ছিউল
দক্ষিণ কোৰিয়াৰ ৰাষ্ট্ৰপতি ইউন চুক ইয়লে মঙলবাৰে জৰুৰীকালীন সামৰিক আইন ঘোষণা কৰি কয় যে বাজেট বিধেয়কক লৈ সংসদীয় কাজিয়াৰ মাজতে দেশখনক “কমিউনিষ্ট শক্তি”ৰ পৰা ৰক্ষা কৰিবলৈ এই পদক্ষেপ প্ৰয়োজনীয়।
দেশখনক লাইভ টেলিভিছনত দিয়া ভাষণত ইউনে কয় যে, "উত্তৰ কোৰিয়াৰ কমিউনিষ্ট বাহিনীয়ে সৃষ্টি কৰা ভাবুকিৰ পৰা উদাৰ দক্ষিণ কোৰিয়াক ৰক্ষা কৰিবলৈ আৰু ৰাষ্ট্ৰ বিৰোধী উপাদানসমূহক নিৰ্মূল কৰিবলৈ... মই ইয়াৰ দ্বাৰা জৰুৰীকালীন সামৰিক আইন ঘোষণা কৰিছো।"
তেওঁ লগতে কয় যে জনসাধাৰণৰ জীৱিকাৰ প্ৰতি কোনো গুৰুত্ব নিদিয়াকৈয়ে বিৰোধী দলে কেৱল অভিযোগনামা, বিশেষ তদন্ত, নিজৰ নেতাক ন্যায়ৰ পৰা ৰক্ষা কৰাৰ স্বাৰ্থত শাসন ব্যৱস্থাক অচল কৰি পেলাইছে।
অহা বছৰৰ বাজেট বিধেয়কক লৈ ইউনৰ পিপল পাৱাৰ পাৰ্টি আৰু মূল বিৰোধী দল ডেম’ক্ৰেটিক পাৰ্টিৰ মাজত কাজিয়া অব্যাহত থকাৰ সময়তে এই পদক্ষেপ গ্ৰহণ কৰা হৈছে। বিৰোধী দলৰ সাংসদসকলে যোৱা সপ্তাহত সংসদীয় সমিতিৰ জৰিয়তে যথেষ্ট পৰিমাণে হ্ৰাস কৰা বাজেট পৰিকল্পনাত অনুমোদন জনায়।
ইউনে কয় যে, "আমাৰ নেচনেল এচেম্বলী অপৰাধীৰ আশ্ৰয়স্থল হৈ পৰিছে, ন্যায়িক আৰু প্ৰশাসনিক ব্যৱস্থাক পক্ষাঘাতগ্ৰস্ত কৰি আমাৰ উদাৰ গণতান্ত্ৰিক ব্যৱস্থাক উফৰাই পেলাবলৈ বিচৰা এচেম্বলীৰ একনায়কত্ববাদৰ গুহা হৈ পৰিছে।"
তেওঁ বিৰোধী সাংসদসকলৰ বিৰুদ্ধে অভিযোগ উত্থাপন কৰে যে তেওঁলোকে “ৰাষ্ট্ৰৰ মূল কামৰ বাবে প্ৰয়োজনীয় সকলো মূল বাজেট, যেনে ড্ৰাগছৰ অপৰাধৰ বিৰুদ্ধে যুঁজ দিয়া আৰু জনসাধাৰণৰ নিৰাপত্তা বজাই ৰখা বিপৰীতে দেশখনক ড্ৰাগছৰ আশ্ৰয়স্থল আৰু জনসাধাৰণৰ সুৰক্ষাৰ বিশৃংখলতাৰ অৱস্থালৈ ৰূপান্তৰিত কৰাত” লাগিছে।
৩০০ জনীয়া সংসদত সংখ্যাগৰিষ্ঠতা থকা বিৰোধী দলটোক য়ুনে “শাসন ব্যৱস্থাক উফৰাই পেলোৱাৰ উদ্দেশ্যেৰে ৰাষ্ট্ৰবিৰোধী শক্তি” বুলি অভিহিত কৰি তেওঁৰ সিদ্ধান্তক “অনিবাৰ্য” বুলি অভিহিত কৰে।
"ৰাষ্ট্ৰবিৰোধী শক্তিৰ পৰা অতি সোনকালে মুক্তি দি দেশখনক স্বাভাৱিক অৱস্থালৈ ঘূৰাই আনিম।" - তেওঁ লগতে কয়।
