নতুন দিল্লী
ভাৰত আৰু বাংলাদেশৰ মাজত সম্পৰ্ক তিক্ততাপূৰ্ণ হৈ উঠাৰ সময়তে প্ৰধানমন্ত্ৰী নৰেন্দ্ৰ মোদীয়ে থাইলেণ্ডত বাংলাদেশৰ মুখ্য উপদেষ্টা মহম্মদ ইউনুছৰ সৈতে বৈঠকত মিলিত হয়। যোৱা আগষ্ট মাহত প্ৰধানমন্ত্ৰী শ্বেখ হাছিনাক শাসনৰ পৰা উৎখাত কৰাৰ পিছত দুই চুবুৰীয়া দেশৰ মূৰব্বী দুগৰাকীৰ এয়া প্ৰথমখন বৈঠক।
সূত্ৰসমূহে জনোৱা মতে, বিমষ্টেক শীৰ্ষ সন্মিলনৰ আঁৰত বাংলাদেশ চৰকাৰে ইউনুছ আৰু প্ৰধানমন্ত্ৰী মোদীৰ মাজত বৈঠক বিচাৰিছিল। ভিজুৱেলসমূহত দেখা গৈছে যে দ্বিপাক্ষিক আলোচনাত বহাৰ পূৰ্বে দুয়োগৰাকী নেতাই সৌহাদ্যপূৰ্ণভাৱে পৰস্পৰৰ সৈতে হাত মিলায়। বৃহস্পতিবাৰে নিশা বিমষ্টেকৰ নেতাসকলৰ নিশাৰ আহাৰৰ সময়তো প্ৰধানমন্ত্ৰী মোদী আৰু মহম্মদ ইউনুছক কাষতে বহি থকা দেখা গৈছিল।
উল্লেখ্য যে, ভাৰতৰ উত্তৰ-পূৰ্বাঞ্চলক ভূমি আৱদ্ধ স্থান বুলি উল্লেখ কৰি ইউনুছে চীনক ভাৰতৰ উত্তৰ-পূবৰ ৰাজ্যসমূহত নিজৰ প্ৰভাৱ বৃদ্ধি কৰিবলৈ আহ্বান জনাই ভাৰতক ক্ষুব্ধ কৰাৰ এদিন পিছতে থাইলেণ্ডত তেওঁ প্ৰধানমন্ত্ৰী মোদীৰ সৈতে বৈঠকত মিলিত হয়। ইউনুছে চীন ভ্ৰমণৰ সময়ত বাংলাদেশক ভাৰত মহাসাগৰৰ একমাত্ৰ গেটৱে হিচাপে প্ৰক্ষেপ কৰাত তীব্ৰ অসন্তুষ্টি ব্যক্তি কৰিছিল অসমৰ মুখ্যমন্ত্ৰী হিমন্ত বিশ্ব শৰ্মা আৰু বৈদেশিক পৰিক্ৰমা মন্ত্ৰালয়ে।
ইউনুছৰ মন্তব্যৰ প্ৰতি প্ৰধানমন্ত্ৰী মোদীয়ে পোনপটীয়াকৈ কোনো সঁহাৰি নিদিলেও প্ৰধানমন্ত্ৰীয়ে উল্লেখ কৰে যে ভাৰতৰ উত্তৰ-পূব বিমষ্টেক গ্ৰুপিঙৰ হৃদপিণ্ডত নিহিত হৈ আছে।
