ৱাকফ (সংশোধনী) বিধেয়ক কোনো ধৰ্মৰ ওপৰত হস্তক্ষেপৰ বাবে নহয়; স্বচ্ছভাৱে সম্পত্তি পৰিচালনাৰ সৈতেহে ই জড়িতঃ কিৰেণ ৰিজিজু

Story by atv | Posted by [email protected] • 23 h ago

সংসদত সংসদীয় পৰিক্ৰমা মন্ত্ৰী কিৰেন ৰিজিজু

আৱাজ দ্য ভইচ অসম ব্যুৰ'

লোকসভাত ৱাকফ (সংশোধনী), ২০২৪ বিধেয়কখন উত্থাপন কৰি সংসদীয় পৰিক্ৰমা মন্ত্ৰী কিৰেন ৰিজিজুৱে ব্যাখ্যা কৰে যে ইয়াত থকা ৱাকফ ব’ৰ্ডৰ নিয়মসমূহৰ কোনো মছজিদ, মন্দিৰ, ধৰ্মীয় স্থান পৰিচালনাৰ সৈতে সম্পৰ্ক নাই। ই কেৱল সম্পত্তি পৰিচালনাৰ সৈতেহে জড়িত হৈ আছে। সাংসদসকলৰ আগত বিধেয়কখন উত্থাপন কৰাৰ সময়ত তেওঁ এই বিষয়ত দীঘলীয়াকৈ ভাষণ দিয়ে।

ৰিজিজুৱে কয়, "আমি প্ৰযুক্তিৰ ব্যৱহাৰেৰে দক্ষতা বৃদ্ধিৰ বাবে কাম কৰিছো। এটা কেন্দ্ৰীভূত ডাটাবেছ আৰু এটা ডিজিটেল পৰ্টেল ৰূপায়ণ কৰা হ’ব, যাতে কোনোৱে কাকো অন্ধকাৰত ৰাখি গোপনে ৱাকফৰ সম্পত্তি সৃষ্টি কৰিব নোৱাৰে। সঠিক পঞ্জীয়ন, নিৰীক্ষণ, আৰু অনুসৰণ ব্যৱস্থা স্থাপন কৰা হৈছে। মেনুৱেল ভুলসমূহ শুধৰণিৰ ব্যৱস্থাও আছে। বিধেয়কখনত আমোলাতন্ত্ৰিক বিলম্বৰ সমাধানৰ ব্যৱস্থা অন্তৰ্ভুক্ত কৰা হৈছে, আৰু শেষত ৱাকফৰ সঠিক অডিটিং অতি প্ৰয়োজনীয়। আমি অডিটৰ দায়িত্ব ৰাজ্য চৰকাৰসমূহৰ ওপৰত ন্যস্ত কৰিছো।"

তেওঁ জেপিচিৰ জৰিয়তে বিধেয়কখন প্ৰস্তুতৰ প্ৰক্ৰিয়াৰ বিষয়ে ব্যাখ্যা কৰে। "মই ক'ব বিচাৰো যে উভয় সদনৰ যুটীয়া সমিতিত ৱাকফ সংশোধনী বিধেয়ক সন্দৰ্ভত যি আলোচনা হৈছে, সেয়া আজিলৈকে ভাৰতৰ সংসদীয় ইতিহাসত কেতিয়াও হোৱা নাই। যুটীয়া সমিতিৰ সকলো সদস্যকে ধন্যবাদ আৰু অভিনন্দন জনাইছো। আজিলৈকে বিভিন্ন সম্প্ৰদায়ৰ মুঠ ২৮৪ টা প্ৰতিনিধি দলে নিজৰ মতামত আৰু পৰামৰ্শ সমিতিৰ সন্মুখত দাঙি ধৰিছে। ২৫খন ৰাজ্য চৰকাৰ আৰু কেন্দ্ৰীয় শাসিত অঞ্চলৰ ৱাকফ ব'ৰ্ডেও নিজৰ পৰামৰ্শ দাখিল কৰিছে।"-ৰিজিজুৱে কয়।

After introducing the Waqf Amendment Bill in Lok Sabha, Parliamentary Affairs Minister Kiren Rijiju says "...We have worked to improve efficiency by utilizing technology. A centralized database and a digital portal will be implemented, ensuring that no one can secretly create… pic.twitter.com/ZZEwutT3nQ
— ANI (@ANI) April 2, 2025

মন্ত্ৰী কিৰেন ৰিজিজুৱে আৰু কয়, "মই কেৱল আশা কৰাই নহয়, মই নিশ্চিত যে এই বিধেয়কখনৰ বিৰোধিতা কৰাসকলৰো হৃদয়ত পৰিৱৰ্তন আহিব। সকলোৱে ইতিবাচক মনোভাৱেৰে এই বিধেয়কখন সমৰ্থন কৰিব। ১৯৭০ চনৰ পৰা দিল্লীত চলি থকা এটা গোচৰত চি জি অ’ কমপ্লেক্স আৰু সংসদ ভৱনকে ধৰি কেইবাটাও সম্পত্তি জড়িত আছিল। দিল্লী ৱাকফ ব’ৰ্ডে এইবোৰ ৱাকফৰ সম্পত্তি বুলি দাবী কৰিছিল। গোচৰটো আদালতত আছিল যদিও সেই সময়ত ইউ পি এ চৰকাৰে ১২৩টা সম্পত্তি ডিন’টিফাই কৰি ৱাকফ ব’ৰ্ডক গতাই দিছিল। আজি যদি আমি এই সংশোধনী উত্থাপন নকৰিলোহেঁতেন, তেন্তে আমি বহি থকা সংসদ ভৱনটোকো ৱাকফৰ সম্পত্তি বুলি দাবী কৰিব পৰা গ’লহেঁতেন। যদি প্ৰধানমন্ত্ৰী মোদী ক্ষমতালৈ নাহিলহেঁতেন, তেন্তে কেইবাটাও সম্পত্তি ডি-নটিফাইড হ'লহেঁতেন।"

ৰিজিজুৱে লগতে কয়, "২০১৪ৰ লোকসভা নিৰ্বাচনৰ ঠিক আগতে ২০১৩ চনত কিছুমান পদক্ষেপ লোৱা হৈছিল যিয়ে আপোনালোকৰ মনত প্ৰশ্ন উত্থাপন কৰিব। ২০১৩ চনত এই আইনখন সলনি কৰি শিখ, হিন্দু, পাৰ্চী আদিক ৱাকফ সৃষ্টি কৰিবলৈ অনুমতি দিয়া হৈছিল। সকলোৱে জানে ৱাকফ হৈছে মুছলমানে আল্লাহৰ নামত দান কৰা এক সম্পত্তি। এই পৰিৱৰ্তন ২০১৩ চনত কংগ্ৰেছে কৰিছিল। কংগ্ৰেছে ব'ৰ্ডসমূহক নিৰ্দিষ্ট কৰি দিছিল যে কেৱল ছিয়া ব'ৰ্ডত ছিয়াসকলেহে থাকিব পাৰিব। আৰু এটা ধাৰা সংযোজন কৰা হৈছিল যে ৱাকফে আন প্ৰতিখন আইনৰ উৰ্ধত থাকি প্ৰভাৱ বিস্তাৰ কৰিব পাৰিব। এইটো কেনেকৈ গ্ৰহণযোগ্য হ'ব পাৰে?..."

#WATCH | After introducing the Waqf Amendment Bill in Lok Sabha, Parliamentary Affairs Minister Kiren Rijiju says "I want to say that the discussion that has taken place on the Waqf Amendment Bill in the Joint Committee of both the Houses has never been done in the parliamentary… pic.twitter.com/GgmvdlPNR5
— ANI (@ANI) April 2, 2025

কেন্দ্ৰীয় মন্ত্ৰী কিৰেন ৰিজিজুৱে পুনৰ কয়, "ৱাকফ ব'ৰ্ডৰ ভূমিকা হৈছে মতাৱালি আৰু ৱাকফৰ কাম-কাজ চম্ভালি থকাসকলৰ দ্বাৰা ৱাকফৰ সম্পত্তি পৰিচালনাৰ তদাৰক কৰা। এয়া সম্পূৰ্ণৰূপে শাসন আৰু তত্বাৱধানৰ ব্যৱস্থা। কোনো কাৰণতে ৱাকফ ব'ৰ্ডে ৱাকফৰ সম্পত্তি পৰিচালনা নকৰে। ৱাকফ বিলখনে কোনো ধৰ্মীয় ব্যৱস্থা, কোনো ধৰ্মীয় অনুষ্ঠান, বা কোনো ধৰ্মীয় প্ৰথাত কোনো ধৰণে হস্তক্ষেপ কৰা নাই।"

কিৰেন ৰিজিজুৱে কয়, "ৱাকফ ব'ৰ্ডৰ নিয়মৰ সৈতে মছজিদ, মন্দিৰ, ধৰ্মীয় স্থান পৰিচালনাৰ কোনো সম্পৰ্ক নাই। ই কেৱল সম্পত্তি ব্যৱস্থাপনাৰ সৈতে জড়িত। অৱশ্যে ৱাকফৰ সম্পত্তি ৱাকফ ব’ৰ্ড আৰু মুতাৱাল্লীয়ে পৰিচালনা কৰে। যদি কোনোবাই এই মৌলিক পাৰ্থক্যটো বুজিব নোৱাৰে বা ইচ্ছাকৃতভাৱে বুজি নাপায়, তেন্তে তাৰ কোনো সমাধান মোৰ হাতত নাই..."

সংসদীয় পৰিক্ৰমা মন্ত্ৰী কিৰেন ৰিজিজুৱে কয়,"২০১৪ চনৰ ৫ মাৰ্চত ইউ পি এ চৰকাৰে গৃহ নিৰ্মাণ আৰু নগৰ উন্নয়ন মন্ত্ৰালয়ৰ অধীনত থকা ১২৩টা প্ৰাইম প্ৰপাৰ্টি দিল্লী ৱাকফ ব’ৰ্ডলৈ হস্তান্তৰ কৰে। এইবোৰ কৰাৰ কি প্ৰয়োজন আছিল? তেতিয়া নিৰ্বাচনলৈ মাত্ৰ কেইটামান দিন বাকী আছিল। কিছুদিন অপেক্ষা কৰিব নোৱাৰিলেহেঁতেননে? তেওঁলোকে ভাবিছিল যে ইয়াৰ দ্বাৰা তেওঁলোকে নিৰ্বাচনত জয়ী হ’ব কিন্তু নিৰ্বাচনত পৰাস্ত হ’ল, গতিকে লাভ কি হ’ল? এনে কাৰ্যই ভোটাৰক আকৰ্ষিত নকৰে"।

#WATCH | After introducing the Waqf Amendment Bill in Lok Sabha, Parliamentary Affairs Minister Kiren Rijiju says "A case ongoing since 1970 in Delhi involved several properties, including the CGO Complex and the Parliament building. The Delhi Waqf Board had claimed these as Waqf… pic.twitter.com/qVXtDo2gK7
— ANI (@ANI) April 2, 2025

ৰিজিজুৱে উল্লেখ কৰে যে, "এই বিধেয়কখনত কিছু বিসংগতি আছিল, গতিকে ইয়াৰ সংশোধন কৰাটো প্ৰয়োজনীয় আছিল। মই আগতেও উল্লেখ কৰিছো যে এতিয়া যিকোনো ভাৰতীয়ই ৱাকফ সৃষ্টি কৰিব পাৰে, কিন্তু ১৯৯৫ চনত এনেকুৱা নাছিল। ২০১৩ চনত আপোনালোকে পৰিৱৰ্তন কৰিছিল, আৰু এতিয়া আমি ১৯৯৫ চনৰ বিধান পুনৰ প্ৰৱৰ্তন কৰিছো, যাতে নূন্যতম পাঁচ বছৰ ইছলাম পালন কৰা ব্যক্তিয়েহে ৱাকফ সৃষ্টি কৰিব পাৰে।"

তেওঁ কয়, “এতিয়া ছিয়া, চুন্নী, বহৰা, পিছপৰা মুছলমান, মহিলা, আৰু বিশেষজ্ঞ অমুছলমানসকলো ৱাকফ ব’ৰ্ডত থাকিব। ধৰি লওক মই মুছলমান নহয়, কিন্তু সংখ্যালঘু পৰিক্ৰমা মন্ত্ৰী। তাৰ পিছত মই কেন্দ্ৰীয় ৱাকফ পৰিষদৰ অধ্যক্ষ হওঁ। মোৰ পদবীৰ পিছতো পৰিষদত সৰ্বাধিক ৪ জন অমুছলমান সদস্য থাকিব পাৰে, আৰু ইয়াৰ ভিতৰত ২ গৰাকী মহিলা সদস্য বাধ্যতামূলক।"

কিৰেন ৰিজিজুৱে কয়, "ৰে'লৱে ট্ৰেক, ষ্টেচন, আন্তঃগাঁথনি কেৱল ভাৰতীয় ৰে'লৱেৰ নহয়, এয়া সমগ্ৰ দেশৰ সম্পত্তি। আমি ৰেলৱেৰ সম্পত্তিক ৱাকফৰ সম্পত্তিৰ সৈতে কেনেকৈ সমান কৰিব পাৰো? একেদৰে দ্বিতীয় বৃহত্তম মাটিৰ মালিক প্ৰতিৰক্ষা বিভাগৰ ভূমি ৰাষ্ট্ৰীয় নিৰাপত্তা আৰু সামৰিক প্ৰশিক্ষণৰ বাবে নিৰ্ধাৰিত। সেইটোক ৱাকফ মাটিৰ লগত কেনেকৈ তুলনা কৰিব পাৰি? ৱাকফৰ বহু সম্পত্তি ব্যক্তিগত সম্পত্তি। সেইবাবেই ভাৰতত বিশ্বৰ ভিতৰতে সৰ্বাধিক ৱাকফৰ সম্পত্তি আছে"।

#WATCH | After introducing the Waqf Amendment Bill in Lok Sabha, Parliamentary Affairs Minister Kiren Rijiju says "The role of Waqf Board is to supervise the management of Waqf properties by mutawallis and those handling Waqf affairs. This is purely a provision for governance and… pic.twitter.com/GqCAK6ljuw
— ANI (@ANI) April 2, 2025

ৰিজিজুৱে উল্লেখ কৰিছে, "যেতিয়া আমাৰ দেশত বিশ্বৰ ভিতৰতে সৰ্বাধিক ৱাকফৰ সম্পত্তি আছে, তেতিয়া দৰিদ্ৰ মুছলমানসকলৰ শিক্ষা, চিকিৎসা, দক্ষতা বিকাশ, আৰু আয়ৰ বাবে ইয়াক ব্যৱহাৰ কৰা হোৱা নাই কিয়? এই ক্ষেত্ৰত এতিয়ালৈকে কিয় কোনো অগ্ৰগতি হোৱা নাই?...যদি প্ৰধানমন্ত্ৰী মোদীৰ নেতৃত্বত এই চৰকাৰখনে দুখীয়া মুছলমানৰ উন্নতিৰ বাবে কাম কৰি আছে, তেন্তে আপত্তি কিয়?..."

সংসদীয় পৰিক্ৰমা মন্ত্ৰীগৰাকীয়ে আৰু কয়, "আজি আমাৰ দেশত মুঠ ৱাকফৰ সম্পত্তি ৪.৯ লাখৰ পৰা ৮.৭২ লাখলৈ বৃদ্ধি পাইছে। যদি এই ৮.৭২ লাখ ৱাকফৰ সম্পত্তি সঠিকভাৱে পৰিচালিত হ'লহেঁতেন, তেন্তে ই কেৱল মুছলমানৰ জীৱন উন্নত কৰাই নহয় সমগ্ৰ দেশৰ ভাগ্যও সলনি কৰিলেহেঁতেন।"

ৰিজিজুৱে শেষত কয়, "আমি উত্থাপন কৰা ৱাকফ (সংশোধনী) বিধেয়কখনত যুটীয়া সংসদীয় কমিটিৰ কেইবাটাও পৰামৰ্শ অন্তৰ্ভুক্ত কৰা হৈছে, যিবোৰ আমি গ্ৰহণ কৰিছো আৰু এই বিধেয়কখনত অন্তৰ্ভুক্ত কৰিছো। এই বিধেয়কখনত জেপিচিৰ পৰা দিয়া পৰামৰ্শ সন্নিবিষ্ট হোৱা নাই বুলি কোৱাটো ভুল। বিধেয়কখনৰ এটা অতি গুৰুত্বপূৰ্ণ দিশ হৈছে নতুন গাঁথনিগত ব্যৱস্থা। ৱাকফ বিলৰ নাম সলনি কৰি ইউনিফাইড ৱাকফ মেনেজমেণ্ট এম্পাৱাৰমেণ্ট, ইফিচিয়েন্সি এণ্ড ডেভেলপমেণ্ট (ইউএমইডি) বিল কৰা হৈছে।"