৩৭ বছৰীয়া ছানিয়া মিৰ্জাই হায়দৰাবাদৰ জনপ্ৰিয় ডিজাইনাৰ মৃণালিনী ৰাওৰ ৰঙা ৰঙৰ সাজ-পোছাক পিন্ধি এই অনুষ্ঠানটোৰ শোভা বঢ়ায়। কেঁচা ৰেচমৰ জেকেট আৰু জাৰ্ডোজী আৰু মুকুতা এম্ব্ৰয়ডাৰীৰে সজ্জিত এই ৰঙা ৰঙৰ লেহেংগাযোৰৰ মূল্য হৈছে ৫.৩৭ লাখ টকা। ছানিয়াই তেওঁৰ সাজ-পোছাকৰ সৈতে মিলাই পৰম্পৰাগত সেউজীয়া আৰু মুকুতাৰ চকাৰ চেট (choker set) পিন্ধিছিল। আনহাতে তেওঁৰ স্বাভাৱিক মেকআপে ছানিয়াৰ ৰূপ-লাবণ্যত এক ৰাজকীয় আড়ম্বৰ সংযুক্ত কৰে।
টেনিছ তাৰকাগৰাকীয়ে নিজৰ স্বভাৱসুলভ হাঁহি আৰু নম্ৰ আচৰণেৰে পাপ্পাৰাজীক সম্ভাষণ জনায়। বিবাহ অনুষ্ঠানত ছানিয়া মিৰ্জাৰ মনোমোহা ৰূপৰ ভিডিঅ’ ভাইৰেল হৈ পৰিছে। উল্লেখ্য যে, মুকেশ আম্বানীৰ পুত্ৰৰ এইখন বিয়াৰ চৰ্চা দেশজুৰি বহু মাহ ধৰি চলি আছে।Sania Mirza poses for a photo 📸 on her arrival for Mukesh Ambani's son Anant Ambani and Radhika Merchant's blessing ceremony ✨ at the Jio World Convention Centre, in Mumbai 📍 pic.twitter.com/lMogPVIX5r
— Take One Filmy (@TakeOneFilmy) July 13, 2024
