ডুবাই
ডুবাইত অনুষ্ঠিত চেম্পিয়নছ ট্ৰফীৰ প্ৰথমখন ছেমিফাইনেলত ভাৰতে মঙলবাৰে অষ্ট্ৰেলিয়াক ৪ উইকেটত পৰাস্ত কৰি ফাইনেলত প্ৰৱেশ কৰে। মহম্মদ ছামীৰ তিনিটা উইকেট দখলৰ পিছত বিৰাট কোহলীৰ ৮৪ ৰাণৰ ইনিংছে ভাৰতক এই কৃতিত্ব অৰ্জন কৰাত সহায় কৰে।
ৰোহিত শৰ্মাৰ নেতৃত্বাধীন দলটোৱে ৪৮.১ অভাৰত ২৬৫ ৰানৰ লক্ষ্য (২৬৭/৬) অতিক্ৰম কৰে।
কোহলীৰ উপৰিও শ্ৰেয়াছ আয়াৰ (৪৫), কে এল ৰাহুল (৪২ নট আউট) আৰু হাৰ্দিক পাণ্ডিয়াই (২৮) গুৰুত্বপূৰ্ণ ইনিংছ খেলিছিল।
আইচিচি প্ৰতিযোগিতা এখনৰ নকআউট মেচত অষ্ট্ৰেলিয়াৰ বিৰুদ্ধে সৰ্বাধিক সফল ৰান চেজ পঞ্জীয়ন কৰি ভাৰতে ইতিহাস ৰচনা কৰে। কে এল ৰাহুলে ছয়ৰে ভাৰতৰহৈ বিজয়ী ৰাণ অৰ্জন কৰে।
ইয়াৰ পূৰ্বে অনুশাসিত বলিংৰ সহায়ত ভাৰতে প্ৰথমে বলিং কৰিবলৈ আমন্ত্ৰণ লাভ কৰাৰ পিছত অষ্ট্ৰেলিয়াক ৪৯.৩ অভাৰত ২৬৪ ৰানত অল আউট কৰে। ভাৰতীয় বলাৰৰ মুখ্য আকৰ্ষণ আছিল মহম্মদ ছামী, যিয়ে ৪৮ ৰানত ৩ উইকেট দখল কৰে, আৰু ইয়াৰ বিপৰীতে বৰুণ চক্ৰৱৰ্তী আৰু ৰবীন্দ্ৰ জাডেজাই দুটাকৈ উইকেট দখল কৰে।
অষ্ট্ৰেলিয়াৰ হৈ ষ্টীভ স্মিথে ৯৬টা বলত ৭৩ ৰান সংগ্ৰহ কৰি তেওঁলোকৰ বেটছমেনসকলৰ মাজত শীৰ্ষস্থান দখল কৰে।
ছেমি ফাইনেলৰ বাবে ডুবাইৰ টাৰ্ফখন লেহেমীয়া আছিল যদিও গ্ৰুপ পৰ্যায়ৰ মেচত ভাৰতে সন্মুখীন হোৱা টাৰ্ফতকৈ বেটিঙৰ বাবে অধিক অনুকূল বুলি প্ৰমাণিত হৈছিল। এটা পৰ্যায়ত ৩০০ ৰান অতিক্ৰম কৰিব পৰা যেন দেখাৰ পিছত অষ্ট্ৰেলিয়াই আৰু অধিক মুঠ লাভ নকৰাৰ বাবে হতাশ হুৱাটো স্বাভাৱিক। ২৩ অভাৰত ২ উইকেটত ১১০ ৰান কৰি তেওঁলোকে ভাল স্থিতিত থকা যেন দেখা গৈছিল যদিও ছিনিয়ৰ পেচাৰ মহম্মদ শ্বামীৰ নেতৃত্বত অনুশাসিত ভাৰতীয় বলিং প্ৰচেষ্টাই পিছৰ পৰ্যায়ত তেওঁলোকৰ গতিবেগ নমাই আনিছিল।
ফাইনেলত বুধবাৰৰ দক্ষিণ আফ্ৰিকা বনাম নিউজিলেণ্ডৰ বিজয়ী দলৰ মুখামুখি হ’ব ভাৰত।
ভাৰতে একেৰাহে তৃতীয়বাৰৰ বাবে চেম্পিয়নছ ট্ৰফীৰ ফাইনেলত প্ৰৱেশ কৰিছে। ২০১৩ চনত খিতাপ দখল কৰিছিল যদিও ২০১৭ চনৰ ফাইনেলত বিফল হৈছিল। ইয়াৰ উপৰিও ২০২৩ চনৰ এদিনীয়া বিশ্বকাপ আৰু ২০২৪ চনৰ টি-২০ বিশ্বকাপত ৰানাৰ্ছ আপৰ স্থান দখল কৰাৰ পিছত ভাৰতে একেৰাহে তৃতীয়বাৰৰ বাবে আইচিচি হোৱাইট বল প্ৰতিযোগিতাত ফাইনেলত প্ৰৱেশ কৰিছে।
