উল্লেখ্য যে, শেহতীয়াকৈ সংসদত গৃহীত হোৱা ৱাকফ সংশোধনী আইনখনক লৈ দেশৰ বিভিন্ন প্ৰান্তত বিতৰ্ক আৰু বিক্ষোভৰ সৃষ্টি হৈছে। কিন্তু অসমৰ মুছলমান সমাজৰ শান্তিপূৰ্ণ সঁহাৰিয়ে ৰাষ্ট্ৰীয় পৰ্যায়ত দৃষ্টি আকৰ্ষণ কৰিছে। ৰাজ্য চৰকাৰে ইয়াক সক্ৰিয় পুলিচিং আৰু মুছলমান সম্প্ৰদায়ৰ সহযোগিতাৰ বাবেই সম্ভৱ হৈছে বুলি মতপোষণ কৰিছে।Despite having nearly 40% Muslim population, Assam has remained peaceful today except isolated protests in three places involving not more than 150 participants each against the Waqf Amendment Act.
— Himanta Biswa Sarma (@himantabiswa) April 11, 2025
My compliments to @AssamPolice for their extensive groundwork that helped…
#WATCH | Guwahati: AIUDF MLA and Party General Secretary Rafiqul Islam say, "Assam CM should not be under the illusion. All the Muslims of Assam are unhappy. All the Muslims of Assam want this bill (Waqf Amendment) to be repealed. BJP is snatching the Waqf land of Muslims. This… https://t.co/ongRRg7pTa pic.twitter.com/DNwAvvDXhQ
— ANI (@ANI) April 12, 2025
উল্লেখ্য যে, যোৱা ৪ এপ্ৰিলত ৰাজ্যসভাই ৱাকফ সংশোধনী বিধেয়কখন ১২৮জন সাংসদৰ সমৰ্থন আৰু ৯৫জন সাংসদৰ বিৰোধিতাৰে গৃহীত কৰাৰ বিপৰীতে লোকসভাই দীঘলীয়া বিতৰ্কৰ অন্তত বিধেয়কখন গৃহীত কৰে। ইয়াত ২৮৮জন সদস্যই সপক্ষে আৰু ২৩২জনে বিৰোধিতা কৰে। ৫ এপ্ৰিলত ৰাষ্ট্ৰপতি দ্ৰৌপদী মুৰ্মুৱে বাজেট অধিৱেশনৰ সময়ত সংসদে গৃহীত কৰা ৱাকফ (সংশোধনী) বিধেয়ক, ২০২৫ত সন্মতি প্ৰদান কৰে।
৩৫ শতাংশ মুছলমান জনসংখ্যা থকা ৰাজ্য পশ্চিম বংগত ৱাকফ সংশোধনী আইনক লৈ ব্যাপক হিংসা, ৰাজহুৱা সম্পত্তি ধ্বংসৰ দৰে অপ্ৰীতিকৰ পৰিস্থিতিৰ সৃষ্টি হোৱাৰ সময়তে ৪০ শতাংশৰো অধিক মুছলমান জনসংখ্যাৰে বাসিন্দা অসমত ৱাকফ সংশোধনী আইনক লৈ কোনো হিংসাত্মক ঘটনা সংঘটিত নোহোৱাটো অসম আৰক্ষীৰ তত্পৰতা আৰু অসমৰ জনসাধাৰণৰ সমন্বয়মুখী চিন্তাধাৰাক প্ৰতিফলিত কৰে।
