টি-২০ক বিদায় কোহলি-ৰোহিতৰ; এটা যুগৰ অৱসান

Story by atv | Posted by [email protected] • 3 d ago

টি-২০ বিশ্বকাপৰ খিতাপৰ সৈতে কোহলি-ৰোহিত

আৱাজ দ্য ভইচ অসম ব্যুৰ'

ক্ৰিকেটৰ পথাৰত কোহলি-ৰোহিতৰ যুগলবন্দী কোনেও কাহানিও পাহৰিব নোৱাৰে। ভাৰতৰ বহু জয়ৰ নায়ক কোহলি-ৰোহিতৰ যুগলবন্দীয়ে দেশৰ ক্ৰিকেট অনুৰাগীক কিমান সুখানুভূতি দিছে, সেয়া বৰ্ণনাতীত। কিন্তু সময়ৰ গতিত এতিয়া অতীত হ'বলৈ আগবাঢ়িছে কোহলি-ৰোহিতৰ যুগলবন্দী। টি-২০ বিশ্বকাপ জয়ৰ পিছতে টীম ইণ্ডিয়াৰ দুই তাৰকাই টি-২০ ক্ৰিকেটক বিদায় জনোৱাৰ সিদ্ধান্ত লৈছে। ইয়াৰ লগে লগে যেন টি-২০ ক্ৰিকেটত এটা চিৰস্মৰণীয় যুগৰ অন্ত পৰিল।

ফাইনেলত মেন অৱ দ্য মেচৰ বঁটা লাভ কৰাৰ সময়ত বিৰাট কোহলি ঘোষণা কৰে যে বিশ্বকাপৰ ফাইনেল দেশৰ হৈ তেওঁৰ অন্তিমখন টি-২০ মেচ। সেই ঘোষণাৰ ১২০ মিনিট পিছতে অধিনায়ক ৰোহিত শৰ্মাইও অৱসৰৰ কথা ঘোষণা কৰে। সংবাদমেলত তেওঁ আন্তঃৰাষ্ট্ৰীয় টি-২০ৰ পৰা অৱসৰ লোৱাৰ কথা ঘোষণা কৰে।

It's your Captain Rohit Sharma signing off from T20Is after the #T20WorldCup triumph! 🏆

He retires from the T20I cricket on a very special note! 🙌 🙌

Thank you, Captain! 🫡#TeamIndia | @ImRo45 pic.twitter.com/NF0tJB6kO1
— BCCI (@BCCI) June 29, 2024

ৰোমাঞ্চ আৰু উত্তেজনাৰে ভৰপূৰ ফাইনেলৰ অন্তত সংবাদমেলত ৰোহিতে কয়, ‘এইখন ভাৰতৰ হৈ মোৰ শেষ টি-২০ মেচ আছিল। ইয়াৰ পিছত মই আৰু দেশৰ হৈ টি-২০ খেলিব নোৱাৰিম। এই সিদ্ধান্ত ল’বলৈ ইয়াতকৈ ভাল সময় একো হ’ব নোৱাৰে। এই ফৰ্মেটতে মই ভাৰতীয় দলত অভিষেক ঘটাইছিলোঁ।"

টি-২০ৰ পৰা অৱসৰ লোৱাৰ পিছত ৰোহিতে কয় যে তেওঁ এদিনীয়া আৰু টেষ্ট ক্ৰিকেট খেলি যাব। ফাইনেলত নামৰ পূৰ্বে তেওঁ জানিছিল যে এয়া তেওঁৰ শেষ সুযোগ। তাৰ বাবেই তেওঁ ট্ৰফী জিকিবলৈ উদগ্ৰীব হৈ আছিল। ভাৰতৰ অধিনায়কগৰাকীয়ে কয়, ‘মই টি-২০ খেলাৰ দিনৰে পৰা উপভোগ কৰি আহিছো আৰু বিশ্বজয়ৰ সপোন দেখিছিলো। ট্ৰফী হাতত ল'বলৈ মই হাহাকাৰ কৰিছিলোঁ। অৱশেষত আজি সেই দিনটো আহিল, মই কিমান সুখী বুজাব নোৱাৰো।"

𝐄𝐍𝐃𝐈𝐍𝐆 𝐎𝐍 𝐀 𝐇𝐈𝐆𝐇@ImRo45, I’ve witnessed your evolution from a promising youngster to a World Cup-winning captain from close quarters. Your unwavering commitment & exceptional talent have brought immense pride to the nation. Leading 🇮🇳 to a T20 World Cup 🏆 victory… pic.twitter.com/QSEui6Bq2K
— Sachin Tendulkar (@sachin_rt) June 30, 2024

ভাৰতীয় অধিনায়কগৰাকীয়ে পুনৰ কয়, "যোৱা ৩-৪ বছৰ ধৰি মই যি পৰিস্থিতিৰ মাজেৰে পাৰ হৈ আহিছো, মই এটা শব্দত বুজাব নোৱাৰো। সঁচা কথা ক’বলৈ গ’লে দলৰ সকলোৱে কঠোৰ পৰিশ্ৰম কৰিছে। ফাইনেলত উপনীত হোৱা আৰু জয়ী হোৱাৰ আঁৰত বহু কথাই জড়িত হৈ থাকে। গতিকে এই জয় এদিনৰ জয় নহয়, যোৱা ৩-৪ বছৰৰ ফল। যোৱা ৩-৪ বছৰত যিমান কষ্ট কৰিছো তাৰ ফল আজি লাভ কৰিছো।"

উল্লেখ্য যে, ভাৰতে ইয়াৰ পূৰ্বেও আইচিচি ইভেণ্টৰ ফাইনেলত উপনীত হৈছিল। কিন্তু বেছিভাগ সময়তে দলটো হতাশাৰ সন্মুখীন হৈছিল। এইবাৰ অৱশ্যে, ভাৰতে বিৰাট কোহলি আৰু অধিনায়ক ৰোহিত শৰ্মাৰ দীৰ্ঘদিনীয়া সপোন পূৰণ কৰি বিশ্বজয় কৰিবলৈ সক্ষম হয়।

THE GOAT MOMENT OF INDIAN CRICKET....!!!!

- Thank you, Rohit & Kohli. 🥺 pic.twitter.com/RDuKAwg4V4
— Johns. (@CricCrazyJohns) June 29, 2024

ৰোহিতে ১৫৯খন টি-২০ মেচত মুঠ ৪২৩১ ৰান সংগ্ৰহ কৰি ফৰ্মেটৰ সৰ্বোচ্চ স্ক’ৰাৰ হিচাপে পৰিগণিত হয়। টি-২০ আন্তঃৰাষ্ট্ৰীয় মেচত সৰ্বাধিক শতক অৰ্জন কৰাৰ অভিলেখো তেওঁৰ হাতত আছে, য’ত তেওঁৰ নামত পাঁচটা শতক আছে। ৰোহিতৰ টি-২০ যাত্ৰাৰ আৰম্ভণি হৈছিল ২০০৭ চনত অনুষ্ঠিত হোৱা উদ্বোধনী টি-২০ বিশ্বকাপৰ পৰা। প্ৰতিযোগিতাখনত তেওঁ ভাৰতৰ প্ৰথম খিতাপ জয়ৰ মূল খেলুৱৈ হিচাপে চিহ্নিত হৈছিল।

এতিয়া অধিনায়ক হিচাপে প্ৰথমটো আৰু সামগ্ৰিকভাৱে ভাৰতলৈ দ্বিতীয়টো টি-২০ খিতাপ কঢ়িয়াই আনিছে।