ROSHN Group-এ মক্কাত ALMANAR ৰেচিডেন্সিয়েল কমিউনিটি মুকলি কৰাৰ মুহূৰ্ত, বিগত বৰ্ষৰ ডিচেম্বৰৰ ছবি
মক্কা
ছৌদি আৰৱৰ ৰিয়েল এষ্টেট ডেভেলপমেণ্ট কোম্পানী ROSNH গ্ৰুপে পবিত্ৰ চহৰ মক্কাত আৱাসিক প্ৰকল্প ALMANARৰ বাবে প্ৰথম বিক্ৰী প্ৰক্ৰিয়া আনুষ্ঠানিকভাৱে আৰম্ভ কৰাৰ গুৰুত্বপূৰ্ণ পদক্ষেপ হাতত লৈছে। ALMANAR গৃহ নিৰ্মাণ প্ৰকল্পক বিশেষভাৱে “সংহত আৱাসিক সম্প্ৰদায়” বুলি বৰ্ণনা কৰা হৈছে। এই আৱাসিক প্ৰকল্পটোৱে দোকান, বিদ্যালয়, উদ্যানৰ দৰে বিভিন্ন সুবিধা একে ঠাইতে থকা বিভিন্ন ধৰণৰ বিলাসী ঘৰ আগবঢ়ায়।
অঞ্চলটোৰ স্থাপত্যৰ পৰা অনুপ্ৰাণিত হৈ পৰম্পৰাগত শৈলী আৰু আধুনিক সামগ্ৰীৰে নতুন আৱাসিক প্ৰকল্পটোৱে আধুনিক সংহত জীৱনশৈলী আগবঢ়াইছে। গ্ৰেণ্ড মছজিদৰ পৰা মাত্ৰ ২০ মিনিটৰ দূৰত্বত অৱস্থিত ইছলামৰ আটাইতকৈ পবিত্ৰ স্থান আল-হাৰামৰ ভিতৰত বাসিন্দাসকলে এক উন্নত জীৱন-যাপনৰ অভিজ্ঞতা লাভ কৰিব পাৰিব।
ALMANARৰ বাবে প্ৰথম বিক্ৰীৰ প্ৰস্তাৱত বিভিন্ন শিতানত উপলব্ধ ৭২৭টা একক পৰিয়ালৰ ঘৰ অন্তৰ্ভুক্ত কৰা হৈছে। এই নতুন ছ'চাইটীত খুচুৰা বিক্ৰী, মছজিদ, বিদ্যালয় আৰু স্বাস্থ্যসেৱা আদি অন্তৰ্ভুক্ত কৰা হৈছে। ছৌদি প্ৰেছ এজেন্সীয়ে (এছ পি এ) প্ৰকাশ কৰা অনুসৰি, ALMANAR বাসগৃহটো এটা ৰসাল সেউজীয়া কেন্দ্ৰীয় অঞ্চলৰ চাৰিওফালে ডিজাইন কৰা হৈছে, ইয়াৰ ১৮ শতাংশতকৈ অধিক স্থান সেউজীয়া আৰু মুকলি ৰাজহুৱা স্থানেৰে গঠিত। ইয়াত খোজকাঢ়ি আৰু চাইকেল চলোৱাৰ বাবে সুকীয়া পথৰ ব্যৱস্থা আছে। ইয়াৰ জৰিয়তে সুস্থ, সক্ৰিয় জীৱনশৈলীক প্ৰসাৰিত কৰিব বিচৰা হৈছে।
বহনক্ষমতা ALMANAR কমিউনিটীৰ বাবে কেন্দ্ৰীয় বিষয় আৰু ইয়াত থকা ঘৰসমূহে শক্তি আৰু পানী সংৰক্ষণ কৰিব পাৰে। আধুনিক ইনচুলেচন আৰু দক্ষ এয়াৰ কণ্ডিচনাৰ ব্যৱস্থাকে ধৰি উদ্যোগৰ অগ্ৰণী শক্তি সংৰক্ষণ প্ৰযুক্তিৰে ঘৰসমূহ নিৰ্মাণ কৰা হৈছে।
ROSHN Group ৰ ভাৰপ্ৰাপ্ত চিইঅ’ ড০ খালিদ জোহৰে কয় যে, “আমি প্ৰথমবাৰৰ বাবে মক্কালৈ নতুন জীৱনশৈলীৰ দৃষ্টিভংগী আনিবলৈ পাই ৰোমাঞ্চিত হৈছো, যিয়ে সকলো বাসিন্দাৰ প্ৰয়োজনীয়তা পূৰণ কৰাৰ লগতে পবিত্ৰ চহৰখনৰ দুৱাৰমুখত এক সজীৱ আৰু সংহত সম্প্ৰদায়ৰ বাবে উচ্চতম মানদণ্ডৰ থকাৰ সুবিধা আগবঢ়াইছো।”
“ALMANAR কমিউনিটীৰ সৈতে আমি প্ৰকৃতিক আকোৱালি লৈছো আৰু অঞ্চলটোৰ চহকী স্থাপত্য ডিজাইনক সন্মান জনাইছো, বাসিন্দাসকলক সুস্থ জীৱনশৈলী আকোৱালি লোৱাৰ সুযোগ প্ৰদান কৰিছো,” বিষয়াগৰাকীয়ে লগতে কয়।
উল্লেখ্য যে, ROSHN Group-ৰ দ্বাৰা মক্কাত নতুনকৈ জীৱন যাপন কৰাৰ লক্ষ্য লোৱা হৈছে। তেওঁলোকে এটা সজীৱ আৰু সংহত সম্প্ৰদায়ৰ বাবে উচ্চ মানদণ্ড আগবঢ়ায়। ২০২০ চনৰ আগষ্ট মাহত ছৌদি পাব্লিক ইনভেষ্টমেণ্ট ফাণ্ডে কোম্পানীটোৰ অন্যতম মেগাপ্ৰজেক্ট হিচাপে প্ৰতিষ্ঠা কৰিছিল। ছৌদি আৰৱৰ ভিজন ২০৩০ৰ অন্যতম লক্ষ্য হিচাপে গ্ৰুপটোৱে ৭০ শতাংশ ছৌদি নাগৰিকক ঘৰৰ মালিকীস্বত্ব প্ৰদানৰ লক্ষ্য ৰাখিছে।
