আজমেৰ দৰগাহলৈ প্ৰধানমন্ত্ৰীয়ে ‘চাদৰ’ আগবঢ়োৱাই যথেষ্ট নহয়; ওৱাইছিৰ মন্তব্যক কঠোৰ সমালোচনা নাছিৰুদ্দিন চিষ্টীৰ

Story by atv | Posted by [email protected] • 1 d ago

নাছিৰুদ্দিন চিষ্টী

আজমেৰ

প্ৰধানমন্ত্ৰী নৰেন্দ্ৰ মোদীয়ে আজমেৰ দৰগাহলৈ ‘চাদৰ’ পঠোৱাটোৱেই যথেষ্ট নহয়। তেওঁ মছজিদ আৰু দৰগাহৰ বিৰুদ্ধে কিছুমান লোকে আদালতত গোচৰ ৰুজু কৰা বিষয়সমূহৰ ওপৰতো গুৰুত্ব দিব লাগে বুলি এআইএমআইএমৰ সভাপতি আছাদুদ্দিন ওৱাইছিয়ে কৰা মন্তব্যক আজমেৰ দৰগাহৰ এজন শীৰ্ষ বিষয়াই তীব্ৰ সমালোচনা কৰিছে। আজমেৰ দৰগাহৰ মুৰব্বীৰ উত্তৰাধিকাৰী তথা সৰ্বভাৰতীয় চুফী সজ্জাদানাছিন কাউন্সিলৰ অধ্যক্ষ চৈয়দ নাছিৰুদ্দিন চিষ্টীয়ে ওৱাইছিৰ এই মন্তব্যৰ সৈতে একমত নহয় বুলি উল্লেখ কৰিছে।

তেওঁ কয়, ‘ওৱাইছি এজন ৰাজনৈতিক নেতা, গতিকে তেওঁৰ বক্তব্যৰ বিষয়ে তেওঁহে বিশদভাৱে ক’ব পাৰিব। অৱশ্যে যদি তেওঁ সঁচাকৈয়ে এই কথা কৈছে তেন্তে মই একমত নহয়। এই দৰগাহৰ ওপৰত কোটি কোটি লোকৰ বিশ্বাস আছে, আৰু বহুতে খোৱাজা মইনুদ্দিন চিষ্টিৰ দৰগাহলৈ চাদৰ পঠিয়াইছে।’-চিষ্টীয়ে কয়।

আইএনএছ (IANS)ৰ সৈতে হোৱা এক কথা-বতৰাত চিষ্টীয়ে কয় যে প্ৰধানমন্ত্ৰী নৰেন্দ্ৰ মোদীয়ে সবকা সাথ, সবকা বিকাশ (সকলোৰে সৈতে একেলগে, সকলোৰে বাবে উন্নয়ন)ৰ নীতিৰে সকলোকে লগত লৈ আগবাঢ়ি যায়। আজি তেওঁ নিজৰ ভক্তি আৰু শ্ৰদ্ধাৰ বাবে দৰগাহলৈ চাদৰ পঠিয়াইছে। তেওঁ ধাৰাবাহিকভাৱে ঐক্য আৰু শান্তিৰ পোষকতা কৰে।”

Press Conference: बैरिस्टर @asadowaisi ने मीडिया से बातचीत के दौरान कहा कि "एक तरफ @narendramodi अजमेर शरीफ दरगाह को चादर भेज रहे हैं दूसरी तरफ उनके चाहने वाले लोग अजमेर शरीफ दरगाह के खिलाफ कोर्ट को जाते हैं। इसके अलावा असदुद्दीन ओवैसी ने देश के कई अन्य मुद्दों पर क्या कहा? देखें… pic.twitter.com/8iYaTQre6X
— AIMIM (@aimim_national) January 4, 2025

চিষ্টীয়ে আৰু কয় যে প্ৰধানমন্ত্ৰীৰ এই মহানুভৱতা বিভাজনকাৰী শক্তিৰ বিৰুদ্ধে এক শক্তিশালী বাৰ্তা। ‘চাদৰ প্ৰেৰণ কৰা কামটোৱেই হৈছে ধৰ্মীয় আৰু সাম্প্ৰদায়িক ৰেখাৰে ভাৰতক বিভাজিত কৰিব বিচৰাসকলৰ মুখত এক প্ৰচণ্ড চৰ। ধৰ্মীয় ঘৃণা সৃষ্টি কৰিবলৈ চেষ্টা কৰাসকলৰ বাবেও ই এক উপযুক্ত উত্তৰ। প্ৰধানমন্ত্ৰীৰ হৈ ব্যক্তিগতভাৱে এজন মন্ত্ৰীয়ে চাদৰ অনাটো সবকা সাথ, সবকা বিশ্বাস, সবকা সন্মানৰ এক উজ্জ্বল নিদৰ্শন।”

প্ৰধানমন্ত্ৰীৰ এই মহানুভৱতাৰ প্ৰতি ওৱাইছিৰ নেতিবাচক প্ৰতিক্ৰিয়াৰ বাবে দুখ প্ৰকাশ কৰি চিষ্টীয়ে কয়, ‘এনে ইতিবাচক পৰিঘটনাৰ পিছতো কিছুমানে প্ৰধানমন্ত্ৰীৰ পদক্ষেপক সমালোচনা কৰাটো দুৰ্ভাগ্যজনক। ঘৃণাক বিয়পিবলৈ দিয়াৰ পৰিৱৰ্তে তেওঁৰ গঠনমূলক প্ৰচেষ্টাক আমি চিনি পোৱা আৰু শলাগ লোৱা উচিত। ভাৰতক আজি প্ৰয়োজন হোৱা সবাতোকৈ গুৰুত্বপূৰ্ণ দিশবোৰ হৈছে নিৰাপত্তা, সুৰক্ষা, আৰু ঐক্য।”

VIDEO | Union Minority Affairs Minister Kiren Rijiju (@KirenRijiju) reads out Prime Minister Narendra Modi's message at Ajmer Sharif Dargah during 813th Urs celebrations in Ajmer, Rajasthan.

(Full video available on PTI Videos - https://t.co/n147TvrpG7) pic.twitter.com/mgj0bf2VhB
— Press Trust of India (@PTI_News) January 4, 2025

উল্লেখ্য যে, এদিন পূৰ্বে আজমেৰ দৰগাহ শ্বৰীফ দৰগাহত প্ৰধানমন্ত্ৰী মোদীৰ হৈ আনুষ্ঠানিক ‘চাদৰ’ আগবঢ়ায় কেন্দ্ৰীয় সংখ্যালঘু আৰু সংসদীয় পৰিক্ৰমা মন্ত্ৰী কিৰেন ৰিজিজুৱে। "এই চাদৰে প্ৰধানমন্ত্ৰী মোদীৰ শান্তি, সম্প্ৰীতি, আৰু ঐক্যৰ বাৰ্তাক প্ৰতিনিধিত্ব কৰে। দৰগাহ হৈছে সকলো ধৰ্মৰ লোক একত্ৰিত হোৱা ঠাই, যিয়ে এক ঐক্যবদ্ধ ভাৰতৰ ধাৰণাক শক্তিশালী কৰে। আজি মোৰ ইয়ালৈ অহাৰ সৌভাগ্য হৈছে। আমি প্ৰধানমন্ত্ৰী মোদীৰ হৈ চাদৰ আনিছো। ভাতৃত্ববোধৰ লক্ষ্যৰে আমি সকলোৱে আমাৰ সমাজ, দেশ, বিশ্ব শান্তিৰ বাবে কাম কৰিম। আমি ইয়াত আশীৰ্বাদ বিচাৰিছিলো", মন্ত্ৰীগৰাকীয়ে কয়।

উল্লেখ্য যে, প্ৰধানমন্ত্ৰী হিচাপে ২০১৪ চনত কাৰ্যভাৰ গ্ৰহণ কৰাৰ পিছৰে পৰা প্ৰধানমন্ত্ৰী মোদীয়ে বছৰি আজমেৰ শ্বৰীফ দৰগাহলৈ ‘চাদৰ’ প্ৰেৰণ কৰাৰ পৰম্পৰা বজাই ৰাখিছে। সাংস্কৃতিক আৰু ধৰ্মীয় সংহতিৰ সেতু হিচাপে ইয়াৰ প্ৰয়োজনীয়তাৰ ওপৰত গুৰুত্ব আৰোপ কৰি প্ৰধানমন্ত্ৰীয়ে এই উদযাপনত ১১ সংখ্যক বাৰৰ বাবে অংশগ্ৰহণ কৰিছে।