নতুন দিল্লী
যোৱা মাহত পেৰিছ পেৰালিম্পিকত পদক লাভ কৰা পেৰা শ্বাটলাৰসকলক মঙলবাৰে ভাৰতীয় বেডমিণ্টন এছ’চিয়েশ্যনে মুঠ ৫০ লাখ টকাৰ পুৰস্কাৰ ঘোষণা কৰে।
পেৰিছ পেৰা অলিম্পিক গেমছত ভাৰতীয় পেৰা শ্বাটলাৰসকলে এটা সোণ, দুটা ৰূপ আৰু ব্ৰঞ্জকে ধৰি পাঁচটা পদক লাভ কৰে।
পুৰুষৰ একক এছ এল ৩ শাখাত আকাংক্ষিত স্বৰ্ণ জয় কৰা নিতেশ কুমাৰে ১৫ লাখ টকাৰ পুৰস্কাৰ লাভ কৰাৰ বিপৰীতে ৰূপৰ পদক বিজয়ী সুহাছ যতীৰাজ (পুৰুষৰ একক এছ এল ৪) আৰু থুলাছিমাথি মুৰুগেছন (মহিলা একক এছ ইউ ৫)ক ১০ লাখ টকাকৈ পুৰস্কাৰ প্ৰদান কৰা হ’ব।
ব্ৰঞ্জৰ পদক বিজয়ী মনীষা ৰমাদাস (মহিলা একক SU5) আৰু নিথ্যা শ্রে শিৱনে (মহিলা একক SH6 শাখা) প্ৰত্যেকেই লাভ কৰিব ৭.৫ লাখ টকা।
পেৰালিম্পিকত পদক অৰ্জন কৰা প্ৰথমগৰাকী ভাৰতীয় মহিলা শ্বাটলাৰ হিচাপে থুলাছিমাথি, মনীষা আৰু নিথ্যাই ইতিহাস ৰচনা কৰে।
বিএআইৰ (বেডমিণ্টন এছ’চিয়েশ্যন অফ ইণ্ডিয়া) সচিব প্ৰধান সঞ্জয় মিশ্ৰই কয়, ‘ভাৰতীয় পেৰা বেডমিণ্টন খেলুৱৈসকলে বিশ্ব মঞ্চত ধাৰাবাহিকভাৱে প্ৰদৰ্শন কৰি আহিছে আৰু নগদ ধনৰ পুৰস্কাৰ বিআইয়ে পেৰালিম্পিকত দেশখনক পদক লাভ কৰাত সহায় কৰাৰ প্ৰচেষ্টাক স্বীকৃতি দিয়াৰ এটা প্ৰচেষ্টা মাথোঁ।
তেওঁ লগতে কয়, ‘বিএআইয়ে সমগ্ৰ দেশতে পেৰা বেডমিণ্টনৰ বিকাশ আৰু প্ৰচাৰৰ বাবে প্ৰতিশ্ৰুতিবদ্ধ আৰু এই খেলুৱৈসকলক বহুত বেছি সফলতা লাভ কৰাত সহায় কৰিবলৈ প্ৰতিশ্ৰুতিবদ্ধ আৰু পেৰা বেডমিণ্টনৰ বিকাশৰ বাবে আন বহু পদক্ষেপ গ্ৰহণ কৰা হৈছে।
খেলুৱৈসকলৰ টাইট টুৰ্ণামেণ্ট সূচী বিবেচনা কৰি বিএআইয়ে এই খেলুৱৈসকলক অভিনন্দন জনোৱাৰ লগতে নিৰন্তৰ উন্নয়নৰ বাবে তেওঁলোকৰ প্ৰয়োজনীয়তাসমূহ বুজিবলৈ ভাৰ্চুৱেল ইন্টাৰেকচন চেচনৰো আয়োজন কৰিব।
