গুৱাহাটী
অলিম্পিকৰ পদক বিজয়ী বক্সাৰ মেৰী কমে পেছাদাৰী বক্সিংলৈ ঘূৰি অহাৰ কথা চিন্তা কৰিছে। এই ক্ৰীড়াৰ কৃতিত্বৰ বাবে পৰিচিত ভাৰতীয় বক্সাৰগৰাকীয়ে পুনৰ নামিব ৰিঙত।
আৰ্মি স্প’ৰ্টছ কনক্লেভত ভাষণ দি মেৰী কমে পেৰিছ অলিম্পিকত ভাৰতে পদকৰ বাবে হতাশা প্ৰকাশ কৰে। বক্সাৰসকলক অধিক পৰিশ্ৰম কৰিবলৈ আহ্বান জনোৱাৰ লগতে ফেডাৰেচনক এই অভাৱসমূহ দূৰ কৰিবলৈ আহ্বান জনায়।
অলিম্পিকৰ পদক বিজয়ী বক্সাৰ মেৰী কমে কয়, "মোৰ বৰ বেয়া লাগিছে কাৰণ এইবাৰ পেৰিছ অলিম্পিকত আমি কোনো পদক লাভ কৰিব পৰা নাই। মই বক্সাৰসকলক অধিক কঠোৰ পৰিশ্ৰম কৰিবলৈ আহ্বান জনাইছো আৰু ফেডাৰেচনে অভাৱসমূহৰ ওপৰত গুৰুত্ব দিবলৈ আহ্বান জনাইছোঁ।ক্ৰীড়াৰ প্ৰচাৰৰ বাবে আয়োজন কৰা আৰ্মি স্প'ৰ্টছ কনক্লেভ আছিল সুন্দৰ। মই এই অনুষ্ঠানত অংশগ্ৰহণ কৰি অতি সুখী অনুভৱ কৰিছো।”
তেখেতে আৰু কয়, "মই কামবেক কৰাৰ পৰিকল্পনা কৰিছো। মই প্ৰ'-বক্সিঙত কামবেক কৰিবলৈ চেষ্টা কৰিম।"
ইয়াৰ পূৰ্বে জুলাই মাহত চাৰিবাৰৰ অলিম্পিয়ান তথা ২০১২ চনৰ অলিম্পিক গেমছৰ পুৰুষৰ ১০ মিটাৰ এয়াৰ ৰাইফলৰ ব্ৰঞ্জৰ পদক বিজয়ী গগান নাৰাঙে এম চি মেৰী কমৰ ঠাইত পেৰিছ ২০২৪ অলিম্পিক গেমছত অংশগ্ৰহণৰ বাবে ভাৰতীয় দলটোৰ চেফ-ডি-মিছন হিচাপে নিৰ্বাচিত হৈছিল।
