২০২৪ৰ অন্তিমটো সূৰ্য উদয়ৰ মন্ত্ৰমুগ্ধকৰ দৃশ্য

Story by atv | Posted by [email protected] • 4 d ago

মাদুৰাইৰ পৰা ২০২৪ৰ অন্তিমটো সূৰ্য উদয়ৰ মন্ত্ৰমুগ্ধকৰ দৃশ্য

আৱাজ দ্য ভইচ অসম

২০২৪ বৰ্ষই আমাৰ মাজৰ পৰা আজি বিদায় মাগিব। এনে ক্ষণত বছৰৰ শেষৰ সূৰ্য্য উদয়ৰ মন্ত্ৰমুগ্ধকৰ দৃশ্যসমূহ দেশৰ বিভিন্ন প্ৰান্তৰ পৰা প্ৰকাশ পাইছে।

গোৱাৰ ড’না প’লা বিচ্চৰ দৃশ্যই আকাশখন সোণালী, গোলাপী আৰু কোমল বেঙুনীয়া ৰঙৰ স্পন্দনশীল ৰঙেৰে ৰঙীন এক আকৰ্ষণীয় সূৰ্য্য উদয়ক ধৰি ৰাখিছিল। ৰাজ্যখনৰ দক্ষিণ অঞ্চলৰ পৰাও একেধৰণৰ দৃশ্যৰ উন্মেষ ঘটিছে। ইফালে, ২০২৪ৰ অন্তিমটো পুৱা সোণালী ৰঙৰ সূৰ্যই শোভা বঢ়াই কোচি, মাদুৰাই আৰু চেন্নাই চহৰক।

#WATCH | Last sunrise of the year 2024 from Dona Paula, Goa. pic.twitter.com/wWUqMcG9rn
— ANI (@ANI) December 31, 2024

কলকাতা চহৰৰ নীল দিগন্তৰ ওচৰৰ উষ্ণ সোণালী জিলিকনিয়ে বছৰৰ সুক্ষ্ম, শান্ত আৰু শেষ সূৰ্য্য উদয়ক ধৰি ৰাখিছে। তথাপিও মুম্বাই চহৰত অৱস্থিত আইকনিক গেটৱে অৱ ইণ্ডিয়াখন সূৰ্য্য উদয়ৰ উষ্ণতাত ডুব গৈছে।

সৌন্দৰ্য্যৰ প্ৰতিমূৰ্তি এই ৰাজ্যসমূহৰ বিপৰীতে জম্মু-কাশ্মীৰৰ ভূখণ্ড প্ৰচণ্ড তুষাৰপাতৰ সাক্ষী হৈ আছে। অৱশ্যে, পুঞ্চ জিলাৰ পৰা সূৰ্য উদয়ৰ দৃশ্যসমূহে জনসাধাৰণক আজি আপ্লুত কৰে, কিয়নো অঞ্চলটো বহুদিন ধৰি বৰফৰ চাদৰেৰে আবৃত হৈ আছে।

Last sunrise of 2024.
Typical December crowd at Juhu Beach,loads of them from other cities mostly MH12,14 😜 pic.twitter.com/AlfjzBdRf1
— Sahil P (@Sahilinfra2) December 31, 2024

ইফালে বছৰৰ শেষৰ দিনটোত মানুহে আধ্যাত্মিক চিন্তাৰে নতুন দিনক আদৰাৰ মানসেৰে নিজ নিজ চহৰৰ প্ৰখ্যাত মন্দিৰসমূহত ভিৰ কৰিছে। নতুন দিল্লীৰ কন’ট প্লেচৰ বিখ্যাত প্ৰচীন হনুমান মন্দিৰত পুৱাৰে পৰা প্ৰাৰ্থনা কৰিবলৈ অহা ভক্তৰ সংখ্যা বৃদ্ধি পোৱা দেখা গৈছে।

কাশ্মীৰৰ চৌদিশে বৰফৰ শুভ্ৰ দলিচা

বছৰৰ একেবাৰে শেষ দিনটোত কাশী বিশ্বনাথ মন্দিৰৰ বাহিৰতো অসংখ্য ভক্তই শাৰী পাতি প্ৰাৰ্থনাৰ বাবে অপেক্ষা কৰিছে। এইদৰে বাৰাণসীবাসীয়ে আধ্যাত্মিকতাত ডুব গৈছে। ভক্তসকলে গুৱাহাটীৰ শক্তিপীঠ মা কামাখ্যা মন্দিৰ পৰিদৰ্শনৰ বাবেও ওলাই আহিছে।

#WATCH | Last sunrise of the year 2024 from Madurai, Tamil Nadu. pic.twitter.com/Z8Q9Yjlgf0
— ANI (@ANI) December 31, 2024

ইফালে, মাদুৰাইৰ মীনাক্ষী মন্দিৰৰ মনোমোহা দৃশ্যই সকলোৰে দৃষ্টি আকৰ্ষণ কৰিছে, কাৰণ সূৰ্য্য উদয়ৰ মন্ত্ৰমুগ্ধকৰ ক্ষণৰ পৰাই ইয়াত ভক্তসকলে মন্দিৰত প্ৰাৰ্থনাৰ বাবে অপেক্ষা কৰি আছে। উল্লেখ্য যে, সমগ্ৰ বিশ্বই আজি নিশা ১২ বজাত ২০২৪ চনক বিদায় জনাই এটা নতুন বৰ্ষক আদৰি ল'ব। নতুন লক্ষ্য আৰু সংকল্পৰে সকলোৱে ২০২৫ চনক আদৰিবলৈ সাজু হৈছে।