আইপিএলৰ মেগা নিলামত কাশ্মীৰৰ ৰছিখ ছালামক ৬ কোটিত ক্ৰয় কৰিলে RCB-এ

Story by atv | Posted by [email protected] • 2 d ago

জম্মু-কাশ্মীৰৰ বেগী বলাৰ ৰছিখ ছালাম

জেদ্দা

ইণ্ডিয়ান প্ৰিমিয়াৰ লীগ (আই পি এল)ৰ মেগা নিলামত দেওবাৰে জম্মু-কাশ্মীৰৰ বেগী বলাৰ ৰছিখ ছালামক ৰয়েল চেলেঞ্জাৰ বেংগালুৰু (আৰ চি বি)য়ে ৬ কোটি টকাত ক্ৰয় কৰে। নিলামৰ সময়ত ছানৰাইজাৰ্ছ হায়দৰাবাদ (এছ আৰ এইচ)ও তেওঁক দলত অন্তৰ্ভুক্ত কৰিব বিচাৰিছিল।

যোৱা ছিজনত ৮খন মেচত ৯টা উইকেট দখল কৰা ছালামক দিল্লী কেপিটেলছে ‘ৰাইট টু মেচ’ কাৰ্ড ব্যৱহাৰ কৰি পুনৰ ক্ৰয়ৰ চেষ্টা কৰিছিল নিলামত আৰ চি বিয়ে শেষ হাঁহি মাৰে।

Unbelievable !!! 🚨

• Rasikh Salam Dar got the highest bid of 2 Cr from RCB ✅
• DC Enabled RTM Card ✅
• RCB raised the Bid from 2 Cr to 6 Cr directly ✅😦
• After discussing for ages, DC does not match the 6 Cr bid !!

Rasikh Salam Dar will play for #rcb in IPL 2025 for… pic.twitter.com/n0Q6gF2FNE
— CREX (@Crex_live) November 24, 2024

শেহতীয়াকৈ এ চি চি ইমাৰ্জিং এছিয়া কাপত ৰছিখে ভাৰতীয় জুনিয়ৰ দলৰ হৈ চাৰিখন মেচত ৯টা উইকেট দখল কৰি ক্ৰিকেটপ্ৰেমীৰ দৃষ্টি আকৰ্ষণ কৰিবলৈ সক্ষম হৈছিল। ইয়াৰ পূৰ্বে জম্মু-কাশ্মীৰৰ প্ৰতিভাৱান বেগী বলাৰ উমৰাণ মালিক আৰু যুৱ বেটাৰ আব্দুল ছামাদে আইপিএলত সুন্দৰ প্ৰদৰ্শনেৰে ৰাষ্ট্ৰীয় নিৰ্বাচকৰ মন জয় কৰিছে।

উল্লেখ্য যে, ১৫৭৪ গৰাকী খেলুৱৈৰ প্ৰাৰম্ভিক তালিকাৰ পৰা মুঠ ৫৭৪ গৰাকী খেলুৱৈক নিলামৰ বাবে চৰ্টলিষ্ট কৰা হৈছে। এই খেলুৱৈসকলে ২৪-২৫ নৱেম্বৰৰ পৰা জেদ্দাত অনুষ্ঠিত নিলামৰ আওতালৈ আহিব। এই তালিকাত ২০৮ জন বিদেশী খেলুৱৈ, ১২ জন আনকেপড বিদেশী খেলুৱৈ, আৰু ৩১৮ জন আনকেপড ভাৰতীয় খেলুৱৈ অন্তৰ্ভুক্ত কৰা হৈছে।