নতুন দিল্লী
বৃহস্পতিবাৰে কংগ্ৰেছে দাবী কৰে যে ৰাজ্যসভাত প্ৰধানমন্ত্ৰী নৰেন্দ্ৰ মোদীয়ে “মণিপুৰৰ হিংসাক লৈ নিজৰ মৌনতা ভংগ” কৰাটো বিৰোধী দলসমূহৰ বাবে প্ৰকৃত জয়।
ৰাজ্যসভাত মণিপুৰৰ হিংসাত্মক ঘটনা সন্দৰ্ভত প্ৰধানমন্ত্ৰী নৰেন্দ্ৰ মোদীয়ে ভাষণ দিয়াৰ এদিন পিছতে বিগত ডেৰ বছৰ ধৰি সমগ্ৰ দেশে এই বিষয়ত মোদীৰ প্ৰতিক্ৰিয়াৰ বাবে অপেক্ষা কৰি আছিল বুলি প্ৰকাশ কৰে।
"যোৱা ডেৰ বছৰ ধৰি তেওঁ মণিপুৰৰ বিষয়ে একো কোৱা নাছিল। অৱশেষত কালি (বুধবাৰ) তেওঁ মণিপুৰৰ ওপৰত নিজৰ মৌনতা ভংগ কৰিলে। বিৰোধীৰ বাবে এয়া এক প্ৰকৃত জয়।" এআইচিচিৰ সাধাৰণ সম্পাদক (সংগঠন) কে চি ভেনুগোপালে সাংবাদিকৰ আগত প্ৰতিক্ৰিয়া প্ৰকাশ কৰে।
বুধবাৰে ৰাজ্যসভাত সংসদৰ যৌথ অধিৱেশনত ৰাষ্ট্ৰপতিয়ে দিয়া ভাষণ সন্দৰ্ভত ধন্যবাদৰ প্ৰস্তাৱত দিয়া ভাষণত প্ৰধানমন্ত্ৰীয়ে কৈছিল যে মণিপুৰত হিংসাত্মক পৰিস্থিতি ধাৰাবাহিকভাৱে হ্ৰাস পাইছে আৰু ৰাজ্যখনৰ ব্যৱসায়িক প্ৰতিষ্ঠানৰ লগতে শিক্ষানুষ্ঠানসমূহো খোল খাইছে।
ৰাজ্যখনত সম্পূৰ্ণ শান্তি ঘূৰাই অনাৰ বাবে সকলো প্ৰচেষ্টা চলোৱা হৈছে বুলি তেওঁ দৃঢ়তাৰে কয়।
ৰাজ্যসভাৰ পূৰ্বৰ অধিবেশনত মণিপুৰ সন্দৰ্ভত দিয়া বিশদ ভাষণৰ কথা মনত পেলাই মোদীয়ে পুনৰ কয় যে “মণিপুৰত স্বাভাৱিকতা অনাৰ বাবে চৰকাৰে অহৰহ প্ৰচেষ্টা চলাই আছে”।
ভেনুগোপালে কয় যে ৰাষ্ট্ৰপতিৰ ভাষণত প্ৰধানমন্ত্ৰীয়ে ধন্যবাদৰ প্ৰস্তাৱৰ ওপৰত প্ৰধানমন্ত্ৰীয়ে উত্তৰ দিয়াৰ পূৰ্বে মণিপুৰৰ এজন সাংসদক ভাষণ দিবলৈ পাঁচ মিনিট সময় দিবলৈ চৰকাৰে অনিচ্ছা প্ৰকাশ কৰাৰ বাবেই মঙলবাৰে লোকসভাত বিৰোধীয়ে হুলস্থুলৰ সৃষ্টি কৰিছিল।
আলাপ্পুঝাৰ সাংসদগৰাকীয়ে কয় যে প্ৰধানমন্ত্ৰীৰ ভাষণৰ পূৰ্বে মণিপুৰৰ কণ্ঠ শুনিবলৈ বিৰোধীয়ে চৰকাৰক অনুৰোধ জনাইছিল। লোকসভাত প্ৰধানমন্ত্ৰীৰ ভাষণৰ সময়ত বিৰোধী সদস্যসকলে শ্লোগান দিয়াৰ ন্যায্যতা প্ৰদান কৰি তেওঁ কয় যে তেওঁলোক সাজু নাছিল, আৰু সেইবাবেই হুলস্থুল আৰম্ভ হৈছিল।
