ঢাকা
বাংলাদেশৰ অন্তৱৰ্তীকালীন চৰকাৰে সোমবাৰে কয় যে, পদচ্যুত প্ৰধানমন্ত্ৰী শ্বেখ হাছিনাক ঢাকালৈ ঘূৰাই পঠিয়াবলৈ ভাৰতলৈ কূটনৈতিক বাৰ্তা প্ৰেৰণ কৰা হৈছে।
ছাত্ৰ-নেতৃত্বাধীন প্ৰতিবাদে ৭৭ বছৰীয়া হাছিনাৰ ১৬ বছৰীয়া শাসন উফৰাই দিয়াৰ পিছত ৫ আগষ্টৰ পৰাই ভাৰতত নিৰ্বাসনত বসবাস কৰি আহিছে। ঢাকাস্থিত আন্তঃৰাষ্ট্ৰীয় অপৰাধ ন্যায়াধিকৰণে হাছিনা আৰু কেইবাজনো প্ৰাক্তন কেবিনেট মন্ত্ৰী, উপদেষ্টা, সামৰিক আৰু অসামৰিক বিষয়াক “মানৱতাৰ বিৰুদ্ধে অপৰাধ আৰু গণহত্যাৰ” অভিযোগত গ্ৰেপ্তাৰী পৰোৱানা জাৰি কৰিছে।
বৈদেশিক পৰিক্ৰমা উপদেষ্টা বা বাস্তৱিক বৈদেশিক মন্ত্ৰী তৌহিদ হোছেইনে নিজৰ কাৰ্যালয়ত সাংবাদিকৰ আগত কয় যে, "আমি ভাৰত চৰকাৰলৈ মৌখিক বাৰ্তা (কূটনৈতিক বাৰ্তা) প্ৰেৰণ কৰিছো যে বাংলাদেশে তেওঁক ন্যায়িক প্ৰক্ৰিয়াৰ বাবে ইয়ালৈ ঘূৰি অহাটো বিচাৰে।
ইয়াৰ পূৰ্বে পুৱা গৃহ উপদেষ্টা জাহাংগীৰ আলমে কয় যে বহিষ্কৃত প্ৰধানমন্ত্ৰীগৰাকীক ভাৰতৰ পৰা প্ৰত্যাৰ্পণৰ সুবিধাৰ বাবে তেওঁৰ কাৰ্যালয়ে বৈদেশিক মন্ত্ৰালয়লৈ এখন পত্ৰ প্ৰেৰণ কৰিছে।
"আমি তেওঁক প্ৰত্যাৰ্পণ সন্দৰ্ভত বৈদেশিক মন্ত্ৰালয়লৈ এখন পত্ৰ প্ৰেৰণ কৰিছো। সম্প্ৰতি এই প্ৰক্ৰিয়া চলি আছে।" - এক প্ৰশ্নৰ উত্তৰত তেওঁ সাংবাদিকৰ আগত এইদৰে কয়।
আলমে কয় যে ঢাকা আৰু নতুন দিল্লীৰ মাজত ইতিমধ্যে প্ৰত্যাৰ্পণ চুক্তি আছে আৰু এই সন্ধিৰ অধীনত হাছিনাক বাংলাদেশলৈ ঘূৰাই অনা হ’ব পাৰে।
