নতুন দিল্লী
২০২৫ চনৰ হজ তীৰ্থযাত্ৰাৰ বাবে স্পাইচজেটে ভাৰতৰ চাৰিখন চহৰ ক্ৰমে কলকাতা, গুৱাহাটী, শ্ৰীনগৰ, আৰু গয়াৰ পৰা ১০০খন বিশেষ বিমান চলোৱাৰ অধিকাৰ লাভ কৰিছে। ২০২৪ চনত ১৩ হাজাৰ তীৰ্থযাত্ৰী কঢ়িওৱা ভাৰতীয় বিমান প্ৰতিষ্ঠানটোৱে এতিয়া ইয়াৰ ক্ষমতা ১৮ শতাংশ বৃদ্ধি কৰিব আৰু ১৫,৫০০ তীৰ্থযাত্ৰী কঢ়িয়াই নিব।
২০১৯ চনৰ পৰা স্পাইচজেটে বছৰি বিশেষ হজ বিমান সেৱা আগবঢ়াই আহিছে। পূৰ্বৰ হজ যাত্ৰাৰ সময়ছোৱাত স্পাইচজেটে দুখন ৱাইড-ব'ডী এয়াৰবাছ এ৩৪০ বিমান নিয়োগ কৰিছিল। প্ৰতিখনত বিমানতে ৩২৪ যাত্ৰী বহিব পৰা ক্ষমতা আছিল।
প্ৰতিনিধিত্বমূলক ছবি
২০২৫ চনত বিমান সংস্থাটোৱে নিজৰ সেৱা আৰু অধিক উন্নত কৰাৰ বাবে উৎসৰ্গিত। তেওঁলোতে তীৰ্থযাত্ৰীসকলৰ বাবে আৰামদায়ক আৰু নিৰৱচ্ছিন্ন যাত্ৰাৰ ব্যৱস্থা কৰিবলৈ প্ৰয়োজনীয় সকলো ব্যৱস্থা কৰিবলৈ সাজু হৈছে। শেহতীয়াকৈ স্পাইচজেটে ১৫ নৱেম্বৰৰ পৰা আৰম্ভ কৰা আঠটা নতুন বিমান সেৱাৰ জৰিয়তে ঘৰুৱা নেটৱৰ্কো সম্প্ৰসাৰণ কৰিছে।
বিমান সংস্থাটোৱে ঘোষণা কৰে যে তেওঁলোকৰ নতুন আকাশী পথসমূহে জয়পুৰক বাৰাণসী, অমৃতসৰ, আৰু আহমেদাবাদৰ সৈতে সংযোগ কৰাৰ লগতে আহমেদাবাদক পুনেৰ সৈতে সংযোগ কৰিব। স্পাইচজেটে ২০২৪ চনৰ অক্টোবৰ মাহত দিল্লীক ফুকেটৰ সৈতে সংযোগ কৰা দুটা আন্তঃৰাষ্ট্ৰীয় পথকে ধৰি ৩২খন নতুন বিমান সেৱা আৰম্ভ হোৱাৰ পিছত এই সম্প্ৰসাৰণ ঘটাইছে।
প্ৰতিনিধিত্বমূলক ছবি
অক্টোবৰ মাহত স্পাইচজেটে কৰ্ণাটকৰ শিৱমোগ্গাক চেন্নাই আৰু হায়দৰাবাদৰ সৈতে সংযোগ কৰি উড়ান (UDAN) বিমান সেৱা আৰম্ভ কৰিছিল। প্ৰতিষ্ঠানটোৱে চেন্নাই আৰু কোচিৰ মাজত দৈনিক দুগুণ বিমান সেৱা আৰম্ভ কৰাৰ ফলত প্ৰধান আঞ্চলিক চহৰ আৰু মহানগৰসমূহৰ মাজত সংযোগ উন্নত হৈছে।
উল্লেখ্য যে, হজ হৈছে ইছলাম ধৰ্মীসকলৰ বাৰ্ষিক তীৰ্থযাত্ৰা। এই যাত্ৰাত মুছলমানসকলে তেওঁলোকেৰ আটাইতকৈ পবিত্ৰ চহৰ বুলি গণ্য কৰা ছৌদি আৰৱৰ মক্কা ভ্ৰমণ কৰে। সংখ্যালঘু পৰিক্ৰমা মন্ত্ৰালয় হৈছে ভাৰতত হজ তীৰ্থযাত্ৰা আয়োজন কৰা ন’ডেল মন্ত্ৰালয়।
