৰিছিল। অঞ্চলটোত টহল দি থকা আৰক্ষীয়ে অভিযুক্তক গাড়ীখন আঁতৰাবলৈ কোৱাত তেওঁ বিষয়াসকলক আওকাণ কৰে।
ভাৰতীয় দণ্ডবিধিৰ সলনি ভাৰতীয় ন্যায় সংহিতা, চি আৰ পি চিৰ ঠাইত নাগৰিক সুৰক্ষা সংহিতা, ভাৰতীয় প্ৰমাণ আইনৰ ঠাইত ভাৰতীয় সাক্ষ্য অধিনিয়ামৰ ব্যৱস্থা কৰা হৈছে।
ভাৰতীয় ন্যায় সংহিতাৰ ৩৫৮টা ধাৰা আছে, যিটো আইপিচিৰ ৫১১টা ধাৰাতকৈ কম। সংহিতাত মুঠ ২০টা নতুন অপৰাধ সংযোজন কৰা হৈছে, আৰু ৩৩টা অপৰাধৰ কাৰাদণ্ড বৃদ্ধি কৰা হৈছে। ৮৩টা অপৰাধৰ বাবে জৰিমনা বৃদ্ধি কৰা হৈছে, আৰু ২৩টা অপৰাধত বাধ্যতামূলক নূন্যতম শাস্তি প্ৰৱৰ্তন কৰা হৈছে। ছটা অপৰাধত সামূহিক সেৱাৰ শাস্তি প্ৰৱৰ্তন কৰা হৈছে, আৰু এই আইনত ১৯টা ধাৰা বাতিল বা আঁতৰোৱা হৈছে।
ভাৰতীয় নাগৰিক সুৰক্ষা সংহিতাৰ ৫৩১টা ধাৰা আছে, যিটো চি আৰ পি চিত ৪৮৪টা ধাৰা আছে। সংহিতাত মুঠ ১৭৭টা বিধান সলনি কৰা হৈছে, আৰু ৯টা নতুন ধাৰা সংযোজন কৰাৰ লগতে ৩৯টা নতুন উপ-ধাৰা সংযোজন কৰা হৈছে। এই আইনখনত ৪৪টা নতুন বিধান আৰু স্পষ্টীকৰণ প্ৰৱৰ্তন কৰা হৈছে। ৩৫টা খণ্ডত সময়সীমা সংযোজন কৰা হৈছে, আৰু ৩৫টা ঠাইত অডিঅ’-ভিডিঅ’ৰ ব্যৱস্থা অন্তৰ্ভুক্ত কৰা হৈছে। সংহিতাত চৈধ্যটা ধাৰা বাতিল বা আঁতৰোৱা হৈছে।
ভাৰতীয় সাক্ষ্য অধিনিয়ামত মূল ১৬৭টা বিধানৰ পৰিৱৰ্তে ১৭০টা বিধান থাকিব, মুঠ ২৪টা বিধান সলনি হ’ব। দুটা নতুন বিধান আৰু ছটা উপ-বিধান সংযোজন কৰাৰ বিপৰীতে অধিনিয়ামত ছটা বিধান বাতিল বা বাদ দিয়া হৈছে।
