ধৰ্মশালা
মহম্মদ ছামীয়ে ভেটি স্থাপন কৰিলে আৰু বিৰাট কোহলীৰ লগতে অধিনায়ক ৰোহিত শৰ্মাই ইয়াৰ ওপৰত ভাৰতৰ বাবে দুৰ্গটো শক্তিশালীকৈ নিৰ্মাণ কৰিলে। অৱশেষত ৰবীন্দ্ৰ জাদেজাই ৰং দিলে। দেওবাৰে ইয়াত এইচপিচিএ ষ্টেডিয়ামত ক্ৰিকেটৰ এক মহাযুঁজত নিউজিলেণ্ডক চাৰি উইকেটত পৰাস্ত কৰি চলিত আইচিচি বিশ্বকাপ ২০২৩ত ভাৰত একমাত্ৰ অপৰাজিত দল হৈ ৰ'ল। ভাৰতে এতিয়ালৈকে খেলা পাঁচখন খেলত পাঁচতা জয়ৰে পৰা ১০ পইণ্টৰ সৈতে শীৰ্ষস্থানত আছে। দ্বিতীয় আৰু তৃতীয় স্থানত নিউজিলেণ্ড আৰু দক্ষিণ আফ্ৰিকা ক্ৰমে ৮ আৰু ৬ পইণ্টৰ সৈতে পিছ পৰি আছে।
বিৰাট কোহলীৰ উজ্জ্বল ৯৫ ৰানৰ সৌজন্যত ভাৰতে দুটা দশকৰ ভিতৰত নিউজিলেণ্ডৰ বিৰুদ্ধে আই চি চি ট্ৰফীত প্ৰথমটো জয় পঞ্জীয়ন কৰে। একে সময়তে, ই বিশ্বকাপৰ চলিত সংস্কৰণত নিউজিলেণ্ডৰ চাৰিখন খেলৰ অপৰাজিত যাত্ৰাও সমাপ্ত কৰে। এটা মূৰৰ পৰা উইকেট পৰি থকাৰ সময়ত চেজ মাষ্টৰ কোহলীয়ে ইনিংছটো লংঘন কৰি মেন ইন ব্লুক স্মৰণীয় জয়টোলৈ লৈ যায়।
প্ৰথমে বল কৰিবলৈ লৈ, ছামীৰ ৫৪ ৰাণত ৫ টা উইকেটৰ সহায়ত ভাৰতে নিউজিলেণ্ডক ৫০ অভাৰত ২৭৩ ৰাণত সীমিত ৰাখে। ঘৰুৱা দলটোৱে দুটা অভাৰ খেলিবলৈ বাকী থকা অৱস্থাত জয় পঞ্জীয়ন কৰে (২৭৪/৬, ৪৮ অভাৰ)। ইয়াৰ লগতে, এদিনীয়া বিশ্বকাপত পাঁচটা বা পাঁচটাতকৈ অধিক উইকেট দখল কৰা প্ৰথমজন ভাৰতীয় বলাৰ হৈ পৰিল ছামী, যিয়ে এই বিশ্বকাপত তেওঁৰ প্ৰথম খন খেল খেলিছিল। বাংলাদেশৰ বিৰুদ্ধে খেলত অলৰাউণ্ডাৰ হাৰ্দিক পাণ্ডিয়াই আঘাত পোৱাৰ বাবেহে ছামীয়ে ধৰ্মশালাত খেলিবলৈ সুযোগ পাইছিল। ইফালে ভাৰতে শাৰদুল ঠাকুৰক এৰি সূৰ্য্যকুমাৰ যাদৱক আনি পাণ্ডিয়াৰ অনুপস্থিতিৰ ভাৰসাম্য ৰক্ষা কৰাৰ প্ৰয়োজন হৈছিল।
বাংলাদেশৰ বিৰুদ্ধে ভাৰতৰ জয়লাভৰ পাছত ‘চেজমাষ্টাৰ’ কোহলীয়ে একেৰাহে দ্বিতীয়বাৰৰ বাবে এদিনীয়া শতক লাভ কৰাৰ ওচৰ চাপিছিল যদিও তেওঁ ৫ ৰান কম হ'ল। বাংলাদেশৰ বিৰুদ্ধে খেলখনৰ দৰেই কোহলীৰ শতক আৰু ভাৰতৰ বাবে প্রয়োজনীয় ৰাণ হুবহু একেই আছিল৷ কিন্তু শচীন টেণ্ডুলকাৰৰ ৪৯ শতকৰ বিশ্ব অভিলেখৰ পৰা স্পৰ্শকাতৰ দূৰত্বত থকা কোহলী মেট হেনৰীৰ হাতত উইকেটটো পৰে যদিও জাদেজাই একেটা অভাৰতে বিজয়ী ৰান দি চলিত বিশ্বকাপৰ প্ৰথমটো পৰাজয় নিউজিলেণ্ডক অৰ্পণ কৰে। বিৰাট কোহলী এতিয়া এইবাৰৰ বিশ্বকাপত আগশাৰীৰ ৰান সংগ্ৰহকাৰী।
বিশ্বকাপৰ এই সংস্কৰণত ভাৰতে পাঁচোবাৰেই ৰান খেদি জয়ি হৈছে। অষ্ট্ৰেলিয়াৰ বিৰুদ্ধে ভাৰতৰ উদ্বোধনী মেচত শূন্যত ওলাই অহা ৰোহিত শৰ্মাই প্ৰতিযোগিতাখনত ৩০০ ৰানৰ সীমা অতিক্ৰম কৰা প্ৰথমজন খেলুৱৈ হিচাপে পৰিগণিত হয় আৰু পুনৰ এবাৰ দলটোক এক আকৰ্ষণীয় আৰম্ভণি দিয়ে। এইবাৰ ২৭৪ ৰানৰ লক্ষ্য খেদি ট্ৰেণ্ট ব'ল্ট আৰু মেট হেনৰীৰ বিৰুদ্ধে ৰোহিত শৰ্মাই নিষ্ঠুৰ আছিল যদিও টম লেথামে আক্ৰমণত লকি ফাৰ্গুচনক অনাত তেওঁ এটা বল নিজৰ ষ্টাম্পলৈ টানি আনি উইকেটটো হেৰুৱালে। ফাৰ্গুচনে পিছৰ অভাৰত পুনৰ উইকেট দখল কৰে যেতিয়া শ্বুবমন গিলক ডেৰিল মিচেলে ডিপ থাৰ্ড মেনত কেচ লয়।
ভাৰতৰ বাবে ই আছিল এক শক্তিশালী আৰম্ভণি, মূলতঃ কাৰণ ৰোহিত শৰ্মাই সঁচাকৈয়ে নিজৰ খেলখন পুনৰ উদ্ভাৱন কৰিছে। আফগানিস্তান, পাকিস্তান আৰু বাংলাদেশৰ বিৰুদ্ধে যিদৰে নিৰ্দয় আছিল, ভাৰতৰ অধিনায়কগৰাকীয়ে নিউজিলেণ্ডৰ বিৰুদ্ধেও একেদৰে নিৰ্দয় আছিল। ৰোহিতে ৪০ বালত ৪৬ ৰানত ৪ চাৰি আৰু ৪ ছয় মাৰি ভাৰতৰ বাবে ভেটি স্থাপন কৰে। এই বছৰ ফৰ্মত থকা শ্বুবমন গিলে ২০০০ এদিনীয়া ৰাণত উপনীত হোৱা আটাইতকৈ দ্ৰুত খেলুৱৈ হিচাপে পৰিগণিত হৈছিল যদিও তেওঁৰ শ্বট নিৰ্বাচনে হতাশ কৰিলে।
কোহলীয়ে নিজৰ সুন্দৰ কভাৰ-ড্ৰাইভ আৰম্ভ কৰাৰ পূৰ্বে সতৰ্ক আছিল। আনটো মূৰত, শ্ৰেয়াছ আয়াৰে অতি অভিপ্ৰায়েৰে আহিছিল আৰু সোনকালেই নিউজিলেণ্ডে ভাৰতৰ বেটিং লাইন-আপৰ অধিক ক্ষতি কৰাৰ যিকোনো আশা কৰ্তন কৰিছিল। নিয়ৰ আন স্থানতকৈ আগতেই নামি আহিব বুলি আশা কৰা হৈছিল আৰু আয়াৰে নিশ্চিত কৰিছিল যে তেওঁ ক্ৰীজত থকাৰ সময়ত নিউজিলেণ্ডৰ বলাৰসকলে কোনো ছন্দ বিচাৰি নাপায়। শ্ৰেয়াছ আয়াৰক ডাঙৰ নক এটাৰ বাবে আশা কৰা গৈছিল যদিও ক্ৰীজত তেওঁৰ অৱস্থাৰ অন্ত পৰিল ট্ৰেণ্ট ব’ল্টৰ সঠিক শ্বৰ্ট বলৰ দ্বাৰা; ৪ নং ভাৰতীয় খেলুৱৈগৰাকীয়ে শ্বৰ্ট বলটো কোনো ধৰণৰ সময় আৰু নিয়ন্ত্ৰণ নোহোৱাকৈ ডেভন কনৱেলৈ ডিপ স্কোৱাৰ লেগত কেচ লবলৈ দিয়ে।
ইফালে ধৰ্মশালাত কুঁৱলীৰ বাবে খেলখন কিছু সময়ৰ বাবে বন্ধ হৈ পৰে। কুঁৱলীৰ বাবে হয়তো প্ৰথমবাৰৰ বাবে ক্ৰিকেট খেলত বাধা আহিবলগীয়া হৈছিল যদিও সৌভাগ্যক্ৰমে সোনকালে পৰিষ্কাৰ হৈ পৰিল আৰু তৎক্ষণাত খেল পুনৰ আৰম্ভ হ’ল। ইয়াৰ পিছতে ভাৰতে ৰান খেদাত নিজৰ পথ হেৰুৱাই পেলায়; ২২ অভাৰত বিৰাট কোহলীৰ সৈতে ৫৪ ৰানৰ ষ্টেণ্ডত থকা শ্ৰেয়াছ আয়াৰ আউট হয়, কে এল ৰাহুল ৩৩ অভাৰত পৰিল আৰু তাৰ পিছত আহিল সূৰ্য্যকুমাৰ যাদৱৰ কৰুণ ৰান আউট।
ভাৰতীয় ইনিংছৰ ৩৪ অভাৰত সূৰ্য্যকুমাৰ যাদৱে ট্ৰেণ্ট ব’ল্টৰ ডেলিভাৰীক কভাৰলৈ ঠেলি দিয়ে যিটো মিচেল ছাণ্টনাৰে চমৎকাৰভাৱে ৰখাই দিয়ে। সূৰ্য্যকুমাৰে দ্ৰুত একক এটাৰ আহ্বান জনাইছিল, বিৰাট কোহলীয়ে কেৱল পিছুৱাই যোৱাৰ বাবে সঁহাৰি জনাইছিল; এদিনীয়া বিশ্বকাপত অভিষেক ঘটোৱা সূৰ্যকুমাৰে ষ্ট্ৰাইকাৰ এণ্ডলৈ উভতি যায় যদিও ৰিলে থ্ৰ’ এটা পৰিষ্কাৰকৈ সংগ্ৰহ কিৰি টম লেথামে তেওঁক আউট কৰে। কোহলী হতাশ হৈছিল যদিও তেওঁৰ হাতত আছিল এক বৃহৎ কাম।
এই বিশ্বকাপত প্ৰথমবাৰৰ বাবে বেটিং কৰিছিল ৰবীন্দ্ৰ জাডেজাই আৰু সেয়া আছিল এটা কঠিন কাম। মাজৰ এই দুজন মানুহৰ কোনো এজনেই ওলাই আহিব পৰা অৱস্থাত নাছিল; হাৰ্দিক আৰু শ্বাৰদুলৰ অবিহনে ভাৰতীয় বেটিং লাইন আপ ৭ নংৰ পিছত দুৰ্বল আছিল আৰু ভাৰতক জয়লৈ নিয়াৰ দায়িত্ব বিৰাট কোহলী আৰু ৰবীন্দ্ৰ জাডেজাৰ ওপৰত আছিল। ৰোহিত শৰ্মা আৰু শ্ৰেয়াছ আয়াৰৰ দ্ৰুত ইনিংছৰ বাবেই প্ৰয়োজনীয় ৰান ৰেট প্ৰাপ্তযোগ্য আছিল আৰু কোহলী আৰু জাদেজাই ভাৰতক এক স্মৰণীয় জয়লৈ লৈ যাবলৈ সক্ষম হৈছিল।
কিন্তু এই বিশ্বকাপত ভাৰতক খেলপথাৰত যিমান ভাল দেখা গৈছে, সিমান ভাল দেখা নগ’ল। ৰোহিত শৰ্মাই টছত জয়লাভ কৰাৰ পিছত মহম্মদ ছিৰাজে ডেভন কনৱেক শূন্যত আউট কৰে। তেওঁ উইল ইয়ংক বৌল্ড আউট কৰিছিল আৰু ৯ ম অভাৰত ২ উইকেটত ১৯ ৰাণত নিউজিলেণ্ডৰ বাবে তেওঁলোকৰ আগত যথেষ্ট কঠিন কাম দেখিছিল। আৰম্ভণিৰ হেঁচা জস্প্ৰিত বুমৰাখে সৃষ্টি কৰিছিল, আৰু প্ৰথম ৪ অভাৰত মাত্ৰ ১৪ ৰানহে দিছিল।
নিউজিলেণ্ডে নিজৰ ত্ৰাণকৰ্তা বিচাৰি পালে ৰাচিন ৰবীন্দ্ৰ আৰু ডেৰিল মিচেলত (১৩০), যিয়ে তৃতীয় উইকেটত ১৫৯ ৰান সংগ্ৰহ কৰে। ৰবীন্দ্ৰৰ ভাগ্য ভাল আছিল যেতিয়া মহম্মদ ছামীৰ বলিঙত বেকৱাৰ্ড পইণ্টত ৰবীন্দ্ৰ জাদেজাই তেওঁক ড্ৰপ কৰিছিল। আৰু তেতিয়াৰ পৰা বেটছমেন দুজনে কিছুমান বেয়া ভাৰতীয় ফিল্ডিঙৰ সৰ্বোত্তম ব্যৱহাৰ কৰিছিল। কুলদীপ যাদৱৰ পৰা জস্প্ৰীত বুমৰাহৰ সহজ সুযোগ ড্ৰপ কৰি মিচেলেও জীৱন লাভ কৰিছিল। কথাবোৰ আৰু জটিল কৰি তুলিবলৈ কুলদীপ যাদৱে বল লৈ তেওঁৰ প্ৰথম অভাৰত দুটা ছয়ৰ বাবে ভুক্তভোগী হৈছিল আৰু হঠাতে বিশ্বৰ অন্যতম শ্ৰেষ্ঠ এদিনীয়াৰ বলাৰৰ ওপৰত হেঁচা পৰিছিল। দেওবাৰে ভাৰতে মাত্ৰ পাঁচজন বলাৰ লৈ খেলিছিল আৰু কুলদীপৰ সৈতে অটল থকাৰ বাহিৰে ৰোহিত শৰ্মাৰ আন উপায় নাছিল। ইফালে ৰবীন্দ্ৰ জাদেজাই নিজৰ ১০ অভাৰৰ আটাইকেইটা এটা স্পেলতে বলিং কৰি ভাল প্ৰদৰ্শন আগবঢ়ায়।
পিটচ লেহেমীয়া আছিল আৰু ষ্ট্ৰ’ক বনোৱাটো সহজ নাছিল। এটা পৰ্যায়ত ৰবীন্দ্ৰ আৰু মিচেলে সিদ্ধান্ত লয় যে ভাৰতীয় শক্তিশালী বেটিং লাইন আপৰ বিৰুদ্ধে ৩০০ৰ তলৰ মুঠ স্ক’ৰেৰে নিউজিলেণ্ড সুখী হ’ব। মানুহ দুজন ক্লিনিকেল আছিল আৰু কুলদীপ যাদৱক নিজৰ কামত থিতাপি ল’বলৈ নিদিলে।
কুলদীপ যাদৱে টম লেথান আৰু গ্লেন ফিলিপছৰ উইকেট লৈছিল যদিও এদিনীয়া বিশ্বকাপত তেওঁৰ আটাইতকৈ ব্যয়বহুল স্পেলৰে অন্ত পেলায়। আক্ৰমণ কৰিবলৈ দৃঢ়প্ৰতিজ্ঞ দুজন বেটছমেনৰ বিৰুদ্ধে তেওঁ কৰিব পৰা নাছিল; ৰাচিন ৰবিন্দ্ৰ আৰু ডেৰিল মিচেলে ইমানেই ভাল বেটিং কৰিছিল যে এই বিশ্বকাপৰ প্ৰথমখন মেচত মহম্মদ ছামীৰ বিশেষ প্ৰচেষ্টাৰ প্ৰয়োজন হৈছিল।
এটা সময়ত ৰাচিন ৰবিন্দ্ৰই দ্বিতীযটো শতকত উপনীত হ’ব যেন লাগিছিল যদিও ৮৭টা বলত ৭৫ ৰান কৰি মহম্মদ ছামীৰ হাতত পৰিল। নিউজিলেণ্ডক প্ৰতিযোগিতামূলক মুঠ স্থানলৈ অনাৰ দায়িত্ব মিচেলৰ ওপৰত পৰিল; তেওঁ ৯৩ৰ পৰা শতকলৈ যোৱাৰ সময় লৈছিল আৰু তাৰ পিছত গতি বৃদ্ধি কৰিছিল যদিও তেতিয়ালৈকে মহম্মদ ছামীক ৰখাব নোৱাৰা হৈ পৰিছিল। তেওঁৰ প্ৰচেষ্টা আৰু ছিৰাজ আৰু বুমৰাহৰ কৃপাত নিউজিলেণ্ডে শেষৰ ১০ অভাৰত মাত্ৰ ৫৪ ৰানহে কৰিবলৈ সক্ষম হয়।
২০১৯ চনৰ বিশ্বকাপত ছামীয়ে মাত্ৰ ৪খন মেচ খেলিছিল আৰু দুটা চাৰি উইকেট আৰু এটা পাঁচ উইকেট হ’লকে ধৰি ১৪টা উইকেট দখল কৰিছিল। দেওবাৰে তেওঁৰ বীৰত্বৰ পিছত ছামীয়ে দল পৰিচালনাৰ বাবে তেওঁক পুনৰ প্ৰতিযোগিতাখনত জিৰণি দিয়াটো অসম্ভৱ কৰি তুলিছে।
ইয়াৰ পিছত ভাৰতে ২৯ অক্টোবৰত লক্ষ্ণৌত ডিফেণ্ডিং চেম্পিয়ন ইংলেণ্ডৰ বিৰুদ্ধে খেলিব।
