হায়দৰাবাদ
ভাৰতৰ মোহময়ী টেনিছ তাৰকা ছানিয়া মিৰ্জাই যদিও বৰ্তমান টেনিছ ক’ৰ্টৰ পৰা আঁতৰি আহিছে, তথাপিও তেওঁ নিজৰ আকৰ্ষণীয় ছ’চিয়েল মিডিয়া প'ষ্ট আৰু ব্যক্তিগত জীৱনৰ দ্বাৰা বাতৰিৰ শিৰোনাম দখল কৰি আছে। মঙলবাৰে ছানিয়াই ইনষ্টাগ্ৰামত নিজৰ দৈনন্দিন জীৱনৰ ধাৰাবাহিক স্নেপ শ্বেয়াৰ কৰে, য’ত তেওঁৰ জিম চেচন, ভ্ৰমণ, আউটিং আদিৰ আভাস দিয়া হৈছিল।
তেওঁ এই ফটোবোৰৰ লগত এটা গভীৰ চিন্তাশীল কেপচন দিছেঃ Of course there are cracks, that’s how the light comes through.”। অনুৰাগীয়ে দ্ৰুতগতিত তেওঁৰ এই প'ষ্টত প্ৰতিক্ৰিয়া ব্যক্ত কৰে।
ফটো কালেকচনসমূহৰ ভিতৰত সকলোৰে দৃষ্টি আকৰ্ষণ কৰা এটা বিশেষভাৱে মৰ্মস্পৰ্শী ছবি আছিল ছানিয়াৰ পুত্ৰ ইঝান মিৰ্জা মালিকে নৱজাতক এটাক ধৰি থকা এখন ছবি। এই ফটোখনে অনুৰাগীসকলৰ মাজত কৌতুহলৰ সৃষ্টি কৰে।
অৱশ্যে, দেখা গৈছে যে ফটোখনত দেখা কেঁচুৱাটো আন কোনো নহয়, ছানিয়াৰ ভগ্নী অনম মিৰ্জাৰ কন্যা দুৱা। ছবিখন দুৱাৰ জন্মৰ সময়ৰ স্মৃতি যেন অনুভৱ হৈছে। পাকিস্তানী ক্ৰিকেটাৰ শ্বোৱেইব মালিকৰ সৈতে বিবাহ বিচ্ছেদ হোৱাৰ পিছত ছানিয়াই হায়দৰাবাদ আৰু ডুবাইত পৰিয়াল আৰু বন্ধু-বান্ধৱীৰ সৈতে সময় কটাইছে।
