অনিকা মহেশ্বৰী / নতুন দিল্লী
পানীয়ে প্ৰাণীৰ প্ৰাণ। আমি সকলোৱে মৰম অবিহনে জীয়াই থাকিব পাৰো, কিন্তু পানী অবিহনে কোনেও জীয়াই থাকিব নোৱাৰে। ইয়াৰ প্ৰতি লক্ষ্য ৰাখি অলগৰথনম নটৰাজন নামৰ ৭৬ বছৰীয়া কৰ্কট মুক্ত ব্যক্তিজনে প্ৰতিদিনে পুৱা সূৰ্য্য উদয়ৰ আগতে বিচনাৰ পৰা উঠে আৰু ১০০ টা কলহ পানীৰে ভৰ্তি কৰি দুখীয়া মানুহৰ মাজত বিতৰণ কৰিবলৈ লৈ যায়, যাতে কোনো লোক পিয়াহত থাকিব নালাগে।
'আৱাজ দ্য ভইচ'ৰ সৈতে হোৱা এক সাক্ষাৎকাৰত নটৰাজনে কয়, "দিল্লীৰ পানীৰ যথেষ্ট অভাৱ দেখা গৈছে। মই মটকা ব্যৱহাৰ কৰি দৰিদ্ৰ লোকসকলক খোৱাপানী যোগান ধৰিছো। মই দক্ষিণ দিল্লীৰ মোৰ চুবুৰীটোত ১০০ টাতকৈও অধিক মটকাৰে ১৫ টাতকৈও অধিক মটকা ষ্টেণ্ড স্থাপন কৰিছো। মোৰ ব্যক্তিগত টেলিফোন নম্বৰটো ষ্টেণ্ডত লিখা আছে যাতে মানুহে মোক পাত্ৰটো খালী হ’লে জনাই দিব পাৰে, আৰু তাত বহিব পৰা বেঞ্চ এখনো আছে। গ্ৰীষ্মকালত পাত্ৰত প্ৰতিদিনে প্ৰায় ২০০০ লিটাৰ পানীৰ প্ৰয়োজন হয়। মই মটকাবোৰত পানীৰ স্তৰ বজাই ৰাখোঁ আৰু মোৰ ভেনৰ জৰিয়তে সেইবোৰৰ তত্ত্বাৱধান কৰো।"
নটৰাজনে সম্পূৰ্ণ নিজৰ পুঁজিৰে এই সেৱা আগবঢ়াই আছে। তেওঁ পেঞ্চনৰ পৰা এই সেৱা চলাই আছে। নটৰাজনে কয় যে নিজাকৈ ঘৰ-বাৰী আছে বাবে তেওঁক বেছি টকাৰ প্ৰয়োজন নাই। নটৰাজনে দিল্লীৰ সৌৰ স্পটত মটকা স্থান স্থাপন কৰিছে, যিবোৰ তেওঁ নিজৰ ভ্যানৰ পৰা পুনৰ ভৰাই দিয়ে।
খোৱা পানীৰ অভাৱত ভুগা মানুহৰ সেৱাত নটৰাজন
"মই কোনো এন জি অ’ৰ দ্বাৰা সমৰ্থিত নহয়, চৰকাৰী পৃষ্ঠপোষকতা কৰা সংস্থাও নহয়; মই মোৰ পেঞ্চন আৰু জীৱন সঞ্চয়ৰ ধনেৰে এই সেৱা আগবঢ়াওঁ। ইয়াৰ পিছতো মই কিছু অনুদান পাওঁ আৰু আটাইতকৈ গুৰুত্বপূৰ্ণ কথাটো হ’ল মোৰ পৰিয়ালৰ পৰা বহুত সহায় আৰু সহযোগিতা পাওঁ। মই বিশ্বাস কৰোঁ যে জীৱ-জন্তু, প্ৰকৃতি আৰু মানুহ সকলো এটা সমূদায় আৰু সেয়েহে আমি ইজনে সিজনৰ প্ৰতি আন্তৰিকতাৰে যত্ন ল’ব লাগিব, যাতে আমি একেলগে মিলাপ্ৰীতিৰে জীয়াই থাকিব পাৰো।"-৭৬ বছৰীয়া কৰ্কট ৰোগী অলগৰথনম নটৰাজনে কয়।
"আমি প্ৰত্যেকে কিবা নহয় কিবা এটা সমাজখনক দিব লাগে আৰু সমাজৰ সৈতে ভাগ কৰিব লাগে। দুৰ্ভাগ্যজনকভাৱে আজি আমি এনে এখন সংস্কৃতিত বাস কৰিছো য’ত আমি সমাজ হিচাপে অধিক লোভী আৰু অধিক আত্মভোগী হৈ পৰিছো। এই ক্ৰমবৰ্ধমান বৈষম্য পৰ্যবেক্ষণ কৰা দৰিদ্ৰ লোকসকল ক্ষোভিত হৈ পৰিছে আৰু এই অন্যায়ৰ ফলত অপৰাধ বৃদ্ধি পাইছে। মহাত্মা গান্ধীয়ে কৈছিল যে "এটা জাতিয়ে নিজৰ জীৱ-জন্তুৰ লগত যি ব্যৱহাৰ কৰে তাৰ ওপৰত বিচাৰ কৰা হ'ব। ইয়াৰ লগত মই আৰু এটা কথাও ক'ব বিচাৰিছো যে "যদি কোনো জাতিয়ে বৰ্তমানৰ পৰ্যায়ত নিজৰ অসহায় লোকসকলক অত্যাচাৰ কৰি থাকে তেন্তে ই লাজ পাব।"-তেওঁ পুনৰ কয়।
উল্লেখ্য যে, নটৰাজন আৰু তেওঁৰ পত্নীয়ে ঘৰৰ ৭৫ শতাংশ ঠাই পানীৰ পাত্ৰ ৰখাৰ বাবে উচৰ্গা কৰে। তেওঁ কয় যে দৰিদ্ৰতা ঈশ্বৰৰ সৃষ্টি নহয়, আপোনাৰ আৰু মোৰ সৃষ্টি। যেতিয়া আমি আমাৰ হাতত থকাখিনি আনৰ সৈতে ভাগ-বতৰা নকৰো, তেতিয়া সমাজত ধনী-দুখীয়াৰ সৃষ্টি হয়। নটৰাজনৰ মতে মানুহ হিচাপে আমি সকলোৱে দানৰ মনোভাৱেৰে জীয়াই থাকিব লাগে।
ভানৰ পৰা পানী নমাই মটকাত ভৰাইছে নটৰাজনে
নটৰাজনে আৱাজ দ্য ভইচক এই কথাও জনাইছে যে তেওঁ চৌপাশৰ আৰ্তজনক সহায় কৰাৰ লগতে মানুহক নিজৰ ওচৰ-চুবুৰীয়াক সহায় কৰিবলৈ অনুপ্ৰাণিত কৰিব বিচাৰে। "হয়তো তেতিয়া মই মানৱ দয়াৰ এক নিৰৱ বিপ্লৱ আৰম্ভ কৰিব পাৰিম। মই বাংগালুৰুত ডাঙৰ হৈছো। প্ৰাপ্তবয়স্ক হোৱাৰ পিছত মই টুৰিষ্ট ভিছাত ভগ্নীক লগ কৰিবলৈ এদিন লণ্ডনলৈ গৈছিলো আৰু তাত ৪০ বছৰ থাকিলোঁ। ব্ৰিটেইনত মই এজন ব্যৱসায়ী হৈ লণ্ডনত কিতাপৰ দোকান চলাই পৰিয়াল গঢ়ি তুলিলোঁ। তাৰ পিছত ১০ বছৰ আগতে মোৰ আন্ত্ৰিক কৰ্কট ৰোগ ধৰা পৰিছিল। মই এতিয়া দিল্লীত কেন্সাৰ মুক্ত হৈছো আৰু মোৰ হাতত থকা সম্পদেৰে আৰ্তজনক সহায় কৰিবলৈ চেষ্টা কৰিছো। প্ৰথম ঘূৰি অহাৰ সময়ত মই অধিক শক্তিশালী আৰু কাৰ্যক্ষম চাইকেল ৰিক্সা নিৰ্মাণৰ কাম কৰি আছিলো। তেতিয়াৰ পৰাই মই অনাথ আশ্ৰম, কৰ্কট ৰোগৰ শেষ পৰ্যায়ৰ লোকক সহায় কৰা, গৃহহীন লোকক লংগাৰ (খাদ্য) পৰিবেশন কৰাৰ দৰে সামাজিক কাম-কাজৰ সৈতে জড়িত হৈ আছে। কিন্তু ২০১৪ চনত দিল্লীৰ প্ৰচণ্ড গৰমৰ সময়ত বহুতো লোক খোৱা পানীৰ সমস্যাত ভুগা দেখি মই মোৰ মনোযোগ পানীৰ প্ৰতি ঘূৰাই আনিলো।"-তেওঁ কয়।
নটৰাজনৰ মটকা ষ্টেণ্ড
ইমানবোৰ মানুহ পিয়াহত থকা দেখি তেওঁ সকলোকে কেনেকৈ সহায় কৰিব পাৰে ভাবিবলৈ আৰম্ভ কৰিছিল। এই কাম এতিয়া সম্প্ৰসাৰিত হৈ দৰিদ্ৰসকলৰ বাবে বহু বৃহৎ পৰিসৰৰ কাৰ্য্যকলাপ অন্তৰ্ভুক্ত কৰা হৈছে। এই কামৰ জৰিয়তে তেওঁ বিশ্বাস কৰিবলৈ লৈছে যে আমি সকলোৱে ইজনে সিজনৰ লগত জীৱনদায়কভাৱে সংযুক্ত, কিন্তু আজি সমাজে এই আন্তঃসংযোগ পৰিত্যাগ কৰিছো।
এই কাৰণে তেওঁ এতিয়া পঞ্চশীল পাৰ্ক আৰু দক্ষিণ দিল্লীত তেওঁৰ ওচৰৰ সম্প্ৰদায়সমূহৰ সৈতে কাম কৰি আছে। "মই মোৰ চৌপাশৰ আৰ্তজনক সহায় কৰিব বিচাৰো আৰু মানুহক তেওঁলোকৰ চৌপাশৰ মানুহক সহায় কৰিবলৈ অনুপ্ৰাণিত কৰিব বিচাৰো। হয়তো তেতিয়া, মানৱ দয়াৰ এক নিস্তব্ধ বিপ্লৱ আৰম্ভ কৰিব পাৰিম।"-তেওঁ কয়।
